Skipulags- og umhverfisráð
Dagskrá
1.ASK BR Giljur (VÞ30 og ÍB13)
2510015
Lögð er fram tillaga um breytingu á aðalskipulagi Mýrdalshrepps fyrir verslunar- og þjónustusvæði VÞ30 Giljur. Breytingin felur í sér stækkun reits VÞ30 Giljur fyrir gisti- og ferðaþjónustu í eldri húsum á jörðinni og í smáhýsum, og fjölgun gistirúma á reitnum. Bætt er við nýjum reit fyrir íbúðarbyggð ÍB13 Giljur, þar sem gert er ráð fyrir heimild til uppbyggingar fjögurra íbúðarhúsa.
Skipulagstillaga var kynnt frá 2. mars til og með 23. mars 2026 og bárust engar athugasemdir en umsagnir bárust frá Heilbrigðiseftirliti Suðurlands(HSL), Slökkvilið Mýrdalshrepps(SM) og Vegagerðinni.
Skipulagstillaga var kynnt frá 2. mars til og með 23. mars 2026 og bárust engar athugasemdir en umsagnir bárust frá Heilbrigðiseftirliti Suðurlands(HSL), Slökkvilið Mýrdalshrepps(SM) og Vegagerðinni.
Skipulags- og umhverfisráð samþykkir fyrirliggjandi tillögu í samræmi við 3. mgr. 30. gr. skipulagslaga nr. 123/2010 og felur skipulagsfulltrúa að auglýsa tillöguna skv. 31. gr. sömu laga. Skipulagsfulltrúa er falið að senda Skipulagsstofnun skipulagstillöguna til yfirferðar áður en tillagan verður auglýst.
2.ASK BR - Ránarbraut 3 (S4)
2602003
Lögð er fram tillaga um breytingu á aðalskipulagi Mýrdalshrepps. Breytingin felur í sér minnkun á samfélagsþjónustureit S4 úr 0,6 ha í 0,32 ha. Stofnaður verður nýr miðsvæðisreitur sem fær nafnið Ránarbraut 3 (M9). Innan miðsvæðisreit M9 er gisting ekki leyfileg en innan reitsins er gert ráð fyrir skrifstofum, léttri veitingarstarfsemi (kaffihús eða bakarí), dagvöruverslun og íbúðum. Þá er almennum skilmálum fyrir miðsvæði breytt, er varðar hámarkshæð bygginga á miðsvæðum.
Skipulags- og umhverfisráð samþykkir að forkynna fyrirliggjandi tillögu með umræddum breytingum í samræmi við 2. mgr. 30. gr. skipulagslaga nr. 123/2010 og felur skipulagsfulltrúa að vinna málið.
3.ASK ÓBR - Steig (VÞ26)
2308028
Lögð er fram tillaga um óverulega breytingu á aðalskipulagi Mýrdalshrepps sem felur í sér að byggingamagn aukið úr 600 m² í 1.500 m² fyrir reit VÞ26 Steig.
Skipulags- og umhverfisráð samþykkir breytinguna og felur skipulagsfulltrúa að senda gögnin til Skipulagsstofnunar og ljúka málinu.
4.DSK Steig
2502003
Lögð er fram tillaga að deiliskipulagi fyrir Steig.
Skipulags-og umhverfisráð samþykkir tillöguna og felur skipulagsfulltrúa að kynna tillöguna skv. 1. mgr. 41. gr. skipulagslaga nr. 123/2010.
5.DSK ÓBR - Hótel Dyrhólaey (VÞ27)
2603005
Lögð er fram tillaga um óverulega breytingu á deiliskipulagi fyrir Hótel Dyrhólaey.
Breytingin telst óveruleg og varðar ekki hagsmuni annarra en umsækjanda og því ekki er talin þörf að grenndarkynna hana.
Skipulags- og umhverfisráð leggur til við sveitarstjórn að tillagan hljóti málsmeðferð í samræmi við 2. mgr. 43. gr. skipulagslaga nr. 123/2010, með fyrirvara um lagfæringu á texta í 2. mgr. 1. gr. í skipulagstillögunni.
Skipulags- og umhverfisráð leggur til við sveitarstjórn að tillagan hljóti málsmeðferð í samræmi við 2. mgr. 43. gr. skipulagslaga nr. 123/2010, með fyrirvara um lagfæringu á texta í 2. mgr. 1. gr. í skipulagstillögunni.
6.Bráðabirgðavegur frá efnistökusvæði E21 - framkvæmdaleyfi
2603007
EP Power Minerals Iceland ehf sækir um framkvæmdaleyfi vegna nýrrar vegtengingar við efnistökusvæði E21-Austan við Hafursey á Mýrdalssandi.
Ráðið mælist til þess að drög að framkvæmdaleyfi fyrir vegtenginguna og efnistökuna verði send til kynningar. Ráðið gerir ekki athugasemd við staðsetningu bráðabirgða vegtengingar en telur mikilvægt að útfærsla á millilager fyrir efni taki mið af fokhættu efnisins og sjónrænum áhrifum.
7.DSK BR Iðnaðarsvæði og Austurhluti
2604008
Lagt fram erindi vegna stækkunar á lóðinni Smiðjuvegur 12a.
ÓG vék af fundi við afgreiðslu málsins.
Ráðið gerir ekki athugasemdir við stækkun lóðarinnar. Stækkunin krefst breytinga á skipulagi svæðisins og ráðið mælist til þess að lóðarhafi standi straum af kostnaði við þær og gerð nýrrar merkjalýsingar.
Ráðið gerir ekki athugasemdir við stækkun lóðarinnar. Stækkunin krefst breytinga á skipulagi svæðisins og ráðið mælist til þess að lóðarhafi standi straum af kostnaði við þær og gerð nýrrar merkjalýsingar.
Fundi slitið - kl. 10:30.
Eldri fundargerðir
Einnig er hægt að nálgast eldri fundargerðir
Samþykkt samhljóða.