Fjölskyldu-, frístunda- og menningarráð

Ráðið þakkar leikskólastjóra fyrir yfirferðina.

Sveitarstjóra er falið að ganga frá verkáætlun vegna snjómoksturs við gönguleiðir barna í skóla í samræmi við umræður fundarins í samráði við verkstjóra áhaldahúss og skólastjóra. Verkstjóra áhaldahúss er falið að vinna að því að gangstéttakantar við gangbrautir séu teknir niður og lagaðir og að settar verði upp slár við gangbrautir yfir þjóðveginn. Sveitarstjóra og verkstjóra áhaldahúss er falið að kortleggja vandlega málun gangstétta fyrir næsta ár þegar málunarteymi kemur til Víkur.

Ráðið þakkar félaginu fyrir erindið. Ráðið felur verkstjóra áhaldahúss að setja upp skilti sem afmarkar bílastæði starfsfólks og almenningsbílastæði við Víkurskóla. Skoðað verði í framhaldinu hvort að rétt sé að loka alfarið bílastæðum sem eru næst leiksvæði skólans. Erindi foreldrafélagsins verði aftur tekið til umræðu með skólastjóra á næsta fundi ráðsins.
Ráðið tekur undir áherslur foreldrafélagsins hvað varðar næringu og heilsueflingu fyrir skólann og mælist til þess að unnið sé í samræmi við þær við matseld á Hjallatúni.

Ráðið samþykkir fyrir sitt leyti breytta opnunartíma sem miða að því að hagræða í starfsmannahaldi en bæta aðgengi að líkamsræktaraðstöðu.

Ráðið leggur til við sveitarstjórn að gjaldskrá fyrir íþróttamiðstöð verði endurskoðuð og geri ráð fyrir að eldri borgarar og börn búsett í sveitarfélaginu fái þjónustukort frá sveitarfélaginu í sund.