Fjallskilanefnd

Farið var yfir uppgjör fjallskila, en síðastliðið haust var bætt inn á fjallskilaseðilinn 3. safni til að reyna að koma í veg fyrir kostnað vegna eftirleitatíma.
Skipta þurfti Höfðabrekkuafrétti og Heiðunum upp í tvær göngur vegna þess að ekki tókst að manna göngur til að smala á hefðbundinn máta. Jafnframt var lækkað mat á Höfðabrekkuafrétti til samræmis við aðrar smalanir á svæðinu.
Bætt var við smölun á láglendi Heiðardalsins.

Þar sem fjallskilanefnd hafði áður rætt málið er talið að bréf sem senda átti til Álftveringa í haust gildi sem svar.

Smalavegurinn inn úr Heiðarheiði er orðinn mjög illa farinn og þarf að laga hann fyrir næsta haust.