Laust starf sundlaugarvarðar

Mýrdalshreppur auglýsir starf sundlaugarvarðar laust til umsóknar.

Vinnutími er breytilegur, ýmist dag – og kvöldvaktir, og helgarvaktir. Sjá má nánari upplýsingar um opnunartíma íþróttamiðstöðvar á vefsíðu sveitarfélagsins, en hann kann að taka breytingum.

Æskilegt er að viðkomandi geti hafið störf sem fyrst eftir samkomulagi. Næsti yfirmaður er íþrótta- og tómstundafulltrúi Mýrdalshrepps.

Helstu verkefni

• Afgreiðsla og sundlaugarvarsla
• Þjónusta við viðskiptavini
• Almenn þrif og annað sem til fellur
• Reglubundið eftirlit með öryggiskerfum og sundlaugarbúnaði
• Eftirlit og eftirfylgni með ásýnd og útliti vinnustaðar

Hæfnikröfur

• Umsækjandi þarf að vera orðinn 18 ára
• Framúrskarandi þjónustulund.
• Framúrskarandi samskiptafærni og sveigjanleiki.
• Snyrtimennska
• Góð íslensku- og enskukunnátta.
• Sjálfstæð vinnubrögð.
• Hreint sakavottorð.
• Viðkomandi þarf að standast námskeið í björgun og skyndihjálp og sundpróf fyrir laugaverði.