Laust starf matráðs í móttökueldhúsi á leikskólanum Mánalandi

Starfsmaður í móttökueldhúsi í leikskólanum Mánalandi

Leikskólinn Mánaland óskar eftir að ráða matráð í móttökueldhúsi. Leitað er að einstaklingi sem hefur áhuga á að ganga til liðs við hóp faglegs starfsfólks, taka þátt í að þróa starfið ásamt því að vera hluti af samfélaginu. Skólinn er nýfluttur í glæsilegt nýtt húsnæði í Vík sem hannaður er sem 60 barna, þriggja deilda leikskóli þar sem lögð var áhersla á góða hljóðvist og góða aðstöðu í alla staði fyrir börn og starfsfólk.
Leikskólinn Mánaland er heilsueflandi leikskóli staðsettur í Vík í Mýrdal. Lögð er áhersla á holla og góða næringu auk góðrar almennrar lýðheilsu. Mánaland er fjölmenningarlegur leikskóli og teljum við að öll börn geti notið sín á sínum forsendum. Styrkleiki leikskólans felst í fjölbreytni; það er í lagi að vera ólíkur öðrum. Við leikum, lærum og eigum samskipti án fordóma. Lögð er áhersla á að efla samvinnu og samkennd í barnahópnum auk þess að byggja upp jákvæða sjálfsmynd allra barna þannig að þau geti sýnt styrkleika sína og þekkingu.

Helstu verkefni:

• Eftirlit með birgðastöðu vara og hreinlætisefna í samstarfi við leikskólastjóra
• Umsjón með þvottahúsi, bæði þvotti og þrifum á vélum og búnaði
• Umsjón og ábyrgð á matvælum og að halda matarsóun í lágmarki
• Uppvask og frágangur í eldhúsi eftir máltíðir
• Almenn þrif í eldhúsi, þvottahúsi og á kaffistofu starfsfólks
• Skráning á þar til gerð eyðublöð í möppu inni í eldhúsi. Gæðaeftirlit í samstarfi/ráði við leikskólastjóra
• Þátttaka í starfsmannafundum ásamt því að sinna öðrum tilfallandi verkefnum sem leikskólastjóri felur viðkomandi

Menntunar- og hæfniskröfur

• Þekking og/eða reynsla af sambærilegu starfi er kostur
• Góð íslenskukunnátta er skilyrði (á stigi B2 samkvæmt evrópska tungumálarammanum).
• Þekking og/eða reynsla af leikskólaumhverfi
• Áhugi á að tileinka sér þekkingu á stefnu og reglum leikskólans, öryggis- og hreinlætismálum
• Góð samskipta- og samstarfshæfni ásamt ríkri þjónustulund
• Frumkvæði, sjálfstæði, tímastjórnun og skipulögð vinnubrögð
• Þekking á ofnæmis- og sérfæði fyrir börn
• Góð almenn tölvukunnátta
• Stundvísi, góð ástundun og reglusemi
• Hreint sakavottorð

Um framtíðarstarf er að ræða og æskilegt er að viðkomandi geti hafið störf ekki síðar en 5. ágúst 2025. Starfshlutfall er 100%. Áhugasamir einstaklingar, án tillits til kyns, eru hvattir til að sækja um.

Laun er samkvæmt kjarasamningi Sambands íslenskra sveitarfélaga og viðeigandi stéttarfélags.

Umsókn með ferilskrá skal senda í tölvupósti á netfangið leikskolastjori@manaland.is eða í gegnum vefinn Alfred.is.

Umsóknarfrestur er til og með 21. júlí 2025. Gert er ráð fyrir að ráðningar taki gildi sem fyrst.

Nánari upplýsingar um starfið veitir Erla Jóhannsdóttir leikskólastjóri í Mánalandi í tölvupósti á netfangið leikskolastjori@manaland.is