Sveitarstjórn
Dagskrá
1.CanAm Iceland Hill Rally
2401024
Tryggvi M. Þórðarson f.h. keppnisstjórnar CanAm Iceland Hill Rally 2024 sækir um leyfi til rally keppni sem fer fram dagana 8.-11. ágúst 2024 og er að hluta innan Mýrdalshrepps. Jafnframt er sótt um leyfi til afnota af afmörkuðum svæðum til viðhalds bifreiða á tilgreindum tímum.
Sveitarstjórn gerir ekki athugasemdir fyrir sitt leyti að keppnin fari fram. Sveitarstjórn heimilar jafnframt notkun afmarkaðra svæða til viðhalds bifreiða í samræmi við umsóknina.
2.Leigusamningur um Þakgil
2311029
Tekið aftur fyrir.
Sveitarstjórn samþykkir að samið verði við umsækjanda aftur á grundvelli reglna ríkisins um afgjald fyrir afnot af landi í eigu ríkissjóðs og að stuðst verði við flokk C - Atvinnulóðir. Sveitarstjórn heimilar sveitarstjóra að ganga frá samning sem verði til 10 ára.
3.Skipan í nefndir og ráð
2206015
Tekin fyrir skipan aðal- og varamanns í Skipulags- og umhverfisráð.
Sveitarstjórn samþykkir að Steinþór Vigfússon verði varamaður í Skipulags- og umhverfisráði og að Pálmi Kristjánsson taki sæti hans sem aðalmaður.
4.Heimavist við Fjölbrautaskóla Suðurlands
2402004
Lögð fram tillaga að áskorun til mennta- og barnamálaráðherra vegna heimavistar við Fjölbrautaskóla Suðurlands.
Sveitarstjórn samþykkir tillöguna og felur sveitarstjóra að senda áskorunina til mennta- og barnamálaráðherra.
5.DSK - Vesturhluta Víkurþorps
2009002
Lögð fram til umfjöllunar drög að viljayfirlýsingu vegna þróunar og skipulags í Vesturhluta Víkur.
Sveitarstjórn samþykkir drögin með þeim breytingum að viljayfirlýsingin og verkefni vinnuhóps sem skipaður verður taki einungis til þróunar á Víkurbraut 21 og 21A.
6.Samþykkt um meðhöndlun úrgangs í Mýrdalshreppi
2112026
Síðari umræða um samþykkt um meðhöndlun úrgangs.
Sveitarstjórn samþykkir samþykktina við síðari umræðu og felur sveitarstjóra að senda hana til auglýsingar í stjórnartíðindum.
7.Gjaldskrá um meðhöndlun úrgangs
2402007
Lögð fram drög að gjaldskrá á grundvelli samþykktar um meðhöndlun úrgangs.
Sveitarstjórn samþykkir gjaldskrána og felur sveitarstjóra að birta hana.
8.Útboð ræstinga hjá sveitarfélaginu
2401025
Lögð fram tillaga um að ræstingar fyrir stofnanir sveitarfélagsins verði boðnar út.
Sveitarstjórn heimilar fyrir sitt leyti að ræstingar stofnana sveitarfélagsins verði boðnar út og felur sveitarstjóra að fullklára útboðsgögn í samráði við stjórnendur.
9.Fundargerðir stjórnar Bergirsans
2302009
Lagðar fram til kynningar fundargerðir stjórnar Bergrisans bs. Jafnframt teknar fyrir reglur byggðasamlagsins um stoðþjónustu við fatlað fólk með langvarandi stuðningsþarfir sem þarfnast staðfestingar aðildarsveitarfélaga.
Sveitarstjórn staðfestir fyrir sitt leyti reglur um stoðþjónustu við fatlað fólk með langvarandi stuðningsþarfir.
10.Fundargerð aukaaðalfundar Hulu bs.
2402001
Lögð fram fundargerð aukaaðalfundar Hulu bs. og tillaga að breytingum á samþykktum byggðasamlagsins og gerð svæðisáætlunar um meðhöndlun úrgangs.
Sveitarstjórn samþykkir við fyrri umræðu endurskoðaðar samþykktir fyrir Hulu bs.
Sveitarstjórn samþykkir að Hula bs. vinni svæðisáætlun fyrir meðhöndlun úrgangs fyrir sveitarfélagið og að hún nái yfir starfssvæði Hulu bs.
Sveitarstjórn samþykkir að Hula bs. vinni svæðisáætlun fyrir meðhöndlun úrgangs fyrir sveitarfélagið og að hún nái yfir starfssvæði Hulu bs.
Fundi slitið - kl. 10:50.
Eldri fundargerðir
Einnig er hægt að nálgast eldri fundargerðir
Einar Guðni hafði starfað hjá áhaldahúsi sveitarfélagsins um árabil og vill sveitarstjórn koma á framfæri þakklæti sínu fyrir störf hans í þágu samfélagsins í Mýrdalshreppi.