Fréttir

Bjarsýnin á ekki að gera þig blindan á vandamálin, heldur hjálpa þér að finna lausnina
- ók.höf.

Ljósm. Sævar J.

Víkurkirkja í Mýrdal

Guðsþjónusta verður í Víkurkirkju nk. sunnudag 14. febrúar, kl. 14:00.

Samkór Mýrdælinga annast söng undir stjórn Kára Gestssonar organista.

Fermingardrengir hvattir til að mæta með foreldrum og forráðamönnum.

Sóknarprestur

	Hjallatún í Vík - helgistund
Helgistund verður á dvalar- og hjúkrunarheimilinu Hjallatúni í Vík nk. sunnudag, 14. febrúar, kl. 15:00. Félagar úr Samkór Mýrdælinga leiða söng undir stjórn Kára Gestssonar organista. Sóknarprestur

	08.02.2010 Innsend frétt frá stokkseyri.is Granít-menn og konur farin heim til Víkur í Mýrdal Eins og kunnugt er var komið á vinabæjarsambandi Stokkseyrar og Víkur í Mýrdal á Bryggjuhátíðinni á Stokkseyri s.l. sumar. Stokkseyrarhöfn er nú höfn Víkurbúa sem hafa ekki haft slíka aðstöðu fyrr en nú. Lesa meira... fleiri myndir og fréttir

Dagur leikskólans

Þann 6. febrúar s.l. var dagur leikskólans, en þann dag árið 1950 stofnuðu frumkvöðlar leikskólakennara fyrstu samtök sín.
Þetta er þriðja árið í röð sem leikskólar halda daginn hátíðlegan.
Daginn bar upp á laugardag og leikskólakennarar fögnuðu 60 ára afmæli félagsins þann dag.

Af þessu tilefni ætlum við í Suður-Vík að opna listasýningu í Arion-banka
mánudaginn 8. febrúar kl. 14:00
Allir velkomnir
Starfsfólk Leikskólans Suður-Víkur

05.02.2010
Dagur kvenfélagskvenna 1. febrúar 2010

Kvenfélagasamband Íslands var stofnað 1. febrúar fyrir 80 árum og hefur af því tilefni tileinkað daginn Kvenfélagskonum á Íslandi.
Kvenfélag Hvammshrepps var 90 ára 12. desember s.l. og af því tilefni buðu kvenfélagskonur til kaffiveitinga á opnu húsi sem þær héldu í Leikskálum á degi kvenfélagskvenna.
Af þessu tilefni kom björgunarsveitin Víkverji færandi hendi og gaf þeim kvenfélagskonum svuntur í afmælisgjöf, en þær eru búnar að vera öflugur styrktaraðili sveitarinnar í gegn um árin.
Fleiri myndir...

03.02.2010
Menntastefna Mýrdalshrepps 2010

Sveitarstjórn samþykkti á fundi sínum 15. mars 2007 að fela fræðslunefnd að vinna að heildstæðri menntastefnu fyrir sveitarfélagið en þá voru þrjár skólastofnanir starfandi innan þess; leikskóli, grunnskóli og tónlistarskóli. Þessar þrjár stofnanir voru svo 1. ágúst 2009 sameinaðar í einn skóla, sem hlaut nafnið, Víkurskóli.
Menntastefna Mýrdalshrepps er fyrst og síðast hugsuð sem áætlun sveitarfélagsins hvað markmið og leiðir í menntamálum varðar.
Á 158. fundi fræðslunefndar Mýrdalshrepps þann 16. mars 2009 samþykkti fræðslunefnd að skipa 5 manna stýrihóp til að leiða vinnu við gerð menntastefnu Mýrdælinga.
Lesa meira...

Tréútskurður í Vík - Útskurðarnámskeið

Jón Adólf ætlar að halda hér námskeið 13. til 14. febrúar
ef næg þáttaka fæst.

Jón Adólf er að góðu kunnur enda verið með tvö námskeið hér í Vík.

Upplýsingar og skráning hjá Áslaugu Vilhjálms
í síma 487-1163 og 865-7047
http://www.jonadolf.com

	Bobbablótað í Vík
	29.01.2010 Laugardaginn 23. janúar s.l. var Þorrablót Víkurbúa haldið í Leikskálum í Vík. Gestir voru í fleiri kantinum eða 214 talsins en í fyrra var slegið fjöldamet með 224 gestum. Formaður nefndarinnar Sandra Brá Jóhannesdóttir setti blótið og nefndin söng sig svo síðan inn í hláturtaugar blótsgesta. Sviðsmynd og umgjörð blótsins var "friðun brekkubobbans" og hafði nefndin einnig smíðað jarðgöng á sviði félagsheimilisins. Af mörgu skemmtilegu var að taka frá síðasta ári og áttu "útburðir" í póstmannafélaginu stóran þátt í blótinu. Guðlaug Matthildur heiðraði samkomuna og las úr nokkrum bollum. Fundur var í Öldungaráði Mýrdalshrepps og fuglatalning í Dyrhólaey var framkvæmd. Einnig stigu á svið "kjellingarnar" í slökkviliði Mýrdalshrepps. Í lok skemmtiatriða var sveitarstjóranum svp færður Brekkubobbi (af stærri gerðinni) sem er alfriðaður og lögheimili hans er að Austurvegi 6 (sem er jú heimili sveitarstjórans). Hljómsveitin Festival spilaði svo fyrir dansi fram eftir nóttu og var mikið stuð á mannskapnum. Góður rómur var gerður að blótinu og er ekki laust við að tímabært sé að telja niður fyrir næsta blót. Í lokin má svo geta þess að síðasta verk þorrablótsnefndarinnar, eftir tiltekt í Leikskálum næsta dag, var að marsera heim til sveitarstjórans undir trumbuslætti og skila "Brekkubobbanum" til síns heima. Bobbatíðindi má svo lesa undir "eldri fréttir 2010" neðar á síðunni Ljósmyndir Ragna Bj.Ársælsdóttir Nefndina skipuðu Þorrablótsnefnd 2011 Nýjar myndir...

Kirkjuskólinn í Mýrdal

verður í Víkurskóla laugardaginn 13. febrúar nk. kl. 11:15 - 12:00.

Verið nú dugleg að mæta til að heyra nýjar biblíusögur og fá nýjar og fallegar myndir.

Litastund í lokin eins og vanalega.

Hlakka til að hitta ykkur öll.

Sóknarprestur

Prjónakaffið hefst á ný.
Verðum á Halldórskaffi fimmtudagskvöldin 18. febrúar, 4.og 18. mars, 8. og 29. apríl og
byrjum kl. 20:00

Eins og áður eru allir velkomnir hvort sem þeir eru með prjóna, handavinnu eða bara góða skapið í farteskinu.

Hlökkum til að sjá ykkur,
prjónanefnd Kvenfélags Hvammshrepps