Vegna bilunar í dælubúnaði í borholu hitaveitunnar, verður sundlaugin lokuð um óákveðin tíma.  Enn er óljóst hvað veldur biluninni en málið er í athugun sérfróðra manna.

Sveitarstjóri

Hið árlega þorrablót Víkurbúa var haldið 21. janúar og sóttu það um 180 manns. Blótinu stjórnaði Hákon Jón Kristmundsson og gerði mikla lukku með frábærum eftirhermum og skemmtisögum af Mýrdælingum. Í skemmtiatriðum kom nefndin víða við allt frá því að úrgerðarmennirnir á Sandfangaranum drógu upp minnisstæðar kvennærbuxur og til þess að Guðný Guðna var búin að fallast á að hafa göngin í gegnum Reynisfjall opin til hálfs.

Salurinn í Leikskálum var mjög skemmtilega skreyttur og hlýlegur og maturinn ágætur.

Hljómsveitin Granít spilaði fyrir dansi sem dunaði fram til kl. 04.00

Takk fyrir frábæra skemmtun

Skeiðflatarkirkja í Mýrdal

Guðsþjónusta verður í Skeiðflatarkirkju

nk. sunnudag, 29. janúar, kl. 14.00.

Samkór Mýrdælinga syngur

undir stjórn Kára Gestssonar organista.

Fjölmennum.

Sóknarprestur

Kirkjuskólinn í Víkurprestakalli

Minnum á samveruna

næsta laugardag, 28. janúar, kl. 11:15 – 12:00.

Fjölbreytt efni að venju.

Hlökkum til að hitta ykkur.

Halli og Gulla