Fyrri mynd
Næsta mynd
Ok
Velkomin á vef Mırdalshrepps. Viğ notum vefkökur (e. cookies) til şess ağ bæta upplifun şína og greina umferğ um síğuna.
Meğ şví ağ nota vefsíğuna samşykkir şú notkun á vefkökum og skilmála okkar.
Opna
Facebook
Instagram
Sjórnsısl
Stjórnsısla
Mannlíf
Mannlíf
Şjónusta
Şjónusta
EN
PL
Mırdalshreppur
Open Menu Close Menu
 
Til baka
EN     PL
Şjónustuver
Opiğ frá kl. 10:00-12:00 og 13:00-15:00 alla virka daga
Sími 487 1210

Fréttir

BOÐ Í LEIKHÚS

BOÐ Í LEIKHÚS

Vík og Kirkjubæjarklaustur hafa ákveðið að sameina krafta sína til að tryggja áframhaldandi heimsóknir Leikhópsins Lottu á báða staðina bæði í vetur og svo í sumar. Við kynnum því með stolti að Lotta mun sýna vetrarsýninguna sína Hans Klaufi í Vík núna á mánudaginn 9. mars og við bjóðum ykkur öllum að koma ykkur að kostnaðarlausu! Lottusýning sumarsins Bakkabræður verður svo sýnd á Kirkjubæjarklaustri á móti og verður hún með sama sniði, þar sem sveitarfélögin bjóða ykkur öllum á sýninguna. Það eina sem þið þurfið að gera er að mæta ;) Við hlökkum til að sjá sem flesta!

 

HANS KLAUFI
Stórskemmtilegur fjölskyldusöngleikur fyrir unga jafnt sem aldna frá Leikhópnum Lottu. Sýnd í íþróttahúsi í Vík mánudaginn 9. febrúar kl 17:30 ykkur að kostnaðarlausu. Sýningin er í boði Menningarmálanefnda Mýrdalshrepps og Skaftárhrepps

 

Leikhópurinn Lotta er landsmönnum að góðu kunnur en hópurinn hefur frá árinu 2007 ferðast með sýningar sínar um landið þvert og endilangt. Lotta, sem hefur sérhæft sig í sýningum utandyra, er nú þriðja veturinn í röð komin inn í hlýjuna. Hópurinn setti Hans Klaufa fyrst upp árið 2010, en nú tíu árum síðar verður rykið dustað af þessu skemmtilega verki og fært nýjum og gömlum áhorfendum í glænýjum búningi.

 

Verkið hefur verið endurskrifað að stórum hluta og þó að sömu skemmtilegu persónurnar prýði það eins og fyrir tíu árum síðan, hefur nýjum ævintýrum og glænýjum lögum verið bætt við söguna.

 

Þessi útgáfa af Hans klaufa er í raun alveg ný saga sem ekki er hægt að finna í gömlu ævintýrunum, þó vissulega beri hún þekkt nafn. Verkið er sannkölluð ævintýrablanda sem sækir mikið af efniviði sínum í sígildu ævintýrin okkar. Þannig munum við kynnast Öskubusku, stjúpsystrum hennar og prinsi sem breytt verður í frosk. Við munum stinga okkur á snældu, reyna að sofna með eina litla baun undir 100 ábreiðum og standa í háum turni og láta okkur vaxa hár sem nær alla leið niður á jörðina. Síðast en ekki síst munum við fylgjast með ævintýrum hins klaufalega Hans, Hans Klaufa.

 

Sjón er sögu ríkari! Hittu Hans klaufa, Aron prins, Öskubusku og alla hina vini þína í Ævintýraskóginum í vetur.

Hans klaufi í leikgerð Leikhópsins Lottu

Leikstjórar: Anna Bergljót Thorarensen og Þórunn Lárusdóttir

Höfundar laga og texta: Baldur Ragnarsson, Björn Thorarensen, Gunnar Ben og Snæbjörn Ragnarsson

Leikarar: Andrea Ösp Karlsdóttir, Orri Huginn Ágústsson, Sigsteinn Sigurbergsson, Stefán Benedikt Vilhelmsson og Thelma Hrönn Sigurdórsdóttir.

Prenta Prenta