Víkurskólinn

Sími: 4871242

Netfang: skolastjori@vik.is eða elin@vik.is

Heimasíða: vikurskoli.vik.is 

Skólastjóri er Elín Einarsdóttir

Í grunnskólanum eru u.þ.b. 50 börn. 
Um 12 kennarar starfa við skólann auk annars starfsliðs.  

Nemendur eru úr þorpinu og sveitinni vestan og austan Víkur. Skólahverfið er Mýrdalshreppur.

Skóladagatal 2019-2020

Merki skólans er sett saman af litum regnbogans og Reynisdröngum. Það er vísun í að Víkurskóli byggir á traustum grunni þar sem gjöful og fögur náttúra skapar umgjörð um skapandi stofnun sem leitast við að koma til móts við fjölbreytt litróf manneskjunnar í leik og starfi.

Gæði, gleði, gróska og gagn eru kjörorð Víkurskóla og marka þá framtíðarsýn sem við höfum mótað honum.

Gæði: felur í sér að ávallt er leitast við að gera hlutina vel og vanda til verka hvort sem um er að ræða framkvæmd kennslu, fræðslu starfsfólks eða ytri umgjörð.

Gleði: vísar í skapandi starfsanda þar sem samskipti mótast af virðingu, umburðarlyndi, bjartsýni og jákvæðni.

Gróska: felur í sér skapandi framvindu í að takast á við ný verkefni, bæta og fegra það sem fyrir er í víðu samhengi.

Gagn: vísar til ábyrgðar hvers og eins og hvernig hann getur með framlagi sínu lagt hönd á plóg til eflingar sjálfs sín og annarra.

Tweet

Prenta