Störf í boði

Mýrdalshreppur auglýsir eftir starfsmönnum í Áhaldahús sveitarfélagsins

Framtíðarstarfsmaður 100% staða

Meðal verkefna er viðhald húsnæðis í eigu sveitarfélagsins, umhirða opinna svæða, gatna og gangstétta, þátttaka í framkvæmdum á vegum sveitarfélagsins.   

Iðnmenntun sem nýtist í starfi er æskileg en þó ekki skilyrði, svo og reynsla af sambærilegum störfum. Hæfni og lipurð í mannlegum samskiptum eru mikilvæg svo og sjálfstæð og öguð vinnubrögð.

Launakjör skv. kjarasamningi Launanefndar sveitarfélaga og viðkomandi stéttarfélags. Æskilegt er að viðkomandi getið hafið störf sem fyrst.

Í samræmi við jafnréttisáætlun Mýrdalshrepps hvetur sveitarfélagið konur jafnt sem karla til þess að sækja um starfið.

Upplýsingar um starfið veitir verkstjóri í síma 897-8303 eða sveitarstjóri í síma 661-6343.

Umsóknarfrestur er til 15. febrúar 2020

Kennari óskast við Víkurskóla, Vík í Mýrdal

Víkurskóli Vík í Mýrdal  auglýsir stöðu grunnskólakennara til afleysinga, lausa til umsóknar:

Við leitum að kennara sem hefur:

• kennaramenntun og leyfisbréf á grunnskólastigi
• gott vald á íslensku máli
• er sveigjanlegur og með góða samskiptahæfni

• faglegan metnað til að takast á við ný og spennandi verkefni

• vilja til að taka þátt í samstarfi og teymisvinnu
• reynslu og þekkingu af upplýsingatækni í skólastarfi
• brennandi áhuga á að starfa með börnum

Víkurskóli er lítill samkennsluskóli með um 60 nemendur.

Í Víkurskóla er leitast við að búa nemendum hvetjandi námsumhverfi. Áhersla er lögð á teymisvinnu og fjölbreytta kennsluhætti. Víkurskóli er heilsueflandi skóli og vinnur í anda Uppbyggingarstefnunnar, Uppeldi til ábyrgðar. Víkurskóli er jafnframt einn af jarðvangsskólum Kötlu Geopark. Víkurskóli leggur áherslu á að gefa nemendum tækifæri á að taka þátt í erlendu samstarfi, t.d. með þátttöku í Erasmus+ verkefnum. Lögð er áhersla á samvinnu og sameiginlega ábyrgð starfsmanna á verkefnum skólans.

Gerðar eru kröfur um mikla hæfni í mannlegum samskiptum, stundvísi og hreint sakavottorð.

Möguleiki er á húsnæði á staðnum.

Staðan er laus frá og með 1. janúar 2020

Umsóknarfrestur er til og með 23. desember 2019

Umsóknir skulu sendast á netfangið skolastjori@vik.is

Nánari upplýsingar veitir Elín Einarsdóttir skólastjóri í  síma  4871242 /7761320, jafnframt heimasíða skólans www.vikurskoli.vik.is

Leikskólinn Mánaland óskar eftir leikskólakennara/leiðbeinenda til starfa 

Leikskólinn er tveggja deilda leikskóli í Vík í Mýrdal og er fyrir börn á aldrinum 1-5 ára. Mánaland vinnur að því að verða heilsueflandi leikskóli sem er verkefni á vegum Landlæknisembættisins. Við leggjum mikla áherslu á holla og góða næringu auk góðrar almennrar lýðheilsu. Við vinnum einnig með ART og erum með Vináttuverkefnið Blæ á báðum deildum leikskólans. Leikskólinn okkar er í sífelldri þróun og leitum við að leikskólakennara sem er tilbúinn til að ganga í liðið okkar og þróa starfið enn meira ásamt því að vera hluti af samfélaginu okkar.

Við leitum að leikskólakennurum/leiðbeinendum til starfa á báðum deildum leikskólans.

Helstu verkefni og ábyrgð:

• Að vinna að uppeldi og menntun leikskólabarna samkvæmt starfslýsingu leikskólakennara, þ.m.t.
• Að vinna að uppeldis – og menntunarstarfinu sem fram fer á deildinni undir stjórn deildarstjóra.
• Taka þátt í skipulagningu á faglegu starfi deildarinnar.
• Taka þátt í gerð skólanámskrár, mati á starfsemi leikskólans og þróunarverkefnum undir stjórn leikskólastjóra.
• Vinna í nánu samstarfi við foreldra/forráðamenn barnanna.

Hæfniskröfur:

• Leikskólakennaramenntun og leyfisbréf leikskólakennara.
• Reynsla af uppeldis – og kennslustörfum með ungum börnum er æskileg.
• Lipurð og sveigjanleiki í samskiptum.
• Frumkvæði í starfi og faglegur metnaður.
• Sjálfstæð og skipulögð vinnubrögð.
• Gerð er krafa um íslenskukunnáttu.
• Hreint sakavottorð.

Við óskum eftir að þú:

• Sért áhugasöm/samur um starfið.
• Vitir að börnin geti lært af þér.
• Hafir gaman af útiveru, leika við börnin og að fara með börnin í ferðir utan leikskólalóðarinnar.
• Leggir þitt af mörkum til að skapa gott vinnuumhverfi.
• Sért lausnamiðuð/miðaður og vinnur alla daga með börnin í fókus.
• Hafir heilsu til að starfa í leikskóla. 

Við bjóðum upp á:

• Að verða hluti af ungu, áhugasömu og faglegu vinnuumhverfi sem er í stöðugri þróun.
• Möguleika á að leika sér allan daginn.
• Möguleika á að þróa leikskólastarfið.
• Tækifæri til að kenna börnum leikni og að upplifa gleði.
• Tækifæri til símenntunar.

Frekari upplýsingar um starfið

Laun eru samkvæmt samningi Sambands íslenskra sveitarfélaga og KÍ v/Félags leikskólakennara. Leiðbeinendur falla undir kjarasamninga Sambands íslenskra sveitarfélaga og Foss.

Starfshlutfall: 100%

Ef ekki fæst leikskólakennari til starfa verður ráðinn leiðbeinandi eða starfsmaður með aðra uppeldismenntun.

Um framtíðarstarf er að ræða og æskilegt að viðkomandi geti hafið störf sem fyrst. Leikskólinn opnar aftur 6. ágúst eftir sumarfrí.

Karlar jafnt sem konur eru hvattir til að sækja um starfið.

Umsóknarfrestur 30.11.2019

Nánari upplýsingar um starfið veitir Bergný Ösp Sigurðardóttir í síma 487 – 1241 og tölvupósti bergny@vik.is.

Umsóknir ásamt ferilskrá má senda inn hér:

http://manaland.leikskolinn.is/Upplysingar/Starfsumsokn

Tweet

Prenta