Kæru félagar

Endurbygging á Deildarárskóla sem stendur undir Barði í Höfðabrekkuafrétti gengur vel, húsið er orðið fokhelt og stendur til að einangra og jafnvel setja glugga í það í sumar eða eins og fjárhagur leyfir.  Þar sem almennir styrir eru af skornum skammti höfum við ákveðið að stofna til áheitagöngu til að safna fé til að verkið stoppi ekki.  Við höfum nú þegar leitað til fyrirtækja á svæðinu til að heita á okkur, vonandi verða viðtökur góðar.  Okkur langar einnig að leita til ykkar með að láta orðið berast um gönguna sjálfa og mögulega ef einhverjir einstaklingar vilja heita á hana.  En áheit fyrirtækja er bundin við fjölda göngumanna svo því fleiri þáttakendur því meiri áheit.

Svona er uppsetningin á göngunni sjálfri en það að sjálfsögðu kostar ekkert að vera með en fólk þarf að skrá sig í síðasta lagi 16.júlí. 

Gengið frá Deildará þaðan sem Deildarárskóli var byggður 1904 en hann var fluttur inn að Barði í Höfðabrekkuafrétti um 1970.  Gengið er sem leið liggur með þjóðveginum að afleggjara að Norður Hvammi, þaðan gengið inn að gamalli þjóðleið sem liggur yfir Fall og í gegnum Heiðardal inn að Vatnsá.  Um Vatnsársund og í Kárhólma og þaðan farið inn Sundkjaft og áfram um Sund í Ausubólshóla og inn að Barði þar sem göngu líkur.  Lagt er af stað kl. 10 árdegis og er gönguleiðin um 15 km og áætlað er að gangan taki um 6 klst.  Að göngu lokinni verða seldar léttar veitingar í Deildarárskóla.

Sjá einnig meðfylgjandi áheitablað sem má nota til að safna áheitum.

Skráning í gönguna fer fram á myrdalur@gmail.com eða Guðjóni í síma 8588179 eða Eiríki 8662632.

Með fyrirfram þökk.

Ferðafélag Mýrdælinga