Fjórtán lög eru á diskinum, flest þeirra eftir Kristin sjálfan og mörg hver með textum eftir Hörpu Jónsdóttur eiginkonu hans.  Fjöldi tónlistarmanna leikur með Kristni og má þar m.a. nefna nemendur hans þá Hermann Ása Falsson, Kristin Gauta Einarsson og Valdimar Olgeirsson, Önund Pálsson sem jafnframt annaðist upptökustjórn, Jón Elíasson og Helgu Kristbj. Guðmundsdóttur.
Kristinn syngur flest lög á plötunni sjálfur en dóttir hans Telma Björg (sem við Víkarar könnumst við úr IDOL) syngur tvö þeirra og þeir Benedikt Sigurðsson og Stefán Jónsson sitt lagið hvor.
Gönguferð á sandi er tileinkuð minningu föður Kristins, Níelsar Guðmundssonar málarameistara og trommuleikara.
Þess má geta að diskurinn fæst einnig í verslun Klakks hér í Vík.