Jazz undir fjöllum

11. og 12. júlí 2008

 

Tónlistarhátíðin Jazz undir Fjöllum verður haldin í fimmta sinn í Skógum dagana 11. og 12. júlí. Eins og undanfarin ár hefur Sigurður Flosason skipulagt tónlistaratriðin og lagt mikinn metnað í dagskrá þessa vinsæla menningarviðburðar. Haldnir verða sex tónleikar, en á þeim koma fjölmargir af þekktustu djassleikurum landsins fram.

 

Opnunartónleikarnir verða haldnir á föstudagskvöld kl. 21 í félagsheimilinu Fossbúð. Þar kemur hljómsveitin Bláir skuggar fram, en sveitina skipa Sigurður Flosason, Þórir Baldursson, Jón Páll Bjarnason og Pétur Österlund. Þeir flytja skemmtilega blúskennda djasstónlist úr smiðju Sigurðar Flosasonar.

 

Á laugardaginn byrjar dagskráin kl. 13 í Skógakaffi sem staðsett er í Samgöngusafninu. Fjórar hljómsveitir leika þar í 50 mínútur hver. Fyrstu tónleikarnir eru að venju helgaðir minningu trompetleikarans Viðars Alfreðssonar sem átti ættir að rekja til Eyjafjalla og var einn albesti trompetleikari landsins á sinni tíð.

 

Lokatónleikarnir verða svo haldnir í félagsheimlinu Fossbúð kl. 21 sama kvöld. Þá mun hin vinsæla Ragnheiður Gröndal ásamt kvartett Hauks Gröndal skemmta gestum langt fram á kvöld.

 

Að hátíðinni standa Byggðasafnið í Skógum ásamt Sigurði Flosasyni. Í ár hlaut hátíðin styrki frá Menningarráði Suðurlands, Rangárþingi eystra, Tónlistarsjóði ríkisins, Kaupþingi hf., Hellu og Skógasafni

Aðgangur er ókeypis í Skógakaffi, en aðgangseyrir er kr. 1.500 í Fossbúð.

 

Dagskráin er eftirfarandi:

 

Föstudagur 11. júlí

Félagsheimilið Fossbúð

 

Kl. 21:00: Ragnheiður Gröndal og kvartett Hauks Gröndal

Ragnheiður Gröndal, söngur; Haukur Gröndal, saxófonn; Ásgeir J. Ásgeirsson, gítar; Þorgrímur Jónsson, kontrabassi; Erik Qvick, trommur

 

Laugardagur 12. júlí

Byggðasafnið í Skógum – Samgöngusafn / Skógakaffi

 

Árlegir tónleikar í minningu Viðars Alfreðssonar trompetleikara

Kl. 13:00-13:50: Tríó Sigurðar Flosasonar

Sigurður Flosason, saxófónn; Jón Páll Bjarnason, gítar; Þorgrímur Jónsson, kontrabassi

 

Kl. 14:00-14:50: Tríó Ara Braga Kárasonar

Ari Bragi Kárason, trompet; Þórir Baldursson, Hammond orgel; Pétur Östlund, trommur

 

Kl. 15:00-15:50:  Tríó Birkis Freys Matthíassonar

Birkir Freyr Matthíasson, trompet; Þórir Baldursson, Hammond orgel; Pétur Östlund, trommur

Kl. 16:00-16: 50: Kvartett Hauks Gröndal

Haukur Gröndal, saxófonn; Ásgeir J. Ásgeirsson, gítar; Þorgrímur Jónsson, kontrabassi; Erik Qvick, trommur

 

Félagsheimilið Fossbúð

Kl. 21:00: Bláir skuggar

Sigurður Flosason, saxófónn; Þórir Baldursson, Hammond orgel; Jón Páll Bjarnason, gítar; Pétur Östlund, trommur

 

 

Kær kveðja - Best regards -Mit freundlichen Grüßen

Martina Pötzsch
Markaðsfulltrúi/ Marketing Manager

Skógasafn/ Skógar Folk Museum
IS- 861 Hvolsvöllur
Sími/ Tel.: (+ 354) 487 8845

www.skogasafn.is