Kór Menntaskólans við Hamrahlíð verður í tónleikaferð á Suðurlandi dagana 19.- 21.apríl.

Kórinn heldur almenna tónleika í félagsheimilinu Hvoli á Hvolsvelli laugardaginn 19.apríl kl.14.

Sunnudaginn 20.apríl syngur kórinn messu í Víkurkirkju með séra Haraldi M.Kristjánssyni prófasti.
Messan hefst kl.11. Á sunnudagskvöld heldur kórinn tónleika í Prestbakkakirkju á Síðu kl.21.

Mánudaginn 21.apríl heldur kórinn þrenna skólatónleika, fyrir Grunnskóla Mýrdalshrepps, Laugalandsskóla í Holtum og skólana á Laugarvatni. Á mánudagskvöld heldur kórinn afmælistónleika í tilefni af 50 ára afmæli Laugalandsskóla í Holtum.

Á efnisskrá kórsins í þessari ferð eru íslensk og erlend verk m.a.eftir J.S.Bach, William Byrd, Atla Heimi Sveinsson, Jón Ásgeirsson, Jón Nordal, Jón Þórarinsson, Pál Ísólfsson og Þorkel Sigurbjörnsson auk þjóðlaga frá ýmsum löndum. Í nokkrum verkanna leika kórfélagar með á hljóðfæri.

Á þessari vorönn er Kór Menntaskólans við Hamrahlíð skipaður 80 nemendum á aldrinum 16 - 20 ára.
Stjórnandi kórsins er Þorgerður Ingólfsdóttir, stofnandi kórsins og upphafsmaður kórstarfsins í Hamrahlíð, en hún stjórnar einnig Hamrahlíðarkórnum (sem er skipaður eldri nemendum).

Rektor Menntaskólans við Hamrahlíð, Sigurborg Matthíasdóttir og konrektor, Guðlaugur Pálmi Magnússon eru með kórnum í ferðinni.