Björn B. Jónsson, formaður UMFÍ setti 10. Unglingalandsmótið á Sindravelli í glæsilegri setningarathöfn á Sindravelli að viðstöddu miklu fjölmenni. Auk hans fluttu ávörp Árni Mathiesen, fjármálaráðherra, Hjalti Vignisson, bæjarstjóri á Hornarfirði, og Ragnhildur Einarsdóttir, formaður USÚ. Össur Skarphéðinsson, iðnaðarráðherra, var einnig viðstaddur setningarathöfnina. Keppendur, sem voru um eitt þúsund, gengu fylktu liði inn á völlinn í mildu veðri.
Innganga félaga USVS var hin glæsilegasta og fyllti marga stolti. Hlerað hefur verið að USVS hafi verið með langflottasta liðið. Fjóla Sigmarsdóttir bar skilti USVS fyrst í fylkingunni og fánaberi að þessu sinni var Sveinn Þórðarson með dyggri aðstoð þeirra Þorsteins Björns Einarssonar og Þorgeirs Guðnasonar.  Yngstu félagarnir gengu svo á eftir fánabera og gönguna ráku svo yfirsmalarnir Grétar Einarsson og Jóhann Vignir Hróbjartsson. Steinn Orri Erlendarson var svo fenginn til að vera fánaberi landsmótsfánans.
Veðurspáin lofaði ekki góðu í upphafi ferðalags en það rættist heldur betur úr henni.  Krakkarnir stóðu sig frábærlega alla helgina, strekkingsvindur og kuldi hamlaði þeim þó eitthvað á sunnudeginum.
Til stóð að hópurinn hittist allur á laugardagskvöldinu í leikjum o.þ.h. en rok hamlaði þeim áformum
Um árangur krakkanna okkar má lesa á  umf.vik.is