Hvernig félagslíf er í boði á Suðurlandi?

Nú er unnið að gerð gagnagrunns um hvers kyns félags- og menningarstarf sem er í boði á Suðurlandi og opið er öllum almenningi.  Stjórnir félagasamtaka  eru hvattar til að senda eftirtaldar upplýsingar fyrir 7. desember  til skráningar í gagnagrunninn á netfangið glugginn@sudurglugginn.is :

• Heiti félagsskapar   • Stutt lýsing á starfssemi  • Starfssvæði  • Fundarstaður og tími •  Heimasíða og/eða veffang umsjónaraðila • Símanúmer tengiliðar

Tekið skal fram að skráning í gagnagrunninn er félögum að kostnaðarlausu!

Nú er tækifæri til að vekja athygli á því sem er í boði, hvort sem það eru;  kórar - leikfélög - ungmennafélög - íþróttafélög - skákfélög - gönguklúbbar - kvenfélög - kirkjustarf - skotveiðifélög - listaklúbbar - sögufélög - styrktarfélög - bókmenntafélög - búnaðarfélög - danshópar - tónlistarfélög -  hjónaklúbbar - málfundafélög - fornbílafélag – ferðafélög ... eða eitthvað annað sem er í boði.

Gert er ráð fyrir að gagnagrunnurinn verði þýddur á ensku og á þriðja mál. Listinn verður vistaður rafrænt á vegum opinbers aðila á Suðurlandi og þar með aðgengilegur fyrir almenning.

Gagnagrunnurinn mun ná til félagsstarfs í  Árnessýslu, Rangárvallasýslu, Vestur-Skaftafellssýslu og  í Vestmannaeyjum.

Verkefnið er styrkt af Menningarráði Suðurlands.