Aðalskipulag
Veglínur.
Sveinn Pálsson víkur af fundi meðan á umræðum og atkvæðagreiðslu stendur.
Á fundi skipulags- og byggingarnefndar þann 12. janúar 2007 var samþykkt að óska eftir að Vegagerðin skoðaði nánar tvær veglínur, aðra sunnan byggðar í Vík og sunnarlega um Reynishverfi og hina um gögn við Borgarhól og norðarlega um Reynishverfi.  Með bréfi dags. 5. júní 2007 sendir Vegagerðin niðurstöður athugunar stofnunarinnar á heppilegri legu Hringvegar um Mýrdal.  Auk starfsmanna Vegagerðarinnar komu starfsmenn Umhverfisstofnunar og Siglingastofnunar að málinu.
Vegagerðin gerir tvær tillögur að veglínum sem falla reyndar saman á vestari hluta svæðisins.  Ný veglína greinist frá núverandi Hringvegi við vegamót Hringvegar og Dyrhólavegar, fer gegnum Geitafjall, áfram rétt norðan þess svæðis sem er á náttúruminjaskrá og fylgir síðan svokölluðum Engjavegi að Þórisholti.  Milli Þórisholts og Lækjarbakka greinast veglínurnar, sú nyrðri fer um norðanverðan Reynisdal að jarðgöngum sem kæmu út við Borgarhól Víkurmegin og á núverandi Hringveg við Mýrarbraut.  Syðri línan færi um sunnanverðan Reynisdal og kæmi út við Blánef sunnan Víkur, vegurinn lægi síðan með sjóvarnagarði sunna Víkur og kæmi inn á núverandi Hringveg við Víkurskála.  Í minnisblaðinu kemur fram að Umhverfisstofnun vilji hlífa Dyrhólaósnum sem mest og að veglína sé eins norðarlega og unnt er, helst norðar en Vegagerðin leggur til.  Siglingastofnun telur gerlegt að verja veg sunnan Víkurkauptúns svo viðunandi sé, vegvarnargarður yrði þó allur viðameiri og dýrari en sjóvarnargarður.  Ætti að færa garðinn framar en gert hefur verið ráð fyrir yrði hann ennþá dýrari.  Gert er ráð fyrir að framkvæmdir við sjóvarnargarð hefjist eftir tvö til þrjú ár og gert er ráð fyrir framlagi til þess á samgönguáætlun.  Vegagerðin leggur ekki fé í vegvarnargarð fyrr en tekin hefur verið ákvörðun um jarðgangnagerð sunnan Víkur.  Álit Vegagerðarinnar er að öryggi vegarins verði meira með nyrðri leiðinni.
Fram fóru umræður um veglínur 1 – 7 sem sýndar eru á fyrirliggjandi uppdrætti.  Nefndarmenn telja að tillaga Vegagerðar um að fara með veginn um Reynisdal sé óásættanleg og voru sammála um að tekin yrði afstaða um veglínur 5 og 6.  Þrír greiddu atkvæði með línu 5 og tveir með línu 6. 
Nefndin er þar með sammála um að leggja til að veglína 5 verði færð inn á aðalskipulagstillögu til umfjöllunar og afgreiðslu, þó með þeirri breytingu að fylgt verði tillögu Vegagerðarinnar vestan Brandslæks.  Í tillögu 5 er gert ráð fyrir að sjóvarnargarður færist sunnar en nú er og að ný vegur tengist inn á núverandi Hringveg norðan Víkurskála.  Nefndin leggur áherslu á að við hönnun vegarins verði tekið sérstakt tillit til hljóðmengunar og að vegurinn falli vel að umhverfinu.       

Gönguleiðir.
Samþykkt lítilsháttar breyting á gönguleiðum samkvæmt fyrirliggjandi gögnum.

Reiðleiðir
Samþykkt að reiðleiðir verði í samræmi við fyrirliggjandi gögn..