F U N D A R G E R Ð

116. fundar skólanefndar Mýrdalshrepps, haldinn á skrifstofu Mýrdalshrepps, þriðjudaginn 18.maí  2004 kl. 17:00.
Fundinn sátu undirritaðir aðalmenn skólanefndar.  Gísli Sigurðsson mætti í stað Andrínu Erlingsdóttur sem boðaði forföll.  Sveitarstjóri ritaði fundargerð á tölvu.  Formaður, Þorgerður Einarsdóttir setti fund og stjórnaði.       

Gerðir fundarins:

I.                   Grunnskólinn.

Á fundinn eru mætt Guðrún Pétursdóttir aðstoðarskólastjóri, Kristín Maarti fulltrúi kennara og Ólafur Þ. Gunnarsson fulltrúi foreldraráðs.

1.       Skóladagatal 2004-2005.
Guðrún kynnir tillögu að skóladagatali og fer yfir greinargerð. 
Skv. dagatalinu er gert er ráð fyrir 178 nemendadögum.   Skólasetning verður 25. ágúst og skólaslit 2. júní.  Gert er ráð fyrir tveimur önnum. 
Skóladagatal samþykkt.

2.       Starfsmannamál.
Sveinn upplýsir að Victor Berg Guðmundsson íþróttakennari hafi verið ráðinn til tveggja ára.  Victor gegnir einnig starfi æskulýðs- og tómstundafulltrúa.  Auglýst verður ein staða almenns kennara.

3.       Önnur mál.

a)         Aðspurð upplýsir Guðrún að handbók um skólamál sé notuð í skólanum. 

II.                Leikskólinn

Á fundinn er mætt Aðalheiður Sigþórsdóttir leikskólastjóri.

1.       Önnur mál.

a)         Foreldrafélag leikskólans stóð fyrir hátíð á sumardaginn fyrsta sem heppnaðist í alla staði mjög vel.  Skólanefnd færir foreldrafélaginu og starfsfólki leikskólans bestu þakkir fyrir framtakið.

b)         Stöðugildum fækkar frá 1. júlí um 0,5. 

c)         Aðspurð upplýsir Aðalheiður að handbók um skólamál sé notuð í skólanum.

III.             Tónskólinn.

Á fundinn er mætt Kristín Waage tónskólastjóri.

1.       Önnur mál.

a)         Tónskólanum var slitið 13. maí.

b)         Skóladagatal er í vinnslu og verður sent skólanefndarmönnum innan tíðar.  Gert er ráð fyrir innskráningu 30. og 31. ágúst.

Fundargerðin lesin upp og samþykkt.

 

Fundi slitið kl: 18:40.