F U N D A R G E R Ð

113. fundar skólanefndar Mýrdalshrepps, haldinn á skrifstofu Mýrdalshrepps, þriðjudaginn 17. febrúar  2004 kl. 17:00.
Fundinn sátu undirritaðir aðalmenn skólanefndar ásamt Kristínu Svafarsdóttur og Kristínu Einarsdóttur er mættu í stað Þorgerðar Einarsdóttur og Ragnheiðar Högnadóttur sem ásamt Andrínu Erlingsdóttur boðuðu forföll.  Sveitarstjóri ritaði fundargerð á tölvu.
Varaformaður, Bergþóra Ástþórsdóttir setti fund og stjórnaði í fjarveru formanns.     

Gerðir fundarins:

I.                   Grunnskólinn.

Á fundinn eru mætt Kolbrún Hjörleifsdóttir skólastjóri, Ólafur Þ. Gunnarsson fulltrúi foreldraráðs og Kristín Marti Kasparsdóttir fulltrúi kennara.

1.       Skólaakstur 2004-2005.
Fyrir liggur minnisblað sveitarstjóra þar sem lagt er til að á næsta skólaári verði skólaakstur einfaldaður til muna þannig að aðeins verði ein ferð á dag í og úr skóla.  Haft verði ofan af  fyrir yngri skólabörnum sem hafa færri skólaskylda tíma en þau eldri með því að skipuleggja íþróttatíma, tónlistarkennslu, félagsstarf, heimanám eða gæslu meðan beðið er eftir að þau eldri ljúki sínum tímum.  Mismunur á skólaskyldu yngstu og elstu barnanna er 7 tímar á viku.
Samningur um skólaakstur rennur út í vor og leggur sveitarstjóri til að skólaakstur verði boðinn út hið fyrsta.
Lagt fram til kynningar.

 

2.       Sundlaug
Fyrir liggur til kynningar tillaga að stærð og fyrirkomulagi sundlaugar við íþróttahúsið í Vík.
Skólanefnd lýsir yfir ánægju sinni með ákvörðun um byggingu sundlaugar.

 

3.       Önnur mál

a)         Bréf Menntamálaráðuneytis dags. 22. janúar 2004.
Lagt fram til kynningar.

b)         Bréf Sambands íslenskra sveitarfélaga dags. 10. febrúar 2004.
Lagt fram til kynningar.

c)         Samkennsla.
Kolbrún upplýsir að unnið sé að skipulagningu vegna aukinnar samkennslu.
 

Fundargerðin lesin upp og samþykkt.

 

Fundi slitið kl: 18:00.