F U N D A R G E R Ð

109. fundar skólanefndar Mýrdalshrepps, haldinn á skrifstofu Mýrdalshrepps, þriðjudaginn 14. október  2003 kl. 17:00.
Fundinn sátu undirritaðir aðalmenn skólanefndar. Fundargerðin er rituð á tölvu í samræmi við heimild í 23. gr. sveitarstjórnarlaga nr. 45/1998.
Formaður, Þorgerður Einarsdóttir setti fund og stjórnaði.       

Gerðir fundarins:

I.                   Grunnskólinn.

Á fundinn er mætt Kolbrún Hjörleifsdóttir skólastjóri.  Ólafur Þ. Gunnarsson fulltrúi foreldraráðs boðar forföll.

1.       Mötuneyti.
Fyrir liggur minnisblað frá samráðsfundi um mötuneytismál.

2.       Fjárhagsyfirlit.
Fyrir liggur yfirlit um fjárhagsstöðu ásamt framreikningi til áramóta.  Þar kemur fram að útlit er fyrir að rekstur skólans verði innan marka fjárhagsáætlunar. 

3.       Önnur mál.

a)         Námshluti skólanámsskrár.
Skólastjóra hefur borist munnleg umsögn foreldraráðs.  Skólanefnd samþykkir fyrirliggjandi námsskrá fyrir sitt leyti að fengnum skýringum skólastjóra. 

b)         Heimsókn í grunnskólann.
Skólanefnd ákveður að heimsækja grunnskólann fimmtudaginn 6. nóvember kl. 16:00.

II.                Tónskólinn.

Á fundinn er mætt Kristín Waage tónskólastjóri. 

1.       Forskólinn.
Kristín greinir frá starfi forskólans sem fram fer innan tíma grunnskólans.  Eftir ýmsa byrjunarörðugleika virðist starfið vera að komast í ásættanlegt horf.  Felliveggur milli 1. og 2. bekkjarstofu er ekki nægjanlega hljóðdempandi.  Erfitt er að vera með tíma á eftir leikfimi þar sem of stuttur tími er gefinn til að fara í sturtu.

2.       Fjárhagsyfirlit.
Fyrir liggur yfirlit um fjárhagsstöðu ásamt framreikningi til áramóta.  Þar kemur fram að útlit er fyrir að rekstur skólans verði vel innan marka fjárhagsáætlunar.

3.       Önnur mál

a)         Heimsókn í tónskólann.
Skólanefnd ákveður að heimsækja tónskólann fimmtudaginn 6. nóvember kl. 17:30.

b)         Könnun á starfi tónskólakennara.
Kristín gerði grein fyrir skýrslu frá Félagi tónskólakennara um störf tónskólakennara, þjónustu og umfang tónlistarskóla.

III.             Leikskólinn.

Aðalheiður Sigþórsdóttir leikskólastjóri boðaði forföll.

1.       Fjárhagsyfirlit.
Fyrir liggur yfirlit um fjárhagsstöðu ásamt framreikningi til áramóta.  Þar kemur fram að útlit er fyrir að rekstur skólans verði innan marka fjárhagsáætlunar.

Fundargerðin lesin upp og samþykkt.

Fundi slitið kl:19:00.