F U N D A R G E R Ð

106. fundar skólanefndar Mýrdalshrepps, haldinn á skrifstofu Mýrdalshrepps, þriðjudaginn 15. júlí  2003 kl. 17:00.

Fundinn sátu undirritaðir aðalmenn skólanefndar.  Andrína Erlingsdóttir tekur sæti Gísla Sigurðssonar, sem óskað hefur eftir leyfi um ótiltekinn tíma. 

Fundargerðin er rituð á tölvu í samræmi við heimild í 23. gr. sveitarstjórnarlaga nr. 45/1998.

Formaður, Þorgerður Einarsdóttir setti fund og stjórnaði.     

Gerðir fundarins:

I.                   Grunnskólinn.

Á fundinn eru mætt Kolbrún Hjörleifsdóttir skólastjóri og  Victoria Jonsson fulltrúi kennara.  Ólafur Þorsteinn Gunnarsson fulltrúi foreldraráðs boðaði forföll.

1.       Bréf sveitarstjóra dags. 13. júní 2003 varðandi mötuneytismál.
Þar er vísað til umsagnar nefndarinnar, tillögu um að næsta skólaár verði rekið sameiginlegt eldhús í Hjallatúni fyrir Hjallatún, leikskóla og grunnskóla.  Eldhúsið verði rekin sem sérstök deild innan Hjallatúns og starfsmannahald í eldhúsi Hjallatúns og mötuneyti grunnskólans endurskoðað.
Skólanefnd fagnar tillögu sveitarstjórnar um sameiginlegt eldhús fyrir stofnanirnar og leggur áherslu á að þjónusta og mötuneytiskostnaður skólabarna verði með sviðuðum hætti og áður.  

 

2.       Skólaakstur.
Hópferðabílar Suðurlands hafa sagt upp samningi um skólaakstur sem undirritaður var 15. nóv. 2002 og samningur Andrésar Pálmasonar rennur út í haust.
Fyrir liggur tillaga um útboð á skólaakstri ásamt verklýsingu, þar sem gert er ráð fyrir þremur akstursleiðum vestan Víkur.
Skólanefnd gerir ekki athugasemdir við fyrirliggjandi drög að öðru leyti en því að ekki er gert grein fyrir öðrum akstri s.s. vettvangsferðum í verklýsingunni.

 

3.       Starfsmannamál.
Kolbrún gerir grein fyrir að Kristín Maarti og Kjartan Kárason hafi verið ráðin til starfa.  Enn vantar einn kennara en verið er að vinna úr niðurstöðum síðustu auglýsingar.  Auglýst verður eftir öðru starfsfólki í Vitanum á morgun.

 

4.       Bréf sveitarstjóra dags. 13. júní 2003 varðandi styrktarsjóð EBÍ.
Þar kemur fram að Mýrdalshreppur, sem aðildarsveitarfélag að EBÍ, getur sent inn umsókn um styrk í sjóðinn.
Skólanefnd leggur til að sótt verði um styrk til verkefnis um þróun samskipta sem Guðrún Pétursdóttir vinnur að.

 

5.       Úrskurður Félagsmálaráðuneytis um stjórnsýslukæru vegna skólaaksturs 2002-2003.
Ráðuneytið kvað upp úrskurð um stjórnsýslukæruna þann 11. júní sl.  Í úrskurðinum segir m.a.:
”Með erindi, dags. 25. október 2002, barst ráðuneytinu stjórnsýslukæra frá Guðrúnu S. Ingvarsdóttur, Ómari H. Halldórssyni, Sævari Halldórssyni, Höllu G. Emilsdóttur, Einari G. Þorsteinssyni, Petru K. Kristinsdóttur, Hrönn Lárusdóttur, Bergi Elíassyni, Jóhanni V. Hróbjartssyni, Margréti Harðardóttur, Sesselju Jónsdóttur og Finnboga Gunnarssyni varðandi skólaakstur í Mýrdalshreppi.  Kærð er ákvörðun sveitarfélagsins, dags. 14. október 2002, um að öllum börnum sem eiga búsetu innan við 500 metra frá þjóðvegi beri að aka í veg fyrir skólabíl og hætt verði að sækja börnin heim að bæjum í myrkri og vondum veðrum.”   Einnig að “tekin hafi verið ákvörðun um að koma til móts við foreldra í sveitarfélaginu með þeim hætti að börn verði keyrð heim að bæjum á heimleið, meti skólabílstjóri það ótryggt að láta skólabörn út á stoppistöð.” 
Í niðurstöðu ráðuneytisins segir m.a.:  “Að öllu þessu virtu telur ráðuneytið að í ljósi skorts á reglum um tilhögun skólaaksturs, verði ekki komist að annarri niðurstöðu en að ákvörðun kærða um skipulag skólaaksturs, dags. 14. október 2002, með síðari breytingum, sé lögmæt og byggist á málefnalegum sjónarmiðum.” 
Úrskurðarorð ráðuneytisins eru eftirfarandi:  “Ákvörðun sveitarstjórnar Mýrdalshrepps um skipulag skólaaksturs í sveitarfélaginu, dags. 14. október 2002, skal standa óhögguð.”
Í texta ráðuneytisins hér að ofan er ranglega talað um að “aka” skuli í veg fyrir skólabíl en eins og fram kemur í öllum gögnum málsins er gert ráð fyrir að börn sem búa innan við 500 metra frá aðalleið skólabíls “gangi” í veg fyrir leið skólabíls.  Foreldrum er hins vegar frjálst að aka börnum sínum ef þau kjósa svo.

 

II.                Leikskólinn.

Á fundinn er mætt Aðalheiður Sigþórsdóttir leikskólastjóri. 

1.       Bréf sveitarstjóra dags. 13. júní 2003 varðandi vistunarreglur Leikskólans.
Þar kemur fram að sveitarstjórn hefur farið yfir drög að vistunarreglum og vísar þeim með áorðnum breytingum til umsagnar skólanefndar.
Skólanefnd leggur til eftirfarandi breytingar:
-  í grein 3 verði kveðið á um að hugsanlegar undanþágur verði tímabundnar. 
– í grein 6 verði kveðið á um að að foreldrum sé skylt að tilkynna um byrjaða sambúð eða sambúðarslit.
– í grein 7 verði kveðið á um að skipulagsdagar leikskólans séu sömu daga og skipulagsdagar grunnskólans.
Skólanefnd lýsir furðu á að sveitarstjórn skuli fara gegn óskum fagaðila sem stjórna skólastigi um skipulag starfsins.

 

Fundargerðin lesin upp og samþykkt.

Fundi slitið kl. 19:15