F U N D A R G E R Ð
 

105. fundar skólanefndar Mýrdalshrepps, haldinn á skrifstofu Mýrdalshrepps, þriðjudaginn 27. maí  2003 kl. 21:00.

Fundinn sátu undirritaðir aðalmenn skólanefndar. 

Fundargerðin er rituð á tölvu í samræmi við heimild í 23. gr. sveitarstjórnarlaga nr. 45/1998.

Formaður, Þorgerður Einarsdóttir setti fund og stjórnaði.     

Gerðir fundarins:

I.                   Grunnskólinn.

Á fundinn eru mætt Kolbrún Hjörleifsdóttir skólastjóri og  Ólafur Þorsteinn Gunnarsson fulltrúi foreldraráðs. Victoria Jonsson fulltrúi kennara boðaði forföll.

1.       Skóladagatal.
Engar athugasemdir voru gerðar við skóladagatalið og það samþykkt.

2.       Starfsmannamál.
Enn eru tæpar þrjár stöður lausar en góðar líkur eru á að takist að ráða í eina stöðu á næstu dögum.  Einnig er von á íþróttakennara í heimsókn.

3.       Önnur mál

a)         Þorgerður tilkynnti að henni barst í hendur umsókn um stöðu húsvarðar í íþróttahúsi og grunnskóla.  Þar sem það er ekki verksvið Skólanefndar að ráða í þá stöðu er málinu vísað frá skólanefnd til sveitarstjóra og skólastjóra.

II.                Tónskólinn.

Á fundinn er mættur Reynir Þór Finnbogason. 

1.       Skýrsla tónskólastjóra.
Fjallað var um skýrslu tónskólastjóra.   Reynir svaraði þeim fyrirspurnum sem komu fram í sambandi við skýrsluna.  Skólanefnd þakkar Kristínu fyrir skýrsluna.

2.       Önnur mál.

a)         Reynir upplýsti að Tónskólinn væri að gera skóladagatal fyrir næsta skólaár.  Skóladagatalið verður sent skólanefnd fyrir næsta fund.

b)         Reynir nefndi að nauðsynlegt er að finna æfingahúsnæði fyrir bílskúrsbönd þar sem nær   ómögulegt er að berja trommur í kennslustofu ef verið er að nota hina kennslustofuna til annarar kennslu.  Einnig nefndi Reynir að nauðsynlegt sé að koma hljóðfærageymslu skólans strax í viðunandi ástand þar sem hljóðfærin liggja undir skemmdum.

Fundargerðin lesin upp og samþykkt.