F U N D A R G E R Ð

103. fundar skólanefndar Mýrdalshrepps, haldinn í grunnskólanum í Vík, þriðjudaginn 18. mars  2003 kl. 17:00.

Fundinn sátu undirritaðir aðalmenn skólanefndar ásamt sveitarstjóra. 

Sveitarstjóri  ritaði fundargerðina á tölvu í samræmi við heimild í 23. gr. sveitarstjórnarlaga nr. 45/1998.

Formaður, Þorgerður Einarsdóttir setti fund og stjórnaði.    

Gerðir fundarins:

I.                   Leikskólinn.

Á fundinn er mætt Aðalheiður Sigþórsdóttir leikskólastjóri.

1.       Vistunartími – sbr. lið 5a) á fyrra fundi.
Lagt er til að einungis verði boðið upp á að börn í Leikskólanum Suður-Vík dveljist þar fimm daga vikunnar óháð því hve langur vistunartíminn er.
Fyrir liggur greinargerð leikskólastjóra.
Skólanefnd samþykkir að frá og með haustönn verði einungis boðið upp á vistun 5 daga vikunnar.

2.       Önnur mál.

a)         Skólanámskrá og viðbúnaðaráætlanir eru í vinnslu.

b)         Lokað verður vegna sumarleyfa 30. júní – 25. júlí.

II.                Tónskólinn.

Á fundinn er mætt Kristín Waage skólastjóri.

1.       Samstarf skólanna.
Skólastjórar hafa fundað og rætt ýmis mál s.s. að samræma skóladagatal.  Þá hafa verið ræddir möguleikar á að nemendur 9-10 bekkjar geti fengið tónlistarnám metið sem val í grunnskólanum.  Þar þarf að skoða nánar hver ber kostnað af þessu námi, þ.e. hvort heimilt sé að láta nemendur greiða skólagjöld í tónskólanum.
Ákveðið hefur verið að samræma rýmingaráætlanir skólanna.

2.       Önnur mál.

a)         Nýbyggingin verður vígð á formlegan hátt laugardaginn 22. mars kl. 13:00.

b)         Nemendatónleikar verða þriðjudaginn 25. mars kl. 20:30 fyrir almenna nemendur og fimmtudaginn 27. mars kl. 20:30 fyrir fullorðna nemendur.

 

III.             Grunnskólinn.

Á fundinn eru mætt Kolbrún Hjörleifsdóttir skólastjóri, Victoria Jonsson fulltrúi kennara og Ólafur Þorsteinn Gunnarsson fulltrúi foreldraráðs.

1.       Samstarf skólanna.
Vísað er lið II-1 hér að ofan.

2.       Starfsmannamál.

a)         Íþróttakennari – Æskulýðs- og tómstundafulltrúi.
Komið hafa fram hugmyndir um að næst þegar íþróttakennari verður ráðinn, verði hann ráðinn jafnframt í stöðu æskulýðs- og tómstundafulltrúa til að fylla upp  í fullt starf.
Fundarmenn lýsa sig fylgjandi þessum hugmyndum. 

b)         Almennir kennarar.
Ljóst er að Friðrik, Iðunn og Karitas Heiðbrá hætta störfum í vor.  Karitas Heiðbrá fer í barneignafrí 1. apríl og afleysingar vegna þessa verða leystar af öðrum starfsmönnum skólans.  Gert er ráð fyrir að lausar stöður verði auglýstar um næstu helgi.

 

3.       Handbók skólamála – endurskoðun.
Fyrir liggja drög að starfslýsingu fyrir húsvörð skólamannvirkja.  Skólastjóri og sveitarstjóri vinna málið áfram.

 

4.       Önnur mál.

a)         Stefnt er að því að leggja skóladagatal og almennur hluti skólanámskrár vegna skólaársins 2003-2004 fyrir maífund skólanefndar.

b)         Nýbyggingin verður vígð á formlegan hátt laugardaginn 22. mars kl. 13:00.

c)         Skólanefnd óskar eftir því að fundarboð berist nokkru fyrr en verið hefur.

Fundargerðin lesin upp og samþykkt.

Fundi slitið kl. 19:08