F U N D A R G E R Ð

101. fundar skólanefndar Mýrdalshrepps, haldinn á skrifstofu hreppsins Austurvegi 17 í Vík, þriðjudaginn 4. febrúar  2003 kl. 17:00.

Fundinn sátu undirritaðir aðalmenn skólanefndar ásamt sveitarstjóra. 

Sveitarstjóri  ritaði fundargerðina á tölvu í samræmi við heimild í 23. gr. sveitarstjórnarlaga nr. 45/1998.

Formaður, Þorgerður Einarsdóttir setti fund og stjórnaði.    

Gerðir fundarins:

Formaður leggur til dagskrárbreytingu þannig að tónskólinn verði á undan leikskólanum.  Nefndarmenn gera ekki athugasemdir við þetta.

I.                   Grunnskólinn.
 Á fundinn eru mættar  Kolbrún Hjörleifsdóttir skólastjóri og Victoria Jonsson fulltrúi kennara.  Fulltrúar foreldraráðs gátu ekki mætt.

1.       Bréf Sýslumannsins í Vík varðandi beiðni um undanþágu á notkun merkis á skólabíl.
Andrés Pálmason leggur fram umrædda beiðni og rökstuðningur hans er sá að farþegum sé einungis hleypt inn og út úr bíl utan alfaraleiðar, við skólalóð í Vík og heima á hlaði við bæi en aldrei við þjóðveg 1.
Skólanefnd fellst á að veita undanþágu enda sé einungis um að ræða akstur til og frá Kerlingardal og skóla. 
 

2.       Bréf Menntamálaráðuneytis vegna sjálfsmatsaðferða grunnskólans dags 8. janúar 2003.
Kolbrún gerði grein fyrir málinu og upplýsir að fullnægjandi sjálfsmatsskýrsla verði tilbúin í vor.

 

3.       Fjárhagsáætlun 2003.
Lögð fram drög að fjárhagsáætlun grunnskólans til kynningar.

 

II.                Leikskólinn.
Á fundinn er mætt Aðalheiður Sigþórsdóttir leikskólastjóri.

1.       Bréf Félags leikskólakennara dags. 10. janúar 2003.
Lagt fram til kynningar.

 

2.       Fjárhagsáætlun 2003.
Lögð fram drög að fjárhagsáætlun leikskólans til kynningar.

 

3.       Gjaldskrá leikskólans.
Samþykkt að taka gjaldskrána til skoðunar fyrir næsta fund samhliða lokun fjárhagsáætlunar.

III.             Tónskólinn.
Á fundinn er mætt Kristín Waage tónskólastjóri.

1.       Framtíðarskipulag tónskólans.
Kristín gerir grein fyrir stöðu viðræðna skólastjóra grunn- og tónskóla.  Ekki er fyrirsjáanlegt að unnt verði að taka börn út úr tíma í grunnskólanum nema grunnskólinn bæti nemandanum upp þann tíma.  Hugsanlegt er að koma tónlistarkennslu nemenda í 1.- 4. bekk fyrir innan stundatöflu grunnskólans.  Kristín tekur saman hvernig stundatafla tónskólans gæti litið út miðað við að 1.- 4. bekk verði kennd tónlist innan stundatöflu grunnskólans en þeir nemendur sem þegar hafa hafið einstaklingsnám fái að halda því áfram. 

 

2.       Fjárhagsáætlun 2003.
Lögð fram drög að fjárhagsáætlun tónskólans til kynningar.

 

Fundargerðin lesin upp og samþykkt.

Fundi slitið kl. 19:45