F U N D A R G E R Ð

100. fundar skólanefndar Mýrdalshrepps, haldinn á skrifstofu hreppsins Mýrarbraut 13 í Vík, þriðjudaginn 17. desember  2002 kl. 17:00.

Fundinn sátu undirritaðir aðalmenn skólanefndar ásamt sveitarstjóra. 

Sveitarstjóri  ritaði fundargerðina á tölvu í samræmi við heimild í 23. gr. sveitarstjórnarlaga nr. 45/1998.

Formaður, Þorgerður Einarsdóttir setti fund og stjórnaði.    

Gerðir fundarins:

I.                   Grunnskólinn.
 Á fundinn eru mættar  Kolbrún Hjörleifsdóttir skólastjóri og Victoria Jonsson fulltrúi kennara.

1.       Könnunarpróf í 4. og 7. bekk.
Kolbrún gerði grein fyrir niðurstöðum og kynnti meðaltalstölur.

2.       Möguleikar á samstarfi grunn- og tónskóla á næstu önn/næsta skólaári.
Skólastjórar grunn- og tónskóla hafa haldið einn fund um málið og telja við fyrstu sýn að hægt sé að flétta kennslu í tónskóla að hluta inn í kennslu grunnskólans, t.d. þannig að 1.-3. bekk sé kennt  inni í grunnskólanum í hópkennslu og tónskólanám geti verið valgrein í 9. og 10. bekk.  Skólastjórar halda þessari vinnu áfram.   

 

3.       Fjárhagsáætlun grunnskóla 2003.
Kolbrún upplýsir að gera megi ráð fyrir að starfsmannafjöldi verði óbreyttur á næsta ári.  Því má gera ráð fyrir svipuðum launakostnaði og á haustönn nema að því leyti að einn starfsmaður fer í fæðingarorlof og gera þarf ráð fyrir auknum kostnaði vegna endurmenntunar.  Einnig lagði hún fram ófullunninn lista yfir búnaðar- og viðhaldsþörf. 

4.       Önnur mál.

a)         Fulltrúi foreldraráðs grunnskóla með seturétt á skólanefndarfundi
Í handbók um skólamál sem samþykkt var 16. ágúst 2001 kemur fram að einn fulltrúi foreldraráðs eigi rétt á setu á skólanefndarfundum með málfrelsi og tillögurétt.  Samþykkt að sveitarstjóri sendi foreldraráðinu bréf þar sem farið er fram á tilnefningu fulltrúa.

b)         Nemendafjöldi
Kolbrún upplýsir að nemendum fjölgi um 5 á vorönn. 

II.                Leikskólinn.
Á fundinn er mætt Aðalheiður Sigþórsdóttir leikskólastjóri.

1.       Sumaropnun.
Aðalheiður taldi erfitt að meta hver kostnaður yrði við sumaropnun nema gera könnun á því hvernig foreldrar myndu nýta sér þjónustuna.  Leikskóla- og sveitarstjóri skoða málið.   

2.       Fjárhagsáætlun leikskóla 2003.
Aðalheiður upplýsir að gera megi ráð fyrir að starfsmannafjöldi verði óbreyttur á næsta ári og að ekki sé vitað um miklar breytingar á barnafjölda.  Þó er óljóst með seinni hluta ársins eins og áður.  Sveitarstjórn þarf að marka sér stefnu um leikskólamál áður en gengið er frá fjárhagsáætlun. 

3.       Önnur mál.

a)         Heimasíða
Nefndin er sammála um að upplýsingar svo sem gjaldskrá ættu að vera á heimasíðu sveitarfélagsins.

III.             Tónskólinn.
Á fundinn er mætt Kristín Waage tónskólastjóri.

1.       Möguleikar á samstarfi grunn- og tónskóla á næstu önn/næsta skólaári.
Skólastjórar grunn- og tónskóla hafa haldið einn fund um málið og telja við fyrstu sýn að hægt sé að flétta kennslu í tónskóla að hluta inn í kennslu grunnskólans, t.d. þannig að 1-3 bekk sé kennt  inni í grunnskólanum í hópkennslu og tónskólanám geti verið valgrein í 9. og 10. bekk.  Einnig sé hugsanlegt að taka börn út úr tímum í grunnskólanum til að fara í tónskóla.  Niðurstöður rannsóknar sem gerð hefur verið sýna að í flestum tilfellum hefur þetta ekki neikvæð áhrif á grunnskólanám barnanna.  Skólastjórar halda þessari vinnu áfram.

2.       Fjárhagsáætlun tónskóla 2003.
Forsendur þess að hægt sé að draga úr kostnaði við tónskólann eru að hægt sé að hagræða stundarskrá sbr. lið 2 hér að ofan.  Ekki ætti að vera þörf á hljóðfærakaupum en einhverju viðhaldi.  Landsmót lúðrasveita er á Akureyri á næsta ári og gera þarf ráð fyrir einhverjum kostnaði vegna þess.

3.       Tónskólagjöld vorönn.
Fullt gjald ákveðið kr. 15.000,-, hálft nám 8.500, forskólanám 7.500,-,  systkinaafsláttur 25% og hljóðfæraleiga kr. 1.500. 

4.       Önnur mál.
Nefndin lýsir ánægju sinni með útgáfu fréttabréfs Tónskólans.

Fundargerðin lesin upp og samþykkt.

Fundi slitið kl. 19:30