Fundargerð

98. fundar skólanefndar Mýrdalshrepps, haldinn á skrifstofu hreppsins Mýrarbraut 13 í Vík, mánudaginn 14. október  2002 kl. 17:00.

Fundinn sátu undirritaðir aðalmenn skólanefndar ásamt sveitarstjóra.  Kristín Einarsdóttir mætir í stað Ragnheiðar Högnadóttur. 

Sveitarstjóri  ritaði fundargerðina á tölvu í samræmi við heimild í 23. gr. sveitarstjórnarlaga nr. 45/1998.

Gerðir fundarins:

1.      Grunnskólinn
Á fundinn er mætt Guðrún Pétursdóttir aðstoðarskólastjóri í stað Kolbrúnar Hjörleifsdóttur skólastjóra og Victoria Jonsson fulltrúi kennara.

a)      Afgreiðsla skólanámskrár og stundaskrár.
Fyrir liggur umsögn foreldraráðs þar sem engar athugasemdir eru gerðar en bent á að nauðsynlegt sé að börnum gefist tími til að fara í sturtu eftir íþróttatíma.
Skólanefnd samþykkir fyrirliggjandi skólanámsskrá og stundaskrár.

b)      Skólaakstur
Fyrir liggur umsögn foreldraráðs um fyrirkomulag skólaaksturs þar sem engar athugasemdir eru gerðar.
Skólanefnd samþykkir núverandi skipulag skólaaksturs.

c)      Undirritun þagnar- og trúnaðareiða.
Viðstaddir undirrita þagnar- og trúaðareið.

d)      Námskeið hjá Fræðsluneti Suðurlands
Þorgerður, Sigrún, Ragnheiður, Bergþóra og Sveinn sóttu námskeið fyrir skólanefndir þann 7. september sl. hjá Fræðsluneti Suðurlands.

e)      Heimsókn skólanefndar.
Skólanefnd ákveður að fara í heimsókn í grunnskólann 22. okt. nk. kl 12:30.

f)        Endurskoðun fjárhagsáætlunar
Frestað til næsta fundar.

g)      Önnur mál

i)        Skólastjórar eru að undirbúa kosningu í foreldraráð.

ii)       Úttekt á sjálfsmatsaðferðum grunnskóla er Menntamálaráðuneytið boðaði með bréfi dags. 27. júní sl. er hafin.

iii)     Guðrún gerir grein fyrir kvörtunum foreldra vegna slits á sokkum barna sem eru í nýja skólahúsnæðinu.

iv)     Guðrún gerir grein fyrir óskum skólafólksins um að einhver tenging komi á milli húsanna hið fyrsta.

v)      Guðrún lýsir yfir ánægju með nýtt tölvukerfi skólans.

vi)     Fjarfundabúnaður sveitarfélagsins verður fluttur í bókasafn skólans í vikunni.


 

2.      Tónskóli Mýrdælinga
Skólastjóri tónskólans gat ekki mætt á fundinn vegna kennslu og því er þessum lið frestað.

3.      Leikskólinn

a)      Endurskoðun fjárhagsáætlunar.
Leikskólastjóri leggur fram endurskoðaða fjárhagsáætlun.  Þar kemur fram að útlit er fyrir rekstur verði um 700.000 kr. innan áætlunar ársins.

b)      Heimsókn skólanefndar.
Skólanefnd ákveður að fara í heimsókn í leikskólann 22. okt. nk. kl. 14:00

c)      Önnur mál

i)        Leikskólastjóri hyggst hefja vinnu við skólanámsskrá í byrjun næsta árs og telur að rétt sé að gefa nýju starfsfólki færi á að kynnast starfi skólans áður en vinnan hefst.

ii)       Haldið verður upp á 100 ára afmæli Suður-Víkur hússins miðvikudaginn 16. október nk.  Dagskráin er miðuð við leikskólabörnin og verður ekki auglýst sérstaklega.

iii)     Sveinn gerði grein fyrir vinnu sem í gangi er varðandi heitan mat í hádegi.

Fundargerðin lesin og samþykkt.

Fundi slitið kl.  18:30

________________________
Þorgerður Einarsdóttir, form.

____________________________                ________________________________

Sigrún Guðmundsdóttir                                   Bergþóra Ástþórsdóttir

____________________________                ________________________________

Gísli Sigurðsson                                            Kristín Einarsdóttir