Fundargerð

97. fundar skólanefndar Mýrdalshrepps, haldinn á skrifstofu hreppsins Mýrarbraut 13 í Vík, þriðjudaginn 10. september  2002 kl. 17:00.

Fundinn sátu undirritaðir aðalmenn skólanefndar ásamt sveitarstjóra.  Andrína Erlingsdóttir mætir í stað Bergþóru Ástþórsdóttur og Sæmunda Ósk Fjeldsted í stað Sigrúnar Guðmundsdóttur.

Sveitarstjóri  ritaði fundargerðina á tölvu í samræmi við heimild í 23. gr. sveitarstjórnarlaga nr. 45/1998.

Gerðir fundarins:

1.      Grunnskólinn
Á fundinn eru mættar Kolbrún Hjörleifsdóttir skólastjóri og Victoria Jonsson áheyrnarfulltrúi kennara. 

a)      Bréf Sýslumanns V-Skaft dags. 29. ágúst 2002 og Eyjólfs Sigurjónssonar og Árna Oddsteinssonar dags. 27. ágúst 2002.
Sýslumaður óskar eftir umögn nefndarinnar vegna beiðni þeirra Eyjólfs og Árna um undanþágu frá þeirri skyldu að merkja bifreiðar sínar sem skólabifreiðar.
Skólanefnd sér ekki fært að mæla með að undanþága verði veitt.

b)      Skólanámskrá - námshlutar 1. - 10.bekkjar + stundaskrár.
Búið er að senda foreldraráði gögnin til umsagnar.  Afgreiðslu frestað þar til umsögn foreldraráðs liggur fyrir. 

c)      Starfsmannamál
Búið er að ráða Berglindi Másdóttur sem skólaliða í fullt starf og Sigríði K. Einarsdóttur í 50% starf sem aðstoðarkonu í mötuneyti og 50% í ræstingu.  Soffía Magnúsdóttir bætir við sig við ræstingu sem Sigríður Steinþórsdóttir var með en hún er nú hætt störfum.  Eva Dögg Þorsteinsdóttir er ráðin sem þroskaþjálfi í 50% stöðu, Sigrún Lilja Einarsdóttir er ráðin í 50% starf sem leiðbeinandi og Anna Björnsdóttir er komin til baka úr launalausu leyfi.

d)      Námsferð til Svíþjóðar – kynning
Kolbrún gerði grein fyrir námsferð kennara er farin var á liðnu vori og leggur fram skýrslu um ferðina.

e)      Skólaakstur.
Sveitarstjóra barst í hendur þann 3. september sl. undirskriftalisti frá 10 foreldrum barna í skólaakstri þar sem kvartað er yfir nýju fyrirkomulagi skólaaksturs og óskað eftir fundi um málið.  Fundur var haldinn í skólanum 5. september þar sem fyrirkomulagið var útskýrt og málin rædd.
Nefndin samþykktir að áfram verði unnið skv. núverandi fyrirkomulagi og að senda foreldraráði skipulagið til umsagnar.  

f)        Bréf Menntamálaráðuneytis dags. 5. júní 2002
Þar kemur fram að skort hefur á lögbundinn kennslustundafjölda og skóladagafjölda skólaárið 2000-2001.
Skólastjóri upplýsir að um misskilning sé að ræða sem hefur verið leiðréttur og vísar í fyrri umfjöllun skólanefndar.

g)      Skipulag skólalóðar.
Fyrir liggur teikning Alark arkitekta af fyrirkomulagi skólalóðar norðan nýbyggingar.  Nefndin samþykkir fyrirliggjandi fyrirkomulag fyrir sitt leyti og samþykkir að senda foreldraráðinu til umsagnar.  


 

2.      Tónskóli Mýrdælinga.
Á fundinn er mætt Kristín Waage skólastjóri tónskólans.

a)      Skýrsla til skólanefndar dags. 5. september 2002
60 nemendur hafa skráð sig í skólann.  Nokkuð vantar af hljóðfærum, td. tvo trompeta og 3 - 4 fiðlur.  Nokkuð er til af hljóðfærum sem ekki er þörf fyrir nú td. cornetar.  Möguleiki getur verið á að skipta á hljóðfærum sem ekki þarf á móti öðrum sem vantar.  Þá á tónskólinn á í sjóði gjafafé kr. 158.000,-.
Nefndin samþykkir að skipt sé út hljóðfærum sem ekki er þörf fyrir á móti öðrum sem þörf er á þó þannig að hljóðfæraeign skólans rýrni ekki sem neinu nemur. 
Kristín óskar eftir að fá að kaupa forrit til að skrifa út nótur en það myndi nýtast bæði fyrir almenna nemendur skólans og einnig fyrir sjónskerta nemendur þar sem hægt er að prenta út stærri nótur.  Hentugt forrit kostar um kr. 35.000,-
Nefndin samþykkir að keypt séu hljóðfæri og forrit fyrir gjafafé skólans eftir mati skólastjóra.  Ekki  er þó gert ráð fyrir að kaupa hljóðfæri fyrir fullorðna nemendur skólans.
Skólastjóri leggur til að á stundaskrá verði uþb. 1 klst á viku fyrir “bílskúrsband” og er það samþykkt.

b)      Búnaður tónskólans.
Sjá lið a)

c)      Ákvörðun tónskólagjalda
Fullt gjald ákveðið kr. 13.500 fyrir haustönn.  Afslættir og hljóðfæralega verði með sama sniði og áður.  Ákvörðun fyrir vorönn frestað til fjárhagsáætlunar.

 

Fundargerðin lesin og samþykkt.

Fundi slitið kl.  19:15

_________________________
Þorgerður Einarsdóttir, form.

____________________________                ________________________________

Sæmunda Ósk Fjeldsted                                  Andrína Erlingsdóttir

____________________________                ________________________________

Gísli Sigurðsson                                            Ragnheiður Högnadóttir