13.08.2009
Sælt veri fólkið

Það er að rætast úr veðurspánni þannig að við stefnum ótrauð að því að leggja af stað á laugardagsmorgun kl. 08:30 frá þjónustumiðstöðinni.  Eftir ábendingar manna sem þekkja þessi leið vel þá ráðleggja þeir okkur að fara Vestragil og upp Bláhnjúkadal og þaðan upp á Eggjar og þegar þar er komið upp er hægt að ganga bæði frama á topp Bláhnjúks, kíkja yfir í Norðurdal og síðna yfir í Kjósina.  Og þeir sem eru ennþá fullir orku geta síðan gengið austur Eggjarnar og niður Austurdal og meðfram Réttargili en þeim sem ætla að ganga eftir Eggjum er eindregið ráðlagt að hafa góða göngustafi og helst stangir eins og Öræfingar ganga yfirleitt með.

 Kveðja

 Skaftfellingafélagið í Reykjavík

  www.skaft.is

Leiðarlýsingin eins og hún liggur fyrir núna:

Lagt verður af stað kl. 08:30 frá þjónustumiðstöðinni í Skaftafelli (mæting kl. 08:00) Síðan gengið inn í Bæjarstað á 2.0-2.5 klukkutímum og síðan gengið upp Austurdal meðfram Réttargili og upp á Kjósareggjar, í það eru áætlaðir 2.5-3.0 tímar, þar verður síðan ákveðið hvort haldið verður lengra t.d. gegnið eftir Eggjunum og kíkt niður í Norðurdal og síðan niður Vesturdal, sjá meðfylgjandi kort. Allt fer þetta eftir veðri og formi göngufólks.
Þannig að þessi ferð ætti verða c.a. 10-12 klst. Sigurður Jakbosson (Diddi) í Skaftafelli ætlar að reyna koma með okkur og leiða okkur þessa ferð en ef hann forfallst þá treystum við því að litli bróðir hans Bjarni taki við leiðsögninni.

Vonandi get sem flestir komið með t.d. geta menn gengið inn í Bæjarstað og snúið þar við, aðrir geta gengið upp með Réttargili og snúið þar við, en mjög fallegt er þar, sjá myndir á heimasíðu. Þeir al hraustustu geta gegnið eftir Eggjunum og inn eftir í átt að Þumli.

Endanleg ákvörðun um ferðatilhögun verður tekin þegar ljóst verður hvernig veðrið verður. Fólk er bent á að taka með sér föt m.v. veður. Ekkert kostar að taka þátt í þessari gönguför.

Við viljum benda á bækur sem eru með myndir frá þessu svæði og frásögnum;
Skaftafell í Öræfum eftir Jack D. Ives sem er með myndum frá Snævari Guðmundssyni.
Þar sem landið rís hæst eftir Snævarr Guðmundsson.
Skaftafell eftir Þórð Tómason.

Kveðja
Skaftfellingafélagið í Reykjavík