Fyrir flottasta hópinn fengu verðlaun þau Vilborg Smárad., Elías Guðm., Tinna og Guðmundur Elíasbörn en þau skörtuðu vampírubúningum. Fallegasta búningnum skartaði Anna Elísabet Jónínudóttir en hún var jólatré. Frumlegasta búningnum skartaði Sæmundur Matthíasson sem heysáta. Fallegasti heimasaumaði búningurinn voru tvær litlar kisur en það voru systurnar Katla Þöll og Arnfríður Mára Þráinsdætur. Síðan fékk yngsti grímuklæddi gesturinn verðlaun, og þau hlaut hin 11 mánaða Eyrún Eva Guðjónsdóttir.
Þetta árið var slegið úr þremur tunnum. Ein tunna var fyrir 9 ára og yngri, önnur tunna fyrir 5. - 10. bekk og enn ein tunna fyrir fullorðna sem einhverra hluta vegna tókst ekki að slá botninn úr...
Dugmiklir unglingar í 8. - 10. bekk sáu um dagskránna og hljómsveit skipuð strákum úr 6. og 7. bekk steig á svið og tók gamla rokkslagara. Efnilegir drengir þar á ferð.