Jólabasar	Frá jólabasarnum	Frá jólaboðinu F.v. Guðlaug Matthildur, Guðfinna K. Ólafsdóttir og Sigríður Sveinsdóttir
Frá jólaboðinu Bjarni Runólfsson, Birgir Hinriksson og Ragnheiður Högnadóttir	Elín Sæmundsdóttir ásamt dætrum sínum Þórunni og Iðunni	Tordis Kristjánsson, Baldvin Einarsson og Finnur Bjarnason
Starfsmenn Víkurskóla komu í heimsókn Sigga Stína, Sif Hauksd., og Anna Björns	Soffía Magnúsdóttir, Sæmunda Fjeldsted, Sigga Stína og Sif Hauks	Sigrún Dögg og Hjördís Rut
Hljómsveit hússins Skipuð þeim: Hróbjarti og Auðberti Vigfússonum og Þóri Kjartanssyni t.v. má sjá Katrínu Loftsdóttur	Jólafundur kvenfélagsins F.v. Sigrún Ólafsdóttir, Málfríður Eggertsdóttir, Naní (Svanhvít M. Sveinsd) og Guðlaug Guðm. hjúkrunarforstjóri Hjallatúns	Dansað af list Sigga Dóra og Sigga Kalla
Spilað af fingrum fram Auðbert Vigfússon	f.v.Sigríður Karlsdóttir og Tinna Guðmundsdóttir	Lúsíurnar komu í heimsókn beint úr kirkjunni
	Kári Gestsson vígir nýja píanóið

Þó ýmislegt drífi á daga okkar á Hjallatúni árið um kring þá er engu að síður mest um uppákomur í aðdraganda jóla.  Við byrjuðum á vel  heppnuðum jólabasar 21. nóvember þar sem fjöldi gesta heimsótti okkur. Virkilega ánægjulegur dagur. 

Að kvöldi  1. desember hélt Kvenfélag Hvammshrepps jólafundinn sinn hjá okkur , eins og þær hafa gert sl. 20 ár, eða frá því að Hjallatún opnaði.  Þær hafa á öllum þessum fundum fært okkur gjafir og að þessu sinni var það bókin um Vigdísi forseta.  Bingó er einnig fastur og vinsæll liður á dagskrá þessara funda og þetta árið kom Auðbert einnig með harmonikkuna og dansinn var stiginn við undirleikinn.

Jólaboð er einnig árlegur viðburður þar sem heimilisfólk býður gestum að vera með okkur kvöldstund ásamt starfsfólki og þiggur veitingar og skemmtun. Að þessu sinni kom Anna Björnsdóttir í heimsókn með „Jólaskólakórinn“, en hún hóaði saman nokkrum samstarfskonum sínum í kór og sungu þær jólalög við mikinn fögnuð gesta. Sr. Haraldur las upp jólasögu og hljómsveitin Tónabræður  luku síðan dagskránni með vel völdum lögum.

Leikskólinn kom tvisvar í heimsókn til okkar. Börnin sungu fyrir heimilismenn og starfsmenn leikskólans lásu upp sögu.  Börnin fengu síðan piparkökur og djús áður en þau kvöddu.

Lúsíuhátíð Tónskólans og kirkjunnar sem haldin var í Víkurkirkju 13. desember var síðan endurflutt að hluta til á Hjallatúni sama dag. Frábært framtak sem gaman var að fylgjast með.

Á Þorláksmessu fengum við síðan nýtt píanó á Hjallatún. Píanóið var fjármagnað af Skemmtanasjóði elliheimilisins sem var hluti af gjöf Ólafs Jónssonar til Hjallatúns  um það leyti sem heimilið var opnað. Er þetta mikil lyftistöng fyrir tónlistarlíf á Hjallatúni, því ósjaldan fáum við heimsókn frá kórum og tónlistarfólki.

Okkar árlegu helgistund um jól fengum við svo sunnudaginn 27. des sl. sem sr. Haraldur M. Kristjánsson  sá  um ásamt Samkór Mýrdælinga og Kára Gestsyni organista.  

Að þessu sögðu óskum við á Hjallatúni öllum Mýrdælingum og öðrum vinum og velunnurum okkar gleðilegs árs og þökkum fyrir árið sem er að líða.

                                                Bestu kveðjur frá Hjallatúni

                                                Guðlaug