Sýslumaðurinn í Vík og Umferðarstofa eru Stofnanir ársins 2009.

Niðurstöður úr könnuninni á Stofnun ársins 2009 voru kynntar á Nordica föstudaginn 8. maí  s.l. en þetta er í fjórða sinn sem SFR stendur að vali á Stofnun ársins. Í hópi minni stofnana fékk Sýslumaðurinn í Vík hæstu einkunn, eða 4,75 í heildareinkunn af 5 mögulegum.
Í öðru sæti var Biskupsstofa  og í því  þriðja sæti var Skattrannsóknarstjóri ríkisins.
Í hópi stærri stofnana fékk Umferðarstofa hæstu einkunn, 4,56 í heildareinkunn af 5 mögulegum. Í öðru sæti var Ríkisskattstjóri og í því þriðja var Sjálfsbjargarheimilið. Hástökkvarinn í ár var Siglingastofnun Íslands, en stofnunin  bætti sig um 82 sæti á milli ára.  Þetta er afar góður árangur hjá Siglingastofnun og það er ánægjuleg að sjá þetta stóra stökk. SFR óskar sigurvegurum og fyrirmyndarstofnunum til hamingju með árangurinn og þakkar um leið öllum góða þátttöku í könnunni.Könnunin var gerð meðal félagsmanna SFR, þátttakendur voru spurðir um trúverðugleika stjórnenda, vinnuskilyrði, ímynd, sjálfstæði, sveigjanleika, ánægju með launakjör og fleira. Öllum stofnunum ríkisins var gefinn kostur á að allir starfsmenn stofnunarinnar óháð því í hvaða stéttarfélögum þeir væru, gætu tekið þátt og nýta margar þeirra það. Könnunin er gerð í samstarfi við VR eins og undanfarin ár en það félag hefur gert sambærilegar kannanir í á annan áratug. Alls tóku tæplega 200 stofnanir þátt í ár og 3500 starfsmenn. Líkt og í fyrra er stofnunum skipt eftir stærð. Nánari upplýsingar má finna hér.

Tekið af vef sfr.is