Eldri fréttir 2008

Flugeldasala björgunarsveitanna er nú farin af stað og er hún ein af mikilvægustu fjáröflunarleiðum þeirra. Í Vík í Mýrdal sáu félagar úr Björgunarsveitinni Víkverja um flugeldasýnigu í tengslum við jólaball í Leikskálum en þeir hafa um árabil útbúið sýningar og séð um að kveikja á þeim. Ekki skemmdi fyrir að veðrið var einstaklega gott, 10 stiga hiti og logn.
Jónas Erlendsson tók þessar myndir af sýningunni. Fleiri myndir....

Fréttabréf tónskóla Mýrdalshrepps
Nemendur í tónlistarnámi í vetur eru 57 talsins. 17 á píanó, 28 á gítar, 3 á bassa, 1 á þverflautu, 2 í söng, 6 á trommur og 4 á fiðlu.
(Munur á samanlögðum fjölda skýrist af því að einstaka nemandi lærir á tvö hljóðfæri) Nemendum hefur fjölgað jafnt og þétt síðustu ár og er það jákvæð og hvetjandi þróun. Mikil mannrækt felst í tónlistarnámi og þegar
Meira...

12.12.2008
Stórkostlegt sjónarhorn

Jónas Erlendsson sendi okkur myndina sem er tekin frá Kötlutanga í vestur til Reynisdranga og Dyrhólaeyjar í kvöldroða.

- Gleðilegt ár, með kærum þökkum fyrir góðar stundir á liðnu ári -

Starfsfólk Mýrdalshrepps

Flugeldasala Víkverja er í húsi sveitarinnar sem hér segir:

Mánudagur 29.12 kl. 16:00 - 20:00
Þriðjudagur 30.12 kl. 14:00 - 20:00
Gamlársdagur 31.12 kl. 10:00 - 14:00
Þrettándinn 6. janúar kl. 16:00 - 19:00

Viðskiptavinum Víkverja stendur til boða eins og áður að greiða í sýningarpott fyrir
áramótasýningu í Vík. Sýningin verður um kl. 21:15 á gamlárskvöld,
meðan á brennunni stendur.
Víkverji

Guðsþjónustur í Mýrdal jólin 2008
Nánar...

Skrifstofa Mýrdalshrepps er lokuð 24. desember, aðfangadag
og 31. desember, gamlársdag.
Jólakveðja,
Starfsfólk Mýrdalshrepps

Íþróttamiðstöðin í Vík
Hátíðaropnun Jólin 2008
Meira...

08.12.2008 Jólahlaðborð á Ströndinni Tæplega 80 manns sóttu jólahlaðborð laugardaginn 29. nóvember s.l. á Ströndinni v/Víkurskála. Fljótlega varð ljóst að uppselt yrði í matarveisluna. Mýrdalshreppur hefur undanfarin ár boðið fastráðnu starfsfólki sínu á hlaðborð ýmiskonar með villibráðar- jólaívafi. Upphaflega, í tíð Hafsteins Jóhannessonar þáverandi sveitarstjóra Mýrdalshrepps var boðið til hlaðborðs og íslenskrar leikgerðar á Píkusögum í Leikskálum. Á Ströndinni í ár var boðið upp á jólahlaðborð undir veislustjórn Jóns Skeiðungs Bjarnasonar, sem m.a. lét mannskapinn dansa "kónga" undir dyggri forystu sýslumannsins okkar Önnu Birnu Þráinsdóttur Fleiri myndir...

28.11.2008
Aðalskipulag - skýrsla Vegagerðarinnar
Vegagerðin hefur nú lokið gerð skýrslu sem sýnir hugmyndir stofnunarinnar að vegasamgöngum um Mýrdal til framtíðar. Þessi vinna var unnin að ósk skipulags- og byggingarnefndar með tilvísun í 28. gr. Vegalaga nr. 80/2007. Skýrsluna má finna á slóðinni:
http://www.vegagerdin.is/upplysingar-og-utgafa/onnurskjol/

24.11.2008
Kvíarnef í Fagradalshömrum

Jónas Erlendsson sendi okkur þessar ljúfu sólarlagsmyndir.

Tökum nú höndum saman!!

Mætum og upplifum gamla, góða stemningu.

Laugardaginn 27. desember verður flautað til leiks
í íþróttahúsinu í Vík

Lesa meira.....

	08.12.2008 Hvalur rekur á Reynisfjöru í Mýrdal Að sögn Sverris D. Halldórssonar hjá Hafró sýndist honum að um væri að ræða langreyð og að öllum líkindum kvendýr. Fleiri myndir...

Hvernig félagslíf er í boði á Suðurlandi?

Nú er unnið að gerð gagnagrunns um hvers kyns félags- og menningarstarf sem er í boði á Suðurlandi og opið er öllum almenningi. Stjórnir félagasamtaka eru hvattar til að senda eftirtaldar upplýsingar fyrir 7. desember til skráningar í gagnagrunninn á netfangið glugginn@sudurglugginn.is
Lesa meira....

Tónskóli Mýrdælinga
auglýsir Jólatónleika tónskólans

í kvöld þriðjudaginn 16.desember í stofum
1. og 2. bekkjar grunnskólans.
Gengið inn um dyr Íþróttamiðstöðvar.

Þeir fyrri eru haldnir kl. 18:00 og
þeir síðari kl. 20:00
Lesa meira...

Kirkjuskólinn í Mýrdal

Síðasta samvera fyrir jól verður næsta laugardag,
13. desember 2008 kl. 11:15 - 12:00
í grunnskóla Mýrdalshrepps.
Komum okkur í jólaskap saman.
Kveðja
Haraldur M. Kristjánsson
sóknarprestur

	Minnum á Fund um atvinnulífið
Hvetjum þig/ykkur til að koma á súpufund Atvinnuþróunarfélags Suðurlands og Atvinnumálanefndar Mýrdalshrepps á Ströndinni, Víkurskála kl. 12:00 mánudaginn 15. desember n.k. Kynnt verður starfsemi Atvinnuþróunarfélagsins, Eignarhaldsfélags Suðurlands og Vaxtarsamnings Suðurlands og Vestmannaeyja. Nú er tækifæri fyrir ykkur atvinnurekendur á svæðinu að koma með fyrirspurnir og ræða málin Atvinnuþróunarfélag Suðurlands og Atvinnumálanefnd Mýrdalshrepps

19.11.2008
Harpa gefur út bók

Við höfum áður fjallað um listakonuna okkar, Hörpu Jónsdóttur, sem við Mýrdælingar höfum eignað okkur eftir að hún fluttist ásamt fjölskyldu sinni til Víkur. Nú er komin út bókin "Húsið – Ljósbrot frá Ísafirði" eftir Hörpu. Bókin er gefin út hjá Vestfirska forlaginu.
Þetta er önnur bók Hörpu, hún fékk Íslensku barnabókaverðlaunin árið 2002 fyrir "Ferðina til Samiraka" og sama ár var hún valin bæjarlistamaður Ísafjarðarbæjar.
Harpa er einnig þekkt hannyrðakona.
Sagan af húsinu segir fyrst og fremst frá fólkinu í kring um það, bænum og nánasta umhverfi. Höfundur bregður upp hlýlegum en jafnframt skarpskyggnum myndum af bæjarbrag og samfélagi á Ísafirði, séð með augum þess sem tilheyrir því – en þó ekki.

Fjöldi ljósmynda setur svip á verkið

13.11.2008
Mýrdælingar eiga "sunnlending vikunnar"

að þessu sinni hjá "Sunnlenska fréttablaðinu". Magdalena Katrín Sveinsdóttir lenti í 2. sæti í söngkeppni félagsmiðstöðva Suðurkjördæmis en María Ólafsdóttir frá Mosfellsbæ sigraði. Í þriðja sæti voru þau Kristrún Steingrímsdóttir og Júlíus Már Grétarsson frá félagsmiðstöðinni á Hellu.
Magdalena keppti fyrir hönd félagsmiðstöðvarinnar OZ í Vík með laginu Zombie eftir The Cranberries. Með laginu vann hún sér þátttökurétt í söngkeppni SAMFÉS sem haldin verður í febrúar 2009.

Lesa viðtalið í "Sunnlenska"

Bygg til manneldis
Möguleikar til nýsköpunar á eystri hluta Suðurlands.

Landbúnaðarháskóli Íslands og Matís ohf. hafa leitað leiða til að nýta íslenskt bygg til manneldis og það er Framleiðnisjóður landbúnaðarins sem hefur styrkt þetta starf.
Á dögunum var efnt til málþings um verkefnið í Reykjavík og nú verður blásið til samskonar þings sem að þessu sinni verður haldið í Skógarskóla undir Eyjafjöllum.
Málþingið verður miðvikudaginn 3. desember og stendur frá kl. 13.00 til 14.30.
Allir eru velkomnir á málþingið sem er haldið undir yfirskriftinni
Möguleikar til nýsköpunar á eystri hluta Suðurlands.

Auglýsing... Lesa meira...

Jólahlaðborð á Ströndinni 29. nóv. uppselt

Húsið opnar kl.19:30 með fordrykk og borðhald hefst kl. 20:00
Veislustjóri verður Jón (Skeiðungur) Bjarnason

Lifandi tónlist fram eftir nóttu

	Aðventusamkoma í Mýrdal 2008
Aðventusamkoma sem er samstarfsverkefni allra skóla og sókna í Mýrdal verður í félagsheimilinu Leikskálum í Vík, sunnudaginn 30. nóvember n.k. kl. 16:00. Meira...

	11.11.2008 Fýlaveisla Blásið var til fýlaveislu hjá rekstraraðilum Víkurskála um síðastliðna helgi. Til stóð að hafa veisluna á Ströndinni v/Víkurskála en fljótlega varð ljóst að einn salur dugði ekki til og var einnig borðað í veitingasal Víkurskála. Að auki þurfti að hætta að taka við pöntunum þar sem ljóst var að uppselt væri í veisluna. Allt útlit er fyrir að þessi gamalgróni mýrdælski siður sé kominn til að vera.
		Fleiri myndir...

	10.11.2008 Litadýrð í boði Móður Náttúru Það er engu líkara en að eldgos sé hafið í Reynisfjalli þegar horft er upp eftir Bakkabrautinni. Patrycja Makowska hefur áður sent okkur frábærar myndir og eru þessar enginn eftirbátur. Litadýrðin blasti við henni laugardaginn 18. okt. s.l.
Fleiri myndir....

Hjúkrunar og dvalarheimilið Hjallatún
auglýsir eftir hjúkrunarfræðingi til afleysinga í eitt ár

Lesa meira....

	Starfsmaður óskast í 25% starf í heimaþjónustu hjá Mýrdalshreppi Laun samkvæmt kjarasamningi LN og FOSS Upplýsingar veitir undirrituð í síma 487-1210 eða á skrifstofunni Helga Halldórsdóttir skrifstofustjóri

	Tónleikar í Víkurkirkju færast til sunnudagsins 23. nóvember kl. 16:00 vegna jarðarfarar Margrét Stefánsdóttir sópran, Jóhann Stefánsson trompet, Hilmar Örn Agnarsson orgel
Lesa meira.....

Íbúafundi frestað Áður auglýstum íbúafundi um skólamál sem halda átti laugardaginn 15. nóvember er frestað um óákveðinn tíma vegna jarðarfarar.
Fræðslunefnd Mýrdalshrepps	Atvinnuþróunarfélag Suðurlands

ÍBÚAFUNDUR

Fræðslunefnd Mýrdalshrepps og Atvinnuþróunarfélag Suðurlands boða íbúa sveitarfélagsins á opinn íbúafund í Íþróttamiðstöðinni Vík
laugardaginn 15. nóvember kl. 10:00

Fundurinn er boðaður til að fá hugmyndir og álit íbúa á því hvernig best sé að móta Draumskóla Mýrdalshrepps.

Lesa meira.....

04.11.2008
Áhugamannasamtök um "Betri byggð í Mýrdal" stofnuð.

Fimmtudaginn 23. október s.l. var haldinn fundur um stofnun áhugamannasamtaka um bættar samgöngur, jarðgöng um Reynisfjall og byggingu sjóvarnargarða við Vík.
Á fundinn mættu 70 manns og 65 gerðust stofnfélagar.
Félagið heitir „Betri byggð í Mýrdal“.
Jóhannes Kristjánsson setti fundinn og fór svo yfir forsögu og framtíð.
Lesa meira....

Fleiri myndir...

28.10.2008
Safnahelgi á Suðurlandi 7.- 9. nóvember n.k

Í uppsiglingu er einhver stærsti menningarviðburður á Suðurlandi um langa hríð.
Söfn um allt Suðurland og í Vestmannaeyjum bjóða upp á fjölbreytta menningardagskrá þessa helgi.
Af þessu tilefni er opið í Brydebúð í Vík, og Héraðsbókasafni V-Skaftfellinga í Vík, laugardaginn 8. nóvember frá kl. 14:00 - 16:00
Í Brydebúð er Mýrdalur - mannlíf og náttúra, Gott strand eða vont og Sigrúnarstofa. Aðgangur er ókeypis.
Á bókasafnið eru allir velkomnir og er gestum boðið að velja sér bækur af hlaðborði til eignar.
Lesa meira....

www.sofnasudurlandi.is

Fýlaveisla á Ströndinni v/Víkurskála

Fýlaveisla verður haldin á Ströndinni bistro-bar v/Víkurskála laugardagskvöldið 8. nóvember n.k.

Meira...

Safnahelgi á Suðurlandi 7.- 9. nóvember n.k.
Auglýsing...

Tilkynning frá sóknarprestinum í Vík

Guðsþjónustan sem vera átti í Skeiðflatarkirkju næsta sunnudag, 9. nóvember,
fellur niður af óviðráðanlegum ástæðum.
Minni á kirkjuskólann næsta laugardag, 8. nóv. kl. 11:15
Haraldur M. Kristjánsson

http://www.forvarnardagur.is/

Í dag fimmtudaginn 6. nóvember, verður haldinn Forvarnardagur í öllum grunnskólum landsins.
Í 9. bekkjum verður dagskrá helguð baráttunni gegn fíkniefnum þar sem áhersla er lögð á uppbyggilegar forvarnir og þátttöku ungmennanna sjálfra. Forvarnardagurinn er haldinn að frumkvæði forseta Íslands en aðrir aðstandendur eru Íþrótta- og Ólympíusamband Íslands, Ungmennafélag Íslands, Bandalag íslenskra skáta, Samband íslenskra sveitarfélaga, Reykjavíkurborg og lyfjafyrirtækið Actavis sem er aðalstuðningsaðili verkefnisins

	15.10.2008 Hrepparnir mætast á miðri leið. Það var mikið fjör á Hótel Önnu, Moldnúpi föstudagskvöldið 10. október s.l. en þar hittust skrifstofukonur minni sveitarfélaganna á Suðurlandi. Hópurinn hefur hist tvisvar áður. Að þessu sinni hittust Grímsnes- og Grafningshreppur, Rangárþing Ytra, Rangárþing Eystra og svo Mýrdalshreppur. Fjarri góðu gamni að þessu sinni var Skaftárhreppur, Skeiða- og Gnúpverjahreppur, Hrunamannahreppur, Flóahreppur, Ásahreppur og Bláskógabyggð. Hópurinn fékk höfðinglegar móttökur hjá Eyju Þóru Einarsdóttur og hennar fólki og var mikið hlegið og sungið þegar líða tók á kvöldið. Einni konunni varð það á orði að þetta væri kannski fyrsta skrefið í átt að sameiningu hreppanna. Stefnt er að því að hópurinn hittist tvisvar á ári, að vori og hausti. Við Mýrdælingar verðum þess heiðurs aðnjótandi að bjóða þessum frábæru konum heim þegar snjóa leysir.

Fleiri myndir...

	Hjúkrunarheimilið Hjallatún í Vík
Helgistund verður á Hjúkrunarheimilinu Hjallatúni sunnudaginn 2. nóvember nk. kl. 15:00. Samkór Mýrdælinga syngur undir stjórn Kára Gestssonar organista. Gaman ef ættingjar heimilismanna á Hjallatúni gætu verið viðstaddir stundina. Sóknarprestur

Víkurkirkja í Mýrdal

Guðsþjónusta verður í Víkurkirkju í Mýrdal sunnudaginn 2. nóvember nk. kl. 14:00.
Samkór Mýrdælinga syngur undir stjórn Kára Gestssonar organista.
Þennan sunnudag ber upp á 24. sunnudag eftir Trinitatis, sem jafnframt er Allra heilagra messa (þegar látinna er minnst).
Eigum notalega og uppbyggilega stund í kirkjunni okkar á þessu óvissutímum í þjóðlífinu.
Fermingarbörn og foreldrar sérstaklega hvött til að mæta.

Sóknarprestur

08.10.2008 Gengið til góðs Það voru ferskir krakkar er gengu til góðs laugardaginn 4. október s.l. fyrir Rauða krossinn. RKÍ Víkurdeild vill koma þakklæti til allra þeirra er tóku þátt í verkefninu með einum eða öðrum hætti.
Anna Dís, Arnar og Magdalena	Alda, Guðbjörg og Emilía	Þorsteinn, Ægir, Fjölnir og Friðbert	Allur hópurinn samankominn	Myndir: Sveinn Þorsteinsson formaður RKÍ Víkurdeildar

Málþing um átaksverkefni í Rangárvallasýslu og
Vestur Skaftafellssýslu verður haldið
miðvikudagskvöldið 29. október. kl. 20:00
í gamla Héraðskólanum Skógum undir Eyjafjöllum

Málþingið hefst á býlinu Þorvaldseyri með inngangi og hressingu kl. 19:00.
Kl. 19:30 verður nýja kornþurrkstöðin í Drangshlíð skoðuð og síðan verður farið að Skógum
þar sem málþinginu verður framhaldið kl. 20.00

Lesa meira...

	Aðstandendur Ragnbogans þakka öllum þeim fjölmörgu sem lögðu hönd á plóginn til að gera veislu liðinnar helgi mögulega. Fyrirtæki, sjóðir og einstaklingar sem lögðu fram styrki til að fjármagna hátíðina, allir listamenn og handverksfólk sem tóku þátt í dagskránni og síðast en ekki síst heimamenn og gestir sem mættu á viðburði og nutu þess sem boðið var upp á, hafið öll heila þökk fyrir frábæra helgi. „Þar sem kærleikur og snilli taka höndum saman getur þú vænst meistaraverks“ (höf.ókunnur) Sif, Helga, Anna, Pétur og Elli Fleiri myndir... Enn fleiri myndir...
Hluti nefndarinnar skemmti í hléi
		$E:\logosvarthv.gif$

Fýlaveisla Skaftfellingafélagsins verður haldin í Skaftfellingabúð, fyrsta vetrardag

laugardaginn næstkomandi 25. október 2008 og hefst með borðhaldi kl. 20:00.
Á borðum verður saltaður fýll með tilheyrandi meðlæti sem og
hangikjet, flatkökur og smér.
Fýllinn kemur frá Sigurði Hjálmarssyni í Vík og fjölskyldu hans.
Þórir N. Kjartansson mun segja fýlasögur undir borðhaldi.
Hljómsveitin Tónabræður frá Vík mun leika fyrir dansi.
Sjá nánar á skaft.is

Tónabræður

Reyniskirkja í Mýrdal

Guðsþjónusta verður í Reyniskirkju í Mýrdal,
nk. sunnudag, 26. október 2008, kl. 14:00.
Organisti er Kristín Björnsdóttir.
Almennur safnaðarsöngur.

Fjölmennum og eigum notalega stund í kirkjunni.
sóknarprestur

Fundarboð

Þann 21. janúar 2008 var Mýrdalshrepp afhent áskorun um breytta veglínu í Mýrdal
undirrituð af 211 einstaklingum.
Þar sem hér var um sýnilega mikla samstöðu að ræða hefur komið upp sú hugmynd
að fylgja þessu enn betur eftir með stofnun áhugamannasamtaka til að þrýsta á slíka framkvæmd.
Ákveðið er því að boða til almenns fundar í Leikskálum
fimmtudaginn 23. október kl. 20.30

Undirbúningsnefndin

Auglýsing...

	Skeiðflatarkirkja í Mýrdal Guðsþjónusta verður í Skeiðflatarkirkju í Mýrdal nk. sunnudag, 19. október 2008, kl. 14:00.
Samkór Mýrdælinga syngur undir stjórn Kára Gestssonar organista. Fermingarbörn og foreldrar sérstaklega hvött til að mæta. Þegar kreppir að í fjármálum þjóðarinnar er gott að koma til kirkjunnar sinnar og eiga þar uppbyggilega stund. Fjölmennum Sóknarprestur

Menntamálaráðherra kynnir nýja menntastefnu á Selfossi
á opnum kynningarfundi sem haldinn verður mánudagskvöldið 13. október í Fjölbrautaskólanum á Selfossi kl 20 til 22.

Lesa meira.....

Víkurkirkja í Mýrdal

Guðsþjónusta verður í Víkurkirkju n.k. sunnudag 12. október 2008, kl. 14:00.
Samkór Mýrdælinga syngur undir stjórn Kára Gestssonar, nýráðins organista
í Víkur- og Skeiðflatarkirkjum.
Fjölmennum til kirkju og ræktum samfélagið við Guð
um leið og við bjóðum nýjan organista velkominn til starfa.
Á þrengingatímum í efnahagslífinu, er nauðsynlegt að heyra um von og blessun fagnaðarerindisins.
Væntanleg fermingarbörn næsta vors eru hvött til að mæta ásamt foreldrum sínum og forráðamönnum.

Sóknarprestur

Menningarráð Suðurlands auglýsir eftir umsóknum um styrki á grunni samnings sveitarfélaga á Suðurlandi og menntamálaráðuneytis og
samgönguráðuneytis um menningarmál

Lesa meira.....

	03.10.2008 Smölun Hvítmögu Hvítmaga var smöluð um síðustu helgi. Hvítmaga liggur milli Skógafjalls og Sólheimaheiðar í Mýrdal og er ekki hægt að komast yfir í Hvítmögu nema með því að fara yfir Sólheimajökul sem er skriðjökull úr Mýrdalsjökli. Að sögn Einars Guðna Þorsteinssonar bónda á Ytri Sólheimum smalaðist nokkuð vel þó enn sé vitað af nokkrum kindum eftir. Þetta er fjórða árið sem þeir bræður á Ytri Sólheimum og Brekkum reka fé í Hvítmögu, og þó jökullinn sé flugháll eftir miklar rigningar undanfarið og smalarnir séu vel vopnaðir fjallajárnum og fjallastöngum fóta kindurnar sig ótrúlega vel á svellinu. Einar Guðni taldi að féð væri vænt eftir gott sumar . Að sögn Óskars Þorsteinssonar eru það uppáhaldskindurnar sem fá að fara í Hvítmögu og tók hann vel á móti þeim með Súkkulaði og kökum Texti og myndir: Jónas Erlendsson

Fleiri myndir

Velkomin á menningarhátíð

	Regnboginn list í fögru umhverfi Menningarveisla í Vík 3. -5. október 2008
Ítarleg dagskrá	Opin hús og listasýningar	Yfirlit

Íbúar Mýrdalshrepps eru hvattir til að skreyta hús sín í

Endurvinnsluvika haldin
í fyrsta sinn á Íslandi:

Um 91% Íslendinga flokka sorp til endurvinnslu

Meira....

16.09.2008
Grafarrétt

Jónas Erlendsson tók þessar myndir í Grafarrétt í Skaftártungu um síðustu helgi.
Fleiri myndir...

	17.09.08 Víkingar í Vík Patrycja Makowska er ýmislegt til lista lagt eins og myndir hennar bera með sér. Hún gekk fram á víkinga í fjörunni í Vík á dögunum, og tók þessar myndir af því tilefni. Fleiri myndir....

Dagskrá á Suðurlandi verður auglýst nánar í héraðsfréttablöðum og á heimasíðu Fræðslunetsins

Umfjöllunarefni viku símenntunar verður m.a.

Fræðsluerindi um starfsánægju og starfsleiða

Fjallað verður um mikilvægi símenntunar og fullorðinsfræðslu fyrir einstaklinga

Kynning í fyrirtækjum á réttindum starfsmanna til námskeiðsstyrkja frá stéttarfélögum og á námsframboði Fræðslunetsins

Kynning á námskeiðum sem eru sérsniðin fyrir þá sem hafa stutta formlega skólagöngu að baki

	15.09.2008 Huldufjöll í Mýrdal Myndirnar eru teknar í gönguferð sem Grétar Einarsson, Sædís Íva Elíasdóttir og Sigrún Guðmundsdóttir fóru í sumar í Huldufjöll í Mýrdal. Fleiri myndir...

Fýlaveisla
verður haldin á veitingastaðnum Ströndinni v/Víkurskála
laugardaginn 8. nóvember n.k.

Nánar auglýst síðar...

Regnboginn-list í fögru umhverfi

Menningarveisla í Mýrdal
3. - 5. október 2008

Meira....

15.09.2008 Hvalreki Á myndunum sem Jónas Erlendsson tók, er Böðvar Jónsson bóndi í Norðurhjálegu í Álftaveri og Ragnhildur Jónsdóttir, en Böðvar fann búrhvalinn rekinn. Sporðurinn er um fjórir metrar í þvermál en erfitt var að mæla lengd hvalsins þar sem sporðurinn lá fram með hausnum. Hvalurinn var stiginn og reyndist hann vera um 20 skref (ca. 20 metrar).
	Fleiri myndir...

09.09.2008
Nýtt fyrirtæki

Nýtt fyrirtæki, Mýrdalssandur ehf., hóf rekstur í Mýrdalshreppi á líðandi sumri og er aðalstarfsemi þess að þurrka sand til sandblásturs.
Eflaust hafa margir rekið augun í vinnslulínu Mýrdalssands (sem þykir sérstakt augnayndi) og stendur vestan undir iðnaðarhúsi VíkurHúsa að Sunnubraut 21 í Vík og sendir frá sér gufubólstra þegar vinnsla er í gangi.
Sandurinn, sem tekinn er úr námu skammt austan Víkur, er þurrkaður með 500kw steinolíubásara og síðan settur í stórsekki sem eru fluttir á markað hvert á land sem er og vonandi fljótlega víðar.
Stofnendur og eigendur Mýrdalssands ehf eru þeir Jóhann Vignir Hróbjartsson og Páll Tómasson.
JVH

Mýrdalssandur ehf
Sunnubraut 21 Vík
Símar 897-7737 Jói
867-0331 Palli

02.09.2008 Myndir frá Hjallatúni Myndirnar sendi Sigríður Kjartansdóttir hjúkrunarforstjóri á Hjallatúni, í byrjun vikunnar.			Þröngt setinn bekkurinn á pallinum á góðviðrisdögum
	Fýll í matinn eða er hann að sækja um pláss??		Handboltasigur á móti Spáni – allir með hraust hjörtu og þoldu álagið

08.08.2008
Öldungamót í badminton, blaki, bridge, fótbolta, frjálsum og golfi

Í haust ætlar ungmannafélagið Sindri á Höfn í Hornafirði að halda öldungamót á Höfn fyrir konur og karla sem náð hafa 30 ára aldri. Á mótinu sem verður haldið 19. – 20. september verður keppt í badminton, blaki, bridge, fótbolta, frjálsum og golfi. Í allar þessar greinar geta menn skráð sig sem lið fyrir ákveðið félag eða sem einstaklingar.
Lesa meira....

05.09.2008 Góð kornuppskera Útlit er fyrir mjög góða kornuppskeru á landinu þetta árið og eru bændur að þreskja kornið. Jónas Erlendsson tók myndirnar í byrjun vikunnar á Þorvaldseyri undir Eyjafjöllum.

KÖTLUHLAUP 2008
LAUGARDAGINN 6. SEPTEMBER - VÍK Í MÝRDAL

Laugardaginn 6. september verður hið svokallaða “Kötluhlaup” í Vík í Mýrdal.
Þetta er í fjórða sinn sem hlaupið er haldið. Fyrstu tvö árin var Vegagerdin í Vík framkvæmdaraðili hlaupsins, þá tók Mýrdalshreppur við framkvæmdinni sem nú hefur fengið umf Kötlu til samtarfs.
Vegalengdirnar eru 10 km, 21 km og 42 km.
Þátttakendur geta valið um hvort þeir vilja hlaupa eða hjóla leiðina.
Hópar eða fyrirtæki geta líka tekið þátt sem boðhlaups- eða boðhjólalið og skipt leiðinni á milli sín.
Bílar munu fylgja þátttakendum.

Lesa nánar.....

11.08.2008
Listaverkauppboð í tilefni hálfrar aldar.

Kolbrún Hjörleifsdóttir skólastjóri í grunnskólanum í Vík Mýrdal hélt uppboð á glerlistaverkum í Reynisfjöru þann 9. ágúst kl. 16.30 í tilefni af hálfrar aldar veru sinni á jörðinni. Allur ágóði uppboðsins rennur til styrktar foreldrastarfi innan Uppeldis til ábyrgðar /uppbyggingar-sjálfsaga. Verkin eru 7 og kallar hún sýninguna, Konan á strönd lífsins. Kolbrún segir þau tákni konuna frá fæðingu og fram yfir dauða. En Kolbrún hefur einnig unnið mjög sérstök listaverk sem eru unnin úr ull á striga og opnaði hún sýningu á þeim í gistiheimilinu Ársölum sama dag. Á myndunum er Kolbrún að undirbúa uppboðið í Reynisfjöru.
Fleiri myndir.... Afmælismyndir...


08.08.08 Unglingalandsmót UMFÍ í Þorlákshöfn. Um nýliðna verslunarmannahelgi fóru 41 keppandi frá USVS ásamt foreldrum og fríðu föruneyti á Unglingalandsmót í Þorlákshöfn. Liðsstjóri hópsins var Inger Schiöth. Öruggt má segja að hópurinn stækki með ári hverju enda er þetta frábær umgjörð um verslunarmannahelgina. Allir finna sér keppni eða skemmtun við sitt hæfi. Hópurinn okkar keppti í fótbolta, frjálsum, hestaíþróttum, skák og sundi. USVS skartaði fótboltaliði sem bar nafnið Katla og stofnað var í tilefni ULM, skipað 11-12 ára strákum. Liðsstjórar Kötlu voru Grétar og Guðni Einarssynir stjórnuðu svo liðinu með styrkum höndum. USVS hópurinn var til fyrirmyndar alla helgina, innan vallar og utan, og keppendurnir okkar voru að standa sig framúrskarandi vel í öllum þeim greinum sem að þau tóku þátt í. Lesa meira.....

05.08.2008 Ferðalag um Arnarstakksheiði Myndirnar tók Jónas Erlendsson um miðjan júlí þegar Frískir á fjórum, fóru í ferðalag á hjólum um Arnarstakksheiði.
	Fleiri myndir...

11.08.2008
Hlaup í Skaftá

Myndir teknar seinnipartinn í gær við bæinn Skaftárdal en þar varið farið að vaxa töluvert í Skaftánni.
Myndir....

Íþróttahátíð USVS 2008 Héraðsmót USVS í frjálsum íþróttum verður haldið á Víkurvelli sunnudaginn 17. ágúst. Mótið er í umsjón Ungmennafélagsins Kötlu. Grill - og sundlaugarpartý að lokinni keppni á laugardeginum.

08.07.2008
"För" fær heimsókn frá Hull

Þann 9. júlí er von er á heimsókn 40 stúdenta og 4 kennara frá Hymers College, sem er virtur skóli í Hull. Hópurinn ber kveðju borgarstjóra og sjómannaráðs Hull.
Tilgangur heimsóknarinnar er að skoða "systur" minnismerki Farar. Kolbrún Hjörleifsdóttir, skólastjóri grunnskóla Mýrdalshrepps mun taka á móti hópnum f.h. sveitarstjóra. Steinunn Þórarinsdóttir listamaður og skapari minnismerkisins mun ávarpa hópinn sem síðar gengur í Brydebúð og skoðar sýningarnar.

07.07.2008
Galdrakarlinn í Oz í Vík

Víkarar eiga von á góðum gestum því Leikhópurinn Lotta ætlar að kíkja í heimsókn til Víkur laugardaginn 12. júlí n.k. kl. 17:00 með fjölskyldusýninguna Galdrakarlinn í Oz.
Leikhópurinn er á ferðalagi og mun sýna víðsvegar um landið en leikhópurinn heimsótti okkur einmitt í júlímánuði á síðasta ári og sýndi okkur Dýrin í Hálsaskógi við miklar vinsældir.

Dóróthea ætlar sér að vera á Syngjandanum ásamt vinum sínum og verður sýningin undir berum himni og er fólk hvatt til að klæða sig eftir veðri.
Við setjum nánari upplýsingar inn á heimasíðuna síðar í vikunni.
Lesa nánar um sýninguna og Leikhópinn Lottu....

01.07.2008
Netaviðgerðir á Hjallatúni

Einn góðviðrisdaginn í síðustu viku tók Sigurður Hjálmarsson myndir af nokkrum heimilismönnum á Hjallatúni við að hreinsa og gera við net. Netið er í eigu Harðar Sigurbjörnssonar og verður hugsanlega notað til veiða í sumar.
Á myndinni sjáum við frá vinstri: Guðfinnu Ólafsdóttur frá Fagradal, Þorstein Einarsson, Þóru Þorbergsdóttur og Hörð Sigurbjörnsson

Fleiri myndir...

01.07.2008 Prjónað af kappi Þessa dagana er setið vel við í garðstofunni á Hjallatúni. Verið er að prjóna sokka í gríð og erg sem væntanlega verða til sölu á Hestamannamótinu á Hellu. Þess má svo geta að nýverið voru keyptir stólar í garðstofuna og var hluti þeirra keyptur fyrir ágóða af jólabasar Hjallatúns síðustu ára.
	Ljósm.Guðl.Guðm.

11. Unglingalandsmót UMFÍ í Þorlákshöfn 1. - 3. ágúst 2008

USVS hvetur til myndarlegrar þátttöku á Unglingalandsmót sem nú er orðinn árlegur viðburður
um verslunarmannahelgina.

Unglingalandsmót UMFÍ er vímuefnalaus fjölskylduhátíð þar sem börn og unglingar á aldrinum 11 – 18 ára reyna með sér í fjölmörgum íþróttagreinum. Samhliða er boðið upp á fjölbreytta afþreyingu, leiki og skemmtun fyrir alla fjölskylduna. Unglingalandsmótin hafa hvarvetna vakið mikla athygli og þeir fjölmörgu sem þau hafa sótt, hafa verið öðrum til mikillar fyrirmyndar með allri framkomu hvort sem er í keppni eða leik. Unglingalandsmótin eru klárlega með stærri íþróttaviðburðum á Íslandi ár hvert og eru nú orðin árlegur viðburður um verslunarmannahelgina
Lesa meira....

Jazz undir fjöllum 11. og 12. júlí 2008

Tónlistarhátíðin Jazz undir Fjöllum verður haldin í fimmta sinn í Skógum dagana 11. og 12. júlí.
Eins og undanfarin ár hefur Sigurður Flosason skipulagt tónlistaratriðin
og lagt mikinn metnað í dagskrá þessa vinsæla menningarviðburðar. Haldnir verða sex tónleikar,
en á þeim koma fjölmargir af þekktustu djassleikurum landsins fram.

Lesa meira.....

30.06.2008
Vogmær rekur á land

Vogmær rak á land í Reynisfjöru í Mýrdal í vikunni.
Ragnar Indriðason frá Görðum fann fiskinn nýrekinn og var hann þá með lífsmarki og uggarnir blóðrauðir. Þeir misstu fljótt lit eftir að vogmærin drapst.
Indriði Loftsson, faðir Ragnars, mældi vogmeyna og reyndist hún vera 136 sm löng og um 20 sm há utan ugga en ekki nema 3-4 sm þykk þar sem hún var þykkust. Augun voru um 6 sm í þvermál.
Í fyrrasumar rak tunglfisk á sömu fjöru, en hann er sjaldgæfari reki en vogmeyjar.
Þess má svo geta að í nóvember á síðasta ári kom Þórður Sveinsson í Vík einmitt með þennan "furðufisk" til okkar á skrifstofu Mýrdalshrepps. Þá frétt má sjá undir eldri fréttir 2007.

Meira um Vogmeyjar...

Indriði Loftsson
heldur á vogmeynni

27.06.2008
Víkarar gengu á Heklu

Alls tóku 110 manns þátt í Jónsmessugöngu FÍ á Heklu. Ferðin gekk vel og var gengið upp í ágætu veðri þrátt fyrir skúraveður allt í kring. Komið var á Heklutind skömmu eftir miðnætti. Útsýnið var stórbrotið, sólroðin ský í fjarska og einstaka fjallstindur reis upp úr skýjum. Ljósm. og texti tekið af vef http://fi.is
Á einni myndinni glittir í silfurrefinn úr Sigtúninu.

Fleiri myndir...

Vefstjórinn er í sumarleyfi frá 14. júlí - 5. ágúst n.k.

Njótið þess að vera til
Kveðja
Inger

	24.06.2008 Sólarmegin í tilverunni Ekki hafa verið slegin nein hitamet í dag, en dagurinn þó með þeim betri í Víkinni. Af því tilefni ákvað heimilisfólkið á Hjallatúni að færa morgunleikfimina út fyrir. Ekki er hægt að sjá betur en að allir njóti hreyfingarinnar í yndislegu veðri. Fleirir myndir.....
Ljósm.Guðl.Guðm.

26.06.2008 Rafbændur funda Jónas Erlendsson hefur auðsjáanlega verið á ferðalagi og sendir okkur myndir af mönnum og málefnum og núna austan af landi. Myndirnar voru teknar þegar rafbændur á landinu komu til aðalfundar á Egilsstöðum um síðustu helgi. Eftir fundinn var farið til Seyðisfjarðar og nýja virkjunin í Fjarðará skoðuð.
	Fleiri myndir...

	26.06.2008 Skógardagurinn mikli Mikið var um að vera í trjásafninu í Hallormstaðarskógi um síðustu helgi á afmælisdegi bændaskógræktar á Héraði. Var m.a. boðið var uppá kjöt af heilgrilluðum nautskrokki og ketilkaffi að hætti skógarmanna. Jónas Erlendsson tók myndirnar af því tilefni.
Fleiri myndir...

24.06.2008
Opinn landbúnaður í Fagradal

Með Opnum landbúnaði gefst almenningi tækifæri á að heimsækja bóndabæi og kynna sér þau störf sem unnin eru í sveitum landsins. Í Fagradal verður fiskeldið hjá Fagradalsbleikju ehf til sýnis helgin 28.-29. júní frá kl. 10-18 báða dagana. Vonumst til að sjá sem flesta.
Ábúendur Fagradal

23.06.2008
Minnismerki á gröf belgísku sjómannanna.

Í Víkurkirkjugarði eru leiði fimm belgískra sjómanna og til skamms tíma voru þau áberandi í þessum fagra og vinalega kirkjugarði þar sem mikil rækt er lögð við leiðin og umhverfi allt. Ekki að þau væru ósnyrtileg, heldur hitt að þau voru fimm samliggjandi og ómerkt.
Nú hefur sóknarnefndin í Vík látið gera látlaust minnismerki á gröf þeirra með nöfnum þeirra allra, fæðingarári og dánardægri.
Stutt athöfn fór fram að morgni 17. júní þar sem sóknarpresturinn í Vík, séra Haraldur M. Kristjánsson, minntist belgísku sjómannanna og fór með bæn.
Á neðri myndinni sjáum við Ögmund Ólafsson, Helgu Halldórsdóttur, sr. Harald, Áslaugu Vilhjálmsdóttur og Guðnýju Guðnadóttur.
Saga belgísku sjómannanna

Ljósm.Guðl.Guðm.

	23.06.2008 Alþjóðlegur prjónadagur Alþjóðlegi prjónadagurinn World wide knit in public (WWKIP) day var haldinn 14. júní s.l. og af því tilefni kom Mýrdælskt prjónafólk saman fyrir utan Hótel Lunda í Vík og prjónaði saman í góða veðrinu. Á myndinni sjáum við Tinna Elíasdóttir, ömmu hennar Svanhvíti Sveinsdóttir og Hörpu Jónsdóttur með prjónana á lofti.
Fleiri myndir...

	23.06.2008 Unglingarnir okkar fá frábæra dóma Hróður unglinganna okkar berst víða eins og heimasíða borgarbyggðar ber með sér. Á vegum umf Kötlu fór héðan fríður hópur 20 ungmenna í æfingabúðir í Borgarnes í fylgd Kristínar Marti þjálfara þeirra ásamt foreldrum sem aðstoðuðu við þjálfun ofl. Sjá nánar http://www.borgarbyggd.is/frettir/nr/73577/
Mynd: Indriði Jósafatsson

	23.06.2008 Svöðusár Myndin er tekin 16. júní s.l. af Jónasi Erlendssyni inni í Höfðabrekkuafrétti í Mýrdal en eins og hún ber með sér eru komin mjög ljót sár í jarðveginn á aurnum framan við Miðafrétt. Fleiri myndir.....

05.06.2008 Fjórhjólaklúbbur í heimsókn. Jónas sendi okkur þessar myndir sem hann tók um síðustu helgi þegar Fjórhjólaklúppur Suðurnesja var í heimsókn í Mýrdalnum. Þeir fengu leyfi til að vera á afmörkuðu svæði austan við Hjörleifshöfða á Mýrdalssandi. Eftir adrenalíninnspýtinguna var svo grillað á gamla hótelinu í Vík.
	Fleiri myndir...

Ferðafélag Mýrdælinga stendur fyrir kvöldgöngum í júní

Nánari dagskrá.....

16.06.2008
Þjóðhátíðarhöld
Ungmennafélagið Katla mun sjá um hátíðarhöld í Vík á þjóðhátíðardaginn. Dagskráin hefst á göngu undir leiðsögn Ferðafélags Mýrdælinga. Gengið verður frá Víkurkirkju og farinn svokallaður Grafargilshringur sem er um 2 tíma ganga. Guðþjónusta verður kl. 13:00 og að henni lokinni verður skrúðganga niður á íþróttavöll þar sem ýmislegt verður í boði.
Kaffisala verður í Leikskálum milli 15:30 og 17:30.
Frítt verður í sund milli 10 og 17.
Klukkan 18:00 mun Sr. Haraldur M. Kristjánsson blessa líkkæli sem komið hefur verið upp að Sunnubraut 15 og mun þá húsnæðið verða til sýnis.

05.06.2008
Gjöf til hmf Sindra

Dogsledding.is í Vík í Mýrdal (Hundasleðaferðir) sem eru í eigu Sigurðar Baldvinssonar og Lindu Lorange gáfu nú um s.l. helgi hestamannafélaginu Sindra þrjá hnakka og tíu kamba. Gjöfin kemur sér afar vel þar sem óvenju mikil ásókn er í reiðskóla hjá hestmannafélaginu þetta árið. 96 manns hafa skráð sig í skólann en á það skal bent að það er fimmti hluti íbúa hreppsins.
Hundasleðafeðir eru með ferðir á Mýrdalsjökli, en bjóða einnig upp á hundakerruferðir á Sólheimasandi.

Mynd: Jónas Erlendsson

02.06.2008
Endurbygging Deildarárskóla

Nýr grunnur að Deildarárskóla er í byggingu. Að sögn Sigurðar Hjálmarssonar voru grunnveggir steyptir s.l. sumar og í sumar á að steypa plötuna. Stefnt er að því að gera húsið fokhelt í haust ásamt því að lagfæra og koma fyrir snyrtingu sem Hermann Árna og Sigga, ávallt kennd við Heiði, gáfu félaginu. Grétar Einarsson í Þórisholti ætlar svo að leggja til rotþró.
Á árinu 2007 fékk félagið 500 þúsund krónur úr Fjallasjóði ÁTVR og 100 þúsund frá Kaupþingi banka.
Á þessu ári hefur félagið nú þegar fengið 800 þúsund krónur úr Pokasjóði og von er á 100 þúsund krónum frá Kaupþingi banka.
Sjá teikningu

Tiltektarvika og grillveisla

Eins og auglýst var í síðasta Vita er vikan 1. – 7. júní sérstök tiltektarvika í Mýrdalshreppi.
Vonast er til að íbúar taki höndum saman og hreinsi lóðir sínar og nánasta umhverfi þessa daga.
Tilvalið er að gera atlögu að hvönn og Spánarkerfli áður en þessir fallegu vágestir ná að þroska fræ.

Á fimmtudag og föstudag í þessari viku geta þeir íbúar í Vík sem ekki hafa tök á að fara með garðaúrgang á gámavöllinn, sett poka með slíkum úrgangi að gangstétt
og munu þá starfsmenn áhaldahúss fjarlægja pokana.

Veraldarvinir munu hjálpa til við hreinsun á opnum svæðum á föstudag og laugardag.

Laugardaginn 7. júní kl. 17:00 verður síðan slegið upp grilli við íþróttamiðstöðina til að fagna góðu verki. Boðið verður upp á pylsur og gos.

Umhverfis- og náttúruverndarnefnd Mýrdalshrepps

02.06.2008 H-Gæðalína Victor Berg Guðmundsson fyrrv. tómstundafulltrúi okkar Mýrdælinga sendi okkur þessa mynd af sér og vinnufélögunum. Þeir eru að vinna með nýja tækni við fóðrun neysluvatnslagna án þess að nokkuð rask eigi sér stað. Þeir hafa lokið við fyrstu tvö húsin og eru að byrja á blokkunum við Kirkjusand 1-5 í Reykjavík

Vikan 1. – 7. júní er sérstök tiltektarvika í Mýrdalshreppi.
Vonast er til að íbúar taki höndum saman og hreinsi lóðir sínar og nánasta umhverfi þessa daga. Veraldarvinir munu hjálpa til við hreinsun á opnum svæðum 6. – 7. júní. Laugardaginn 7. verður síðan slegið upp grilli til að fagna góðu verki.

Nánar auglýst á vef Mýrdalshrepps www.vik.is og í næsta Vita.

Umhverfis- og náttúruverndarnefnd Mýrdalshrepps.

22.05.2008
Vorverk Landgræðslunnar og Vegagerðarinnar

Jónas Erlendsson var á ferðinni og smellti nokkrum myndum af Árna Eiríkssyni sáðmanni hjá Landgræðslunni sem var að setja melgrasfræ í sáðvélina á Mýrdalssandi í vikunni. Verkefnið er samvinnuverkefni Landgræðslu ríkisins og Vegagerðarinnar til að hefta sandfok á þjóðvegi 1 yfir Mýrdalssand.

Fleiri myndir.....

19.05.2008
Sýslumaðurinn í Vík í 2. sæti

SFR - stéttarfélag í almannaþjónustu stóð fyrir, í þriðja sinn, að vali á Stofnun ársins. Könnunin náði til félagsmanna SFR á starfsskilyrðum þeirra og líðan á vinnustað. Ennfremur var öllum stofnunum ríkisins gefinn kostur á því að allir starfsmenn, óháð því í hvað stéttarfélögum þeir eru, gætu tekið þátt.
Lesa meira á slóðinni http://www.sfr.is/frettir/nr/832/

19.05.2008
Vorverkin

Jónas Erlendsson í Fagradal sendi okkur myndir sem voru teknar á sumardaginn fyrsta þegar hann var að koma áburðinum á tún. Fleiri myndir....

19.05.2008
Sauðburður í Fagradal

Sauðburður er nú langt kominn í Fagradal og voru aðeins 2 ær óbornar, föstudaginn 16. maí s.l. Sauðburður hefur gengið mjög vel og frjósemi í góðu meðallagi, 21 ær var einlemd 9%, 34 ær með þremur lömbum 15%, 2 ær með fjórum lömbum ca.1% og 75 % með tveimur lömbum.
100 ær áttu þá að meðaltali 208 lömb. Meðfylgjandi eru nokkrar myndir sem Jónas í Fagradal tók í fjárhúsunum.

Fleiri myndir...

Hin árlega sumarblómasala kvenfélags Hvammshrepps verður þriðjudaginn 3. og miðvikudaginn 4. júní n.k.
á bankaplaninu milli kl. 14 og 18 báða dagana
Sjá nánar auglýsingu í Vitanum

16.05.2008
Gjöf í flygissjóðinn

Í desember 2007 fagnaði Anna Björnsdóttir 60 ára afmæli sínu og af því tilefni ákvað hún að stofna sjóð, sem hefur það að markmiði að fjármagna kaup á flygli fyrir okkur Mýrdælinga.
Þann 14. maí s.l. var svo flygilsjóðnum færð góð gjöf til minningar um Guðjón Þorsteinsson en hann var mikll áhugamaður um tónlist og tónlistarlíf.
Það var eiginkona Guðjóns, Hrönn Brandsdóttir sem færði sjóðnum hundrað þúsund krónur í tilefni af því að hann hefði orðið áttræður þann 14. maí 2008 ef hann hefði lifað.
Að sögn Helgu Viðarsdóttir, sem er ein stjórnarkonum sjóðsins hafa þegar safnast 365.000 kr.

F.v. Magga Steina, Brandur, Hafsteinn og Brynja Guðjónsbörn, Hrönn Brandsd., Anna Björns, Helga V. og Kristín Ragnarsd.

16.05.2008
RKÍ Víkurdeild gefur hjálma

Sveinn Þorsteinsson formaður Rauðakrossdeildarinnar í Vík í Mýrdal, afhenti elstu börnum leikskólans Suður-Víkur í Vík reiðhjólahjálma sem gjöf frá RKÍ.
Jón Hlöðver Hrafnsson lögreglumaður fræddi krakkana um notkun hjálmanna og kenndi þeim að stilla festingarnar. Við þetta sama tækifæri útskrifaði leikskólinn elsta bekkinn en í honum voru 9 krakkar sem nú bíða spennt eftir að fara á næsta skólastig.

Fleiri myndir...

Óskar P., Örn Árna og Jónas Þórir í Leikskálum
föstudagskvöldið 30. maí n.k.

Lesa meira.....

Aðalfundur Ferðafélags Mýrdælinga verður haldinn
á Ströndinni í Víkurskála
sunnudaginn 1. júní 2008 kl. 20:30

Dagskrá:
Venjuleg aðalfundarstörf
Önnur mál.

Stjórnin

	Reyklaus Bekkur 2008
06.05.2008 Krakkarnir í 7. og 8. bekk grunnskóla Mýrdalshrepps ráðast ekki á garðinn þar sem hann er lægstur. Þau taka þátt í verkefninu Reyklaus bekkur og eru búin að leggja á sig mikla vinnu. Verkefnið er þríþætt: Þau opnuðu heimasíðuna http://gsm.ismennt.is/reyklaus/reykl%20fyrsta.htm þar sem þau gefa fólki fróðleik um skaðsemi reykinga. Þau setja upp leiksýningu (um óhollustu reykinga) og svo rennur stóra stundin upp þar sem þau blása til íþrótta- og ævintýradags mánudaginn 12. maí n.k. þ.e. annan í hvítasunnu. Með íþróttadeginum hvetja þau stóra og smáa til að hreyfa sig. Dagskrá íþróttadagsins... Frábært framtíðarfólk, unga fólkið í Mýrdalnum

Fundur um markaðs- og kynningarmál

Boðað er til fundar um markaðs- og kynningarmál í Leikskálum
miðvikudaginn 21. maí nk. kl. 15:30.
Tilgangur fundarins er að kanna hvort áhugi sé meðal hagsmunaaðila í Mýrdalshreppi að taka höndum saman um markaðs- og kynningarmál. Allir eru velkomnir.
Á fundinn mæta fulltrúar Atvinnuþróunarfélags Suðurlands.
Atvinnumálanefnd Mýrdalshrepps

	05.05.2008 Ferming í Skeiðflatarkirkju Sunnudaginn 27. apríl s.l. voru fermd 4 börn í Skeiðflatarkirkju. Á myndinni sjáum við f.v. Guðlaugu Lilju Sævarsdóttur, Vigdísi Evu Steinþórsdóttur, Ástþór Hermannsson, Sólon Helga Jóhannsson og sr. Haraldur M. Kristjánsson.
Ljósm. Halldóra Gylfadóttir

	05.05.2008 Sigurvegarar Raularans í pörtum. Raularinn "söngvarakeppni" var haldin að Höfðabrekku miðvikudagskvöldið 30. apríl s.l. með fríðu fylgi keppenda. Keppendur að þessu sinni voru Dizz, Í pörtum, Ljósin í bænum, Estrella, Kanslarinn og Kvaka Dú. Um 170 manns sóttu Höfðabrekku heim af þessu tilefni. Fleiri myndir....

	30.04.2008 Raularakaffi í Kaupþingi Í dag er Raularadagur og komið að hinu árlega "fermingarhlaðborði" þeirra Kaupþingskvenna. Vefstjórinn lét sig ekki vanta og smellti af nokkrum myndum í leiðinni. Fleiri myndir...

30.04.2008
Vaskir badmintonspilarar

Fyrir skömmu hittust badmintonhópar frá Hornafirði og Reykjavík á miðri leið, í Vík í Mýrdal, og spiluðu saman dagsstund. Reykjavíkurhópurinn er skipaður Hornfirðingum að stofni til auk ýmissa góðra félaga. Í Vík voru fyrir vaskir badmintonspilarar svo úr var þriggja hópa mót. Móttökur í Vík voru afar góðar svo og aðstaða öll til fyrirmyndar. Eftir mótið var farið í sundlaugina og heita pottinn.
Lesa meira...

Texti:
Gísli Sverrir

Tónleikar í Leikskálum

Tónleikar Tónskólans í Mýrdalshreppi verða haldnir í kvöld fimmtudagskvöld 15. maí kl. 20:00

Fram koma nemendur á píanó, fiðlu, klassískan gítar, þverflautu, harmóníku og söngnemendur.

Aðgangur ókeypis og allir hjartanlega velkomnir

Áætlað er að rokktónleikar Tónskólans
verði haldnir 22. maí n.k.

29.04.2008 ÍBV - ÍA á Víkurvelli Knattspyrnulið ÍBV og ÍA mætast í æfingaleik á Víkurvelli 1. maí kl. 14:00. Þetta er kjörið tækifæri til að viðra sig eftir Raularann og sjá þessi frábæru lið takast á. Víkurvöllur kemur vel undan vetri, er orðinn fallega grænn og tilbúinn fyrir sparkið. Meistaraflokkur Fram var hér við æfingar um síðustu helgi.

Víkurkirkja í Mýrdal Guðsþjónusta verður í Víkurkirkju í Mýrdal, nk. hvítasunnudag 11. maí 2008 kl. 14:00. Samkór Mýrdælinga syngur. Organisti og stjórnandi er Kitty Kovács. Fjölmennum Sóknarprestur
	Ljósm. Sævar Jónasson http://flickr.com/photos/saevarjo

28.04.2008
Minkur á ferð?

Sigurður Hjálmarsson sendi þessar myndir sem hann tók einn morguninn af dauðum tjaldi. Sigurður velti því fyrir sér hvort minkurinn væri hér valsandi um þar sem honum hefði borist til eyrna að um fleiri dauða fugla væri að ræða.

18.04.2008
Endurskinsvesti í Leikskólann Suður-Vík

Á dögunum færði Víkurdeild Rauða kross Íslands leikskólanum Suður - Vík ný endurskinsvesti að gjöf.
Hér sést hluti af Appelsínuhóp í nýju vestunum, tilbúin að leggja af stað í Íþróttamiðstöðina, þar sem þau stunda íþróttir einu sinni í viku.
Á myndinni eru Sæmi, Eva, Þórhildur, Birnir, Sólbjörg og Vignir.

Ljósmyndasýning Jónasar

Jónas Erlendsson Fagradal í Mýrdal sýnir ljósmyndir í Remfló nýrri verslun á Selfossi. 10 myndir sem hann hefur tekið af atburðum, mannlífi og dýrum tengdu landbúnaði. Jónas er starfandi sauðfjárbóndi, á og rekur jafnframt Fagradalsbleikju ehf.
Jónas hefur um nokkurt árabil verið fréttaritari Morgunblaðsins og er mikill áhugamaður um ljósmyndun.
Myndirnar eru allar til sölu og eru teknar á Canon 5D myndavél.

Raularinn 2008
Meira....

30.04.2008
Heyrst hefur......
að umboðsmaður Íslands hafi mætt á "general" prufu Raularans í gærkvöldi og haldi hvorki vindi né vatni yfir ótrúlegum sönghæfileikum Mýrdælinga.
Engir samningar eru þó í höfn en haft er eftir talsmanni hans að nær örugglega náist að undirrita 2 samninga í kvöld á Raularanum, þó vill hann ekki gefa upp hvaða stjörnur um er að ræða þar sem aðrir umboðsmenn séu á leið til Íslands.
Umboðsmaðurinn hefur þó af því þungar áhyggjur hvaða áhrif heimsathygli muni hafi á hæverska Mýrdælinga.

"Sel það ekki dýrara en ég stal því ".......

	16.04.2008 Elvar Orri er íþróttamaður ársins 2007 og Björk er efnilegust íþróttamanna 2007 Á 38. sambandsþingi USVS (Ungmennasamband Vestur-Skaftfellinga) þann 29. mars s.l. var valinn íþróttamaður ársins 2007 og efnilegasti íþróttamaður ársins 2007. Að þessu sinni voru tilnefnd í íþróttamann ársins þau: Arnar Snær Ágústsson umf Drangi, Elvar Orri Jóhannsson frá umf Dyrhólaey og Harpa Ósk Jóhannesdóttir umf Skafta. Elvar Orri Jóhannsson hlaut titilinn íþróttamaður ársins og er vel að titlinum kominn. Í efnilegasta íþróttamanninn voru tilnefnd þau: Ármann Daði Gíslason frá umf Skafta, Björk Smáradóttir frá umf Drangi og Magdalena Katrín Sveinsdóttir frá umf Drangi. Það var svo Björk Smáradóttir sem hampaði titlinum efnilegasti íþróttamaðurinn.
Elvar og Björk

Flottur hópur

10.04.2008
Nýr framkvæmdastjóri AÞS

Sædís Íva Elíasdóttir ráðgjafi AÞS úr Vík í Mýrdal, tók við stöðu framkvæmdastjóra Atvinnuþróunarfélags Suðurlands mánudaginn 7. apríl s.l. úr hópi 27 umsækjenda.
Sædís Íva er fædd í Reykjavík 1967 og er rekstrarfræðingur frá Viðskiptaháskólanum á Bifröst og viðskiptafræðingur MBA frá HÍ.

Lesa meira.....

09.04.2008
Ferming í Víkurkirkju

Sunnudaginn 6. apríl s.l. voru fermd 5 börn í Víkurkirkju. Víkin skartaði sínu fegursta í tilefni dagsins og fengu fermingarbörnin góðan dag til minningar.
Á myndinni sjáum við í efri röð f.h. sr. Harald M. Kristjánsson, Birki Grétarsson, Ingibjörgu Matthíasdóttur og Magdalenu Katrínu Sveinsdóttur. Í neðri röð f.v er Ragnar Kristinsson og Jóna Þórey Árnadóttir.

Ljósmynd
Kristín Marti Kasparsd.

Dagur umhverfisins 25. Apríl.

Umhverfisráðuneytið hefur ákveðið að þema dagsins sé vistvænn lífsstíll. Ráðuneytið hvetur alla landsmenn til að hugleiða hvernig breyta má daglegu lífi til vistvænni lífsstíls.

Lesa meira....

Fermingarguðsþjónusta verður í Skeiðflatarkirkju, nk. sunnudag 27. apríl 2008 kl. 13:30 Fermd verða: Ástþór Hermannsson, Gilsbakka 5, 860 Hvolsvelli. Guðlaug Lilja Sævarsdóttir, Brekkum 4, 871 Vík. Sólon Helgi Jóhannsson, Eyjarhólum, 871 Vík. Vigdís Eva Steinþórsdóttir, Ási, 871 Vík Samkór Mýrdælinga syngur. Organisti Kitty Kovács . sóknarprestur

í Leikskólanum Suður-Vík

Lesa meira.....

	Kór Menntaskólans við Hamrahlíð fer syngjandi um Suðurland dagana 19. - 21. apríl n.k. Nánari dagskrá.....

	16.04.2008 is Fallegur sunnudagur í apríl. Þegar Jónas Erlendsson sendir okkur myndir af landslaginu sem er nánast við bæjardyrnar okkar fyllist ég stundum lotningu og hugsa um hvað ég er heppin að njóta þeirra forréttinda að búa við þessa náttúrufegurð. Sjón er sögu ríkari.....
Fleiri myndir...

16.04.2008

Þar sem sumarleyfi og síðan veikindi vefstjóra hömluðu frétta- og atburðaflutningi á vik.is verður farið í það að fullum krafti að vinna það efni er okkur hefur borist.
Fréttaþyrstir eru beðnir afsökunar og verður nú gerð bragarbót á.
Með bestu kveðju
Inger

10.04.2008
Aðalfundur RKÍ haldinn í Vík 2009

Á aðalfundi Víkurdeildar Rauða kross Íslands 20. febrúar s.l. var kynnt að aðalfundur Rauða kross Íslands árið 2009 verði haldinn í Vík.
Sveitarstjórn Mýrdalshrepps fagnar þessum áformum og tekur jákvætt í að ljá afnot af húsnæði sveitarfélagsins til fundarhaldanna og bjóða til hádegisverðar.
Á fundinum 20. febrúar s.l. kynnti sveitarstjóri áform um endurbyggingu þjónustustöðvar sveitarfélagsins þar sem gert er ráð fyrir nýju húsnæði fyrir sjúkrabíl RKÍ.

	Hamrahlíðarkórinn í Víkurkirkju Guðsþjónusta verður í Víkurkirkju í Mýrdal, sunnudaginn 20. apríl nk. kl. 11:00. Kór Menntaskólans við Hamrahlíð, sem er á ferð um Suðurland þessa helgi, annast söng og messusvör auk þess sem hann leiðir almennan söng kirkjugesta. Stjórnandi er Þorgerður Ingólfsdóttir. Nær allur söngur í guðsþjónustunni verður án undirleiks (agapella) Lesa meira...

Tónskóli Mýrdælinga auglýsir:

Tónleikar í Leikskálum fimmtudaginn 10. apríl kl. 20:00

Fram koma nemendur á píanó, fiðlu, klassískan gítar,
þverflautu og harmoníku auk söngnemenda.
Aðgangur ókeypis og allir velkomnir

Minnum á
Hundahreinsun í Mýrdalshreppi

Í samræmi við 3. gr. reglugerðar um ormahreinsun hunda nr. 837/1999
og samþykkt Mýrdalshrepps um hundahald í Mýrdalshreppi nr. 319/2000
eru hundaeigendur boðaðir með hunda sína til hreinsunar
miðvikudaginn 16. apríl nk. kl. 17:00-18:30
í áhaldahúsið, Suðurvíkurvegi 3

Sveitarstjóri

	19.03.2008 "Mýrdalssandur Space Center" "Það kemur mörgun á óvart að heyra að franskir vísindamenn hafi skotið fjórum eldflaugum út í geiminn frá Íslandi fyrir rúmlega fjórum áratugum. Út í geiminn? Já, og meira að segja í 440 km hæð "Sumarið 1964 settu frönsku vísindamennirnir frá CNES (Centre National d'Etudes Spatiales) upp búðir sínar á Mýrdalssandi á móts við Höfðabrekku og skutu upp tveim eldflaugum". Þetta er úrdráttur úr áhugaverðri grein Ágústar H. Bjarnasonar verkfræðings. Ágúst heldur úti bloggsíðunni http://agbjarn.blog.is/blog/agbjarn/#entry-477982 og þar má finna ýmsa forvitnilega hluti.

	Skaftfellingamessa í Breiðholtskirkju var haldin sunnudaginn 9. mars s.l. Þar þjóna Sr. Bryndís Malla Elídóttir sem áður þjónaði á Klaustri og Sr. Gísli Jónsson prófastur sem áður þjónaði í Vík. Að austan kom sr. Haraldur M. Kristjánsson sóknarprestur og prófastur í Vík og Sr. Ingólfur Hartvigsson á Klaustri ásamt kirkjukórunum í Vestur-Skaftafellssýslu.
Lesa meira...		Myndir...

Sævar Jónasson tekur frábærar ljósmyndir.
Sjá nánar á heimasíðu hans

http://flickr.com/photos/saevarjo

Ragna í Fagradal málar skemmtilegar myndir
sjá nánar á

04.03.08
Þórisholtsbændur hljóta landbúnaðarverðlaun

Búnaðarþing var sett um síðustu helgi við hátíðlega athöfn í Súlnasal Hótels Sögu. Setningarathöfnin fór fram undir yfirskriftinni "Að lifa af landsins gæðum" og hófst með ræðum þeirra Haraldar Benediktssonar formanns Bændasamtaka Íslands og Einars Kr. Guðfinnssonar sjávarútvegs- og landbúnaðarráðherra.

Þá veitti Einar Kr. Guðfinnsson sjávarútvegs- og landbúnaðarráðherra ábúendum fjögurra jarða Landbúnaðarverðlaunin 2008.
Þau eru viðurkenning til þeirra sem á einn eða annan hátt tengjast landbúnaði og hafa sýnt áræðni og dugnað í verkum sínum og framkvæmdum.
Landbúnaðarverðlaun hlutu í ár bændurnir á Stað og Árbæ í Reykhólasveit, ábúendur í Þórisholti í Mýrdal og Möðrudal á Efra-Fjalli.
Verðlaunagripirnir eru hannaðir af Ívari Björnssyni gullsmið og gerðir úr silfri og íslensku grjóti.

Halla, Guðni, Grétar og Sædís Íva í Þórisholti

29.02.2008
Háir skaflar blöstu við Petru Kristinsdóttur sundlaugarverði þegar hún mætti til vinnu í íþróttamiðstöðina s.l. föstudag, en sama dag var skólahaldi aflýst vegna veðurs.
Athugandi væri að fara í gufu og velta sér svo upp úr snjónum að hætti finna.

Kirkjuskóli og messuhald
í Mýrdalshreppi

03.03.2008 Vetur konungur minnti rækilæga á sig í gær sunnudag og þar með að hann væri nú ekki alveg búinn að sleppa klónum. Jónas dreif sig nú samt út og tók þessar myndir. Mikil snjóþyngsli eru í Vík og gengur snjómokstur vel.
	Fleiri myndir

22.02.2008
Tunglmyrkvi

Jónas Erlendsson vakti eftir tunglmyrkvanum sem varð aðfaranótt fimmtudags og uppskar þessar frábæru myndir.

Tunglmyrkvi er ekki eins og sólmyrkvi, þegar hrein og skýr tunglskífa gengur fyrir sólu. Vegna eðlismunar milli sólar, jarðar og tunglsins, þá er skugginn af jörðinni á
tunglið "óhreinn" ef svo mætti að orði komast. Geislar sólarinnar sem sleikja yfirborð jarðar fara í raun í gegnum lofthjúp hennar með þeim afleiðingum að blátt litróf ljósins sundrast í allar áttir en rauðu geislarnir halda áfram.
Tekið af vef Finns Malmquist.
Lesa meira http://finder.blog.is/blog/finder/entry/101969/

Solla í Himneskri hollustu, matarhönnuður og frumkvöðull í heilsumatargerð á Íslandi, ætlar að koma til okkar og halda grænmetisnámskeið í Vík
þriðjudaginn 25. mars n.k. kl. 17:30
Hún kennir m.a. skynsamlega leið til að breyta matarræðinu, heilsusamlegar eldunaraðferðir, sykurlausa eftirrétti ofl. ofl.
Námskeiðsgjald 5.000 kr. (sama verð og í Rvík)
Sjá nánar í Vitanum 5. mars s.l.

Unnur
s: 486-1600 & 896-8884

31.03.2008
Sorphirða fellur niður í dag
Vegna veikinda fellur sorphirða niður í dag. Beðist e r velvirðingar á óþægindum sem þetta kann að valda.

	Kirkjuskólinn verður með síðustu samveru vetrarins í Grunnskóla Mýrdalshrepps, laugardaginn 15. mars 2008, kl. 11:15 Nýjar bækur með skemmtilegum myndum og fróðlegum texta. Verið nú dugleg að mæta. Sóknarprestur
Kirkjuskólinn í Mýrdal

Framtíðarstarf í Íþróttamiðstöðinni í Vík
Meira...

Aðalfundur umf Dyrhólaeyjar verður haldinn að Ketilsstöðum, fimmtud. 13 mars. kl. 20,00.
Venjuleg aðalfundarstörf
Sameining umf Dyrhólaeyjar og umf Drangs.
Fjölmennum á fund
Stjórnin

Umf Drangur/Dyrhólaey

Stofnfundur sameinaðs ungmennafélags Drangs og Dyrhólaeyjar verður mánudaginn 17. mars n.k. kl. 20:00 í Leikskálum
Mætum öll

Dagskrá

Kökubasar

Kvenfélag Dyrhólahrepps verður með árlegan kökubasar föstudaginn 14. mars í Leikskálum
kl. 13:00 - 15:30

Félagskonur

B I N G Ó
Hið árlega páskaeggjabingó kvenfélags Hvammshrepps verður í Leikskálum þriðjudaginn 18. mars n.k. kl. 20:00
Glæsilegt úrval páskaeggja
Nefndin

			Sérstæðar hugmyndir sækir Jón Adolf gjarnan í norræna goðafræði en ekki síst í þjóðlífið sjálft, þar sem tækni,vandvirkni og einstakt formskyn njóta samræmis. Mörgum finnst sterkustu sérkennin að finna í trjárótarverkunum. (Tekið af heimasíðu JAS)
	20.02.2008 Listamenn leynast víða Þau munduðu hnífana af einbeitni nemendur Jóns Adolfs Steinólfssonar, tréútskurðarmeistara, þegar vefstjórinn leit við í stutta heimsókn. Handverkshúsið stóð fyrir tréútskurðarnámskeiði helgina 16. og 17. febrúar s.l. sem haldið var í verkmenntahúsi grunnskólans. Unnið var með linditré sem er mjúkur viður og góður til útskurðar. Jón Adolf er listamaður af Guðs náð. Það sést vel þegar skoðuð er heimasíða hans http://www.jonadolf.com Jón Adolf kveikti neistann sem til þurfti og er fyrirhugað framhaldsnámskeið n.k. haust.

Hugmyndasamkeppni
Í tilefni af fyrirhugaðri sameiningu ungmennafélaganna í Mýrdalshreppi

Lesa meira....

Skaftfellingamessa í Breiðholtskirkju
sunnudaginn 9. mars n.k. kl. 14:00 þar sem allir kirkjukórar Vestur-Skaftafellssýslu, Skaftfellingakórinn í Reykjavík og kór Breiðholtskirkju annast söng.
Að lokinni messu selur Söngfélagið kaffi og kökur í safnaðarheimilinu og flytur nokkur lög undir stjórn Friðriks Vignis Stefánssonar.
Allir Skaftfellingar hvattir til að mæta.

Haraldur M. Kristjánsson
prófastur

Aðalfundur umf Drangs verður haldinn í Leikskálum
laugardaginn 08.03.2008 kl. 15:00

Fjölmennum

Stjórnin

Mynd: Sunnlenska

Tónleikar 9. mars n.k.
Stórsveit Suðurlands heimsækir okkur Mýrdælinga ásamt tveimur af bestu jazzsöngkonum landsins, þeim Kristjönu Stefánsdóttur og Guðlaug Dröfn Ólafsdóttur, og heldur tónleika í Leikskálum sunnudagskvöldið 9. mars n.k. kl. 20:30
Stórsveitin er skipuð tónlistarfólki sem tengist Suðurlandi á einhvern hátt og hefur áhuga á stórsveitartónlist. Stjórnandi sveitarinnar er Vignir Þór Stefánsson.
Lesa meira.....

Ljósm. Guðrún Hildur Kolb.

Helgihald í Víkurprestakalli veturinn 2007-2008
Seinni hluti

	09.01.2008 Anna "okkar" Björnsdóttir stofnar flygilsjóð Í tilefni af 60 ára afmæli sínu þann 26. desember s.l. stofnaði Anna Björns sjóð sem hefur það að markmiði að fjármagna kaup á flygli fyrir okkur Mýrdælinga. Stofnuð hefur verið bók í Kaupþingi Banka: 0317-13-300380 kt: 420269-6689 Lesa meira...

Húseigendur í Vík í Mýrdal eru minntir á að hreinsa frá sorpílátum.
Sorphreinsun fer fram eftir hádegi í dag mánudag 3. mars.

Sveitarstjóri

	15.02.2008 Áheitasundmaraþoni OZ lokið og 50 km urðu að 65,2 km Krakkarnir í Félagsmiðstöðinni OZ í Vík söfnuðu fé í ferðasjóð með sundmaraþoni sem hófst kl. 14:30 í gær. Í fyrstu var reiknað með að því lyki um kl. 01:30 í nótt en þau fóru töluvert fram úr sjálfum sér og var reiknað með að klára um miðnættið. Hópnum var skipt upp í 4ra manna hópa og synti hver hópur í hálftíma. Þeir allra hörðustu náðu 70 ferðum á hálftíma. Hver hópur synti svo 3svar sinnum. 21 nemandi, þ.e. allir krakkar úr 8. 9. og 10. bekk Grunnskóla Mýrdalshrepps tóku þátt en þau settu markið á 50 km. Samtals syntu krakkarnir 3893 ferðir í lauginni sem gera 65,2 km. Einstaklingar og fyrirtæki styrkja maraþonið og sögðu krakkarnir að það hafi verið tekið vel á móti þeim þegar þau söfnuðu áheitum. Söfnun þessi er aðallega hugsuð til styrktar ferðasjóði vegna Samfés 2008. Fleiri myndir.... Ljósm. Sig.Hjálmarsson Texti SH/IS

Fjölskylduguðsþjónusta í Víkurkirkju
á Æskulýðsdegi Þjóðkirkjunnar, nk. sunnudag, 2. mars, kl. 14:00.
Sungnir verða léttir og skemmtilegir sálmar og söngvar.
Kitty Kovács leikur á orgelið.
Kirkjuskólabörn, fermingarbörn og foreldrar sérstaklega hvött til að mæta.
Sóknarprestur

Framtíðarstarf í Mýrdalshreppi

Íþrótta og tómstundafulltrúi

	07. febrúar 2008 Vel heppnað öskuball félagsmiðstöðvarinnar OZ Frábær þátttaka var á árlegu öskuballi félagsmiðstöðvarinnar OZ. Börn og fullorðnir skemmtu sér konunglega og eins og fyrri ár var mikið lagt í búninga og hönnun. Dugmiklir unglingar í 8. - 10. bekk sáu um dagskránna sem var fjölbreytt og skemmtileg. Magdalena Katrín og Ólöf Lilja sungu m.a. Þetta árið var slegið úr tveimur tunnum. Ein tunna var fyrir 9 ára og yngri og svo var tunna fyrir þau eldri. Svanhvít M. Sveinsdóttir f.h. Kvenfélags Hvammshrepps færði félagsmiðstöðinni styrk að upphæð 50.000 kr. Vefritari las í dagblöðum á öskudag að heimatilbúnir búningar væru nánast að líða undir lok. Við vitum betur, því að eftir því er tekið ár eftir ár að nýir búningar líta ávallt dagsins ljós á öskuballi í Vík.

Fleiri myndir....

	01.02.2008 Svart og hvítt Myndirnar eru teknar í gær af Jónasi Erlendssyni í Víkurþorpi. En í sunnan og suðvestan áttum síðustu daga þefur mikið af sandi úr Víkurfjöru gengið inn yfir suðurhluta Víkurþorps. Fleiri myndir....

Víkurkirkja í Mýrdal

Guðsþjónusta verður í Víkurkirkju n.k. sunnudag, 17. febrúar 2008, kl. 14:00.
Kórar Víkur- og Skeiðflatarkirkna syngja undir stjórn Kitty Kovács organista.
Fermingarbörn og foreldrar sérstaklega hvött til að mæta.
Sóknarprestur

Menningarráð Suðurlands auglýsir viðveru menningarfulltrúa vegna úthlutunar á menningarstyrkjum vorið 2008

Viðtalstímar menningarfulltrúa, Dorothee Lubecki

Kirkjubæjarklaustur, fimmtudaginn 14. febrúar nk. á hótelinu , kl. 15:00, opinn fundur um menningarmál kl. 16:00
Vík í Mýrdal, miðvikudaginn 20. febrúar kl. 11:00-12:30 á hreppsskrifstofu

Einnig er hægt að hafa samband í síma 480-8207 / 896-7511 eða með netpósti: menning@sudurland.is

Frekari upplýsingar og eyðiblöð eru á heimasíðu www.sudurland.is

Munum eftir
að gefa
smáfuglunum

	31.01.2008 Uppsveitabrosið 2007 til Víkur Uppsveitabrosið 2007 var afhent sl. miðvikudag. Það voru tvær konur sem hlutu brosið að þessu sinni, þær Steingerður Hreinsdóttir og Sædís Íva Elíasdóttir, ráðgjafar hjá Atvinnuþróunarfélagi Suðurlands. Uppsveitabrosið fá þær m.a. fyrir framúrskarandi samvinnu. “Uppsveitabrosið” er viðurkenning sem veitt er árlega einstaklingi eða fyrirtæki. Bros frá Uppsveitunum til þeirra sem hafa lagt ferðaþjónustunni á svæðinu lið á jákvæðan uppbyggilegan hátt og stuðlað að samvinnu. Markmiðið er að senda út jákvæð skilaboð og vekja athygli á því sem vel er gert. Tekið af vef sveitir.is Sjá nánar....

Áheitasundmaraþon OZ

Í dag, fimmtudaginn 14. febrúar 2008 er áheitasundmaraþon hjá Félagsmiðstöðinni OZ. Maraþonið felst í því að krakkarnir ætla að skiptast á að synda stanslaust og reyna að synda minnst samtals 50 km.
Áheitasundmaraþonið fer fram í sundlauginni í Vík.
Áætlað er að krakkarnir syndi minnst samtals um 50 km. án þess að slíta keðjuna.
Tilefnið er söfnun í ferðasjóðinn. Mýrdælingar tóku vel á móti krökkunum þegar þau gengu hús og söfnuðu áheitum.
Stöndum saman og styðjum við bakið á krökkunum okkar!

Victor Berg Guðmundsson
Íþróttafulltrúi
http://oz.xblogg.is

	30.01.2008 Vel blótað í Leikskálum Þorrablót Víkurbúa og vina var haldið í Leikskálum í Vík 26. janúar s.l. Þema blótsins var N1 / Orkan (Enn Eitt Orkublótið) Vikurnar fyrir blótið var þó búið að kynda undir Mýrdælingum með 3 tbl. af Víkurbirtingi. Af mörgu var að taka eins og svo oft áður og "er þetta mikilvæg samkoma í samfélaginu, því að þarna eru málin gerð upp og gagnrýnd á léttum nótum" er haft eftir formanni þessa blóts Önnu Birnu Þráinsdóttur, sýslumanni. "Þorrablótin eru alltaf skemmtileg og góðir gestir gera gott blót. Enginn fór þó af þessu blóti stórslasaður eða stórmóðgaður" segir formaðurinn enn fremur og bætir svo við að starf í þorrablótsnefnd sé hollt, gott og gaman og allir leggi þannig sitt af mörkum. Þorrablótsnefnd 2009 skipa...... Fleiri myndir.......
Ljósm. Sig.H.		Ljósm. Sig.H. Salurinn

Ljósm.Sig.H. Nefndin		Ljósm. Jónas E

ÖSKUBALL OZ
Meira.....

24.01.2008 "12 prósent Víkurbúa sóttu skyndihjálparnámskeið" Þannig birtist fyrirsögn á vef rki.is þann 22. janúar s.l. Lesa meira.....
Ljósmyndir: Sig. Hjálmarsson

Tréútskurður Grunnnámskeið
Námskeið í Vík
Fyrirhugað er að halda tréútskurðarnámskeið
á vegum Handverkshússins,
helgina 16.- 17. febrúar n.k. frá kl. 10 - 16 báða dagana (hádegishlé)

Leiðbeinandi er Jón Adolf tréútskurðarmeistari
http://www.jonadolf.com

Nánar...

30.01.2008 Þorrablót Skaftfellingafélagsins í Reykjavík Laugardaginn 26. janúar s.l. var haldið Þorrablót hjá Skaftfellingafélaginu í Reykjavík. Fullt var á blótinu, um 150 manns, sem mættu úr báðum sýslum. Fyrst var borðaður hefðbundin þorramatur með tilheyrandi drykkjum og síðan stigu á stokk Davíð Ólafsson og Stefán Íslandi og fóru með söng og gamanmál. Einnig fengu þeir formann og gjaldkera félagsins til að taka því í erfiðust köflunum !!! Að skemmtidagskrá lokinn spiluðu og sungu Hilmar Sverrisson og Helga Möller fyrir dansi. Texti og myndir: Helgi frá Fossi á Síðu Fleiri myndir....

	Víkurkirkja í Mýrdal Guðsþjónusta verður í Víkurkirkju sunnudag í föstuinngangi, 3. febrúar 2008, kl. 14:00. Organisti er Kitty Kovács. Söng annast kirkjukórar Víkur- og Skeiðflatarkirkna. Fjölmennum. Fermingarbörn og foreldrar sérstaklega hvött til að mæta. Sóknarprestur
Ljósm. Guðrún Hildur Kolb.

Áheitasundmaraþoni OZ frestað vegna veðurs.

Nánari upplýsingar síðar...

22.01.2008 Arftaki Harry Potters! Hvað skyldu Harry Potter og Sigurður Baldvinsson lögreglumaður hér í Vík eiga sameiginlegt? Jú, þeir eiga báðir uglu að vini. Ekki fylgir þó sögunni hvort Siggi noti ugluna til póstsendinga í lögregluumdæminu. Vinskapurinn hefur staðið síðastu 2 ár, og er uglan farin að sækja heim á pallinn að Austurveginum. Upphaflega voru þær þrjár að sögn Lindu Lorange, sambýliskonu Sigurðar, en eitthvað hefur grynnkað í stofninum. Þessi hinsvegar virðist vera honum mjög trú. Einn daginn fór hann upp að kirkju ásamt Guðmundi lögreglumanni á Klaustri, og prófaði að kalla á ugluna. Og viti menn, eftir örlitla stund var hún mætt til hans. Eitthvað er semsagt að fjölga dýrategundum á Austurveginum.
Ljósmyndir: Sigurður B. Baldvinsson

Áheitasundmaraþon OZ

Helgina 25-26. janúar 2008 er áheitasundmaraþon fyrirhugað hjá Félagsmiðstöðinni OZ. Tilefnið er söfnun í ferðasjóðinn. Maraþonið felst í því að krakkarnir ætla að skiptast á að synda stanslaust og reyna að synda minnst samtals 50 km.

Áheitasundmaraþonið fer fram í sundlauginni í Vík. Áætlað er að krakkarnir syndi minnst samtals um 50 km. án þess að slíta keðjuna. Miðvikudaginn 23. og fimmtudaginn 24. janúar munu krakkarnir ganga í hús og safna áheitum.
Stöndum saman og styðjum við bakið á krökkunum okkar!

Victor Berg Guðmundsson
Íþróttafulltrúi
http://oz.xblogg.is

			Ljósmyndari: Guðrún Hildur Kolbeins Fleiri ljósmyndir.....
22.01.2008 Lögbirtingablaðið 100 ára. Þann 2. janúar s.l. voru 100 ár frá því að fyrsta tölublað Lögbirtingablaðsins var gefið út. Af því tilefni hélt starfsfólk Lögbirtingablaðisins og sýsluskrifstofunnar afmælisveislu föstudaginn 18. janúar s.l. Talið er að gestir hafi verið um 100 í heildina. Fyrri hluta dags var það aðallega heimafólk sem kom við og gæddi sér á kaffi og köku. Seinnipart dagsins streymdu síðan að boðsgestir; dómsmálaráðherra, fjármálaráðherra og starfsfólk úr dómsmálaráðuneyti, Gutenberg, sýslumannsembættinu á Hvolsvelli og víðar og sveitarstjórnarmenn. Ræða Björns Bjarnasonar http://www.bjorn.is/greinar/nr/4324 Fréttatilkynning http://www.domsmalaraduneyti.is/frettatilkynningar/nr/6383

Aðalskipulag Mýrdalshrepps
Mánudaginn 21. janúar 2008 verður haldin kynningarfundur um tillögu að aðalskipulagi Mýrdalshrepps 2005-2025. Fundurinn verður haldinn í Félagsheimilinu Leikskálum í Vík og hefst kl. 20.00.
Allir eru velkomnir.

Sveitarstjóri Mýrdalshrepps

	Grunnskóli Mýrdalshrepps, Vík í Mýrdal Aðstoðarskólastjóri Laus er til umsóknar staða aðstoðarskólastjóra vegna fæðingarorlofs frá 1. febrúar 2008 til eins árs.
Grunnskóli Mýrdalshrepps er fámennur skóli með um 70 nemendur í 1. -10.bekk. Í skólanum er góður starfsandi og öflugt starfslið. Aðaláherslur í skólastarfinu eru á mannrækt og umhverfi, unnið er að innleiðingu Uppeldis til ábyrgðar, unnið markvisst með einstaklingsmiðað nám og skrefin sjö að Grænfánanum. Skólinn er þátttakandi í verkefni Lýðheilsustöðvar Allt hefur áhrif einkum við sjálf. Heimasíða skólans er http://gsm.ismennt.is Nánari upplýsingar gefa : Skólastjóri Kolbrún Hjörleifsdóttir í síma 487 1242/866 7580 netfang: kolbrun@ismennt.is Sveitarstjóri Sveinn Pálsson í síma 487 1210 netfang: sveitarstjori@vik.is Umsóknarfrestur er til 20. janúar 2008 Yfirlit yfir nám og störf auk meðmæla skulu fylgja umsókn.

21.01.2008
Víkurbúar athugið!

Sorp er hirt í Víkurþorpi í dag mánudag.
Vinsamlegast mokið frá sorpílátum.

Ögmundur Ólafsson ehf.,
892-9726

18.01.2008
Opið hús hjá Íslandsvinum.

Það verður “opið hús” hjá ferðaskrifstofunni Íslandsvinum, Reykjavíkurvegi 64 Hafnarfirði, á morgun laugardaginn 19. janúar milli kl. 13 og 17.
Þar verða kynntar þær skíða-, göngu- og hjólaferðir sem í boði eru á þessu ári.

Lesa meira...

Það á afmæli..........

Lögbirtingablaðið 100 ára
og af því tilefni býður starfsfólkið til
afmælisveislu

Lesa meira.....

	28.12.2007 Sjaldséðir hvítir..... Þórir Kjartansson náði þessum myndum í síðustu viku. Þetta er Kúhegri, suðlægur fugl og er næst okkur við Miðjarðarhaf, og hefur aðeins sést einu sinni áður á Íslandi. Von var á hópi af fuglaáhugamönnum til Víkur til að reyna að sjá og mynda gripinn.

Íbúðir fyrir 50 ára og eldri rísa við Hátún í Vík í Mýrdal.

Lýsing: Húsin eru raðhús með þremur íbúðum og eru íbúðinar misstórar.
Í suðurendanum er stærsta íbúðin 103,4 m2, miðju íbúðin er 89,8 m2 og norðurendinn er 90,4 m2.
Íbúðirnar afhendast fullbúnar að utan sem innan og lóð þökulögð.
Þessar íbúðir eru skilgreindar sem þjónustuíbúðir fyrir 50 ára og eldri og er eftirfarandi þjónusta í boði gegn gjaldi:

* Öryggishnappur sem tengdur er við dvalarheimilið Hjallatún, þar sem vaktmaður er allan sólarhringinn
með beinan aðgang að lækni.
* Matur frá Hjallatúni, annað hvort heimsending eða í matsal.
* Þrif á íbúðum.
* Þvottur.

Meira....

Nánari upplýsingar og byggingarlýsing hjá VíkurHúsum.
Jóhann Vignir Hróbjartsson
Húsasmíðameistari
Sími 897 7737

Sundlaugin komin í lag

Skyndihjálp IV í Leikskálum í Vík
RKÍ - Víkurdeild hefur ákveðið að halda skyndihjálparnámskeið sem er ætlað öllum þeim sem vilja læra skyndihjálp og endurlífgun og öðlast öryggi, færni og þekkingu í að veita nærstöddum aðstoð í bráðatilfellum.

Meira.....

Þrettándabrenna í Vík

Félagar í bjsv Víkverja stóðu fyrir brennu á þrettándanum þar sem gamlársbrennunni var frestað vegna veðurs. Einar Bárðarson form. sveitarinnar var brennustjóri og Framrás ehf styrkti brennuna með kveikjulegi.

Fundarboð

Guðni Ágústsson og Bjarni Harðarson þingmenn Framsóknarflokksins í Suðurkjördæmi boða til súpufundar í Víkurskála,
föstudaginn 11. janúar 2008 kl. 12:00-13:00

Allir velkomnir

Þessa daga er unnið hörðum höndum við að opna sundlaugina okkar að nýju.
Tilkynning um opnun verður send út með dreifibréfi

ÍÞRÓTTAMIÐSTÖÐIN Í VÍK
Viðskiptavinir athugið!

Íþróttamiðstöðin lokar kl. 12:00 sunnudaginn 13. janúar vegna skyndihjálparnámskeiðs starfsmanna.
Victor Berg Guðmundsson
Íþróttafulltrúi

Með þessari frábæru mynd sem Jónas í Fagradal sendi
óskar Mýrdalshreppur/Vik.is öllum gleðilegs nýs árs
og þakkar góðar stundir
á gamla árinu