Eldri fréttir

30. des. Sunnud. millijóla og nýárs
Guðsþjónusta í Sólheimakapellu, kl. 14:00.
Organisti er Kristín Björnsdóttir.
Almennur safnaðarsöngur.

Guð gefi ykkur öllum gleðileg jól með innilegu þakklæti fyrir
góða og vinsamlega þjónustu á árinu sem er að líða.
Friður og birta frelsarans Jesú Krists fylgi ykkur og fjölskyldum ykkar á nýju ári.

Haraldur M. Kristjánsson prófastur í Vík

	Aðventustund Skaftfellingafélagsins Sunnudaginn 9. desember hélt Skaftfellingafélagið sína árlegu aðventustund í Skaftfellingabúð. Aðsóknin var mjög góð, eitthvað yfir hundrað manns. Fyrst söng kór Skaftfellingafélagsins en við stjórn kórsins hefur tekið Friðrik Vignir Stefánsson. Jóna Gísladóttir söng einsöng. Gunnþór Gunnardóttir frá Hnappavöllum las upp úr ný útgefinni bók, Sótt fram, sem Sigurður Björnsson frá Kvískerjum hefur ritað um sögu sýslunefndar Austur-Skaftafellssýslu og Öræfin. Síðan var sungið og gengið í kringum jólatré við undirleik Kristins Kjartanssonar úr Mýrdal sem spilaði á harmonikku og svo kom skeggjaður náungi ofan úr fjöllunum í heimsókn. Með þessu gæddu menn sér á kaffi og meðlæti sem kórinn lagði til. Samkoman þótti takast með miklum ágætum. Sjá fleiri myndir..... Texti og myndir: Svavar M. Sigurjónsson

Barna- og fjölskyldusamkoma
í Ketilsstaðaskóla

sunnudaginn 30. desember 2007 kl. 20:00
Jólatré - jólasveinar - glensspilum - spjöllum
maður er manns gaman
Veitingar að hætti kvenfélagskvenna.
Aðgangur krónur 1.000.- Frítt fyrir 14 ára og yngri
Fjölmennum, allir velkomnir.
Kvenfélag Dyrhólahrepps

	ÍÞRÓTTAMIÐSTÖÐIN Í VÍK Opnunartímar milli jóla og nýárs Þreksalur-heitur pottur-íþróttasalur-gufubað og ljósabekkur Við óskum öllum viðskiptavinum okkar gleðilegra jóla og farsældar á komandi ári. Victor Berg Guðmundsson - íþróttafulltrúi

Jólaball 2007

Verður haldið í Leikskálum Vík, föstudaginn 28. desember.
Fjörið hefst klukkan 16:30 og stendur til kl 18:00.
Hljómsveitin Granít leikur öll helstu jólalögin.
Von er á jólasveinum og Björgunarsveitin Víkverji
sér um flugeldana!
500 kr. inn og frítt fyrir 16 ára og yngri.
Verðum með alvöru kaffiveitingar í ár.
Hlökkum til að sjá ykkur sem flest.
Nefndin

07.12.2007
Menningarstyrkir í Mýrdalinn

Menningarráð Suðurlands úthlutaði styrkjum til menningarstarfs á Suðurlandi við hátíðlega athöfn í Listasafni Árnesinga í Hveragerði sunnudaginn 2. desember s.l. Ávörp fluttu Þorgerður Katrín Gunnarsdóttir menntamálaráðherra, Róbert Marshall aðstoðarmaður samgönguráðherra og Jóna Sigurbjartsdóttir formaður Menningarráðs Suðurlands. Styrkina afhentu Þorgerður Katrín og Dorothee Lubecki menningarfulltrúi Suðurlands.

Mýrdælingar sóttu styrki í Menningarráðið og fengu.
Lesa meira...

11.desember 2007
Hlaup í Skeiðará

Jónas Erlendsson tók þessa mynd í síðustu viku þegar lítið hlaup kom í Skeiðará.
Rennsli árinnar var talið álíka mikið og gott sumarrennsli og brennisteinslykt fannst á Skeiðarársandi. Hlaup í Skeiðará fara af stað þegar vatn úr Grímsvötnum stendur nægilega hátt til að ná að brjóta sér leið undir Skeiðarárjökul.

Fylgjast má með vatnshæð og rafleiðni í ánni í vöktunarkerfi Vatnamælinga: http://vmkerfi.os.is

Handmálaðar jólakúlur
frá Póllandi

Erum með okkar árlegu jólakúlusölu núna og þeir sem áhuga hafa,
hafi samband við Petru.

Jólakveðja
Umf Dyrhólaey

Petra s: 487-1322 og gsm 866-0786

Leyfi þarf fyrir brennum og flugeldasýningum

Allir sem ætla að halda brennu, selja flugelda eða halda flugeldasýningu um áramót eða á þrettándanum, þurfa að sækja um leyfi. Lögráða ábyrgðarmaður þarf að vera skráður fyrir hverri brennu og með leyfisumsókninni þurfa að fylgja skriflegt starfsleyfi heilbrigðisnefndar og vottorð frá vátryggingafélagi um ábyrgðartryggingu vegna brennunnar. Umsóknareyðublöð vegna bálkasta, brenna, sölu flugelda og flugeldasýningar fást hjá sýslumönnum og rafrænt á heimasíðu lögreglunnar.
(Tekið úr Glugganum)

26.11.07
Myndir teknar 25. nóvember við afleggjarann heim að Höfðabrekku í Mýrdal, en þá lenti bíll út í Höfðabrekkutjörnum.
Sjá nánar í MBL í dag.

21.11.2007
Vogmær á tröppunum.

Þórður Sveinsson heimsótti okkur á skrifstofu Mýrdalshrepps í gær með "furðufisk" í farteskinu. Okkur lék forvitni á að vita af hvaða tegund fiskurinn væri og sendi sveitarstjórinn, Sveinn Pálsson, mynd af honum til Hafrannsóknarstofnunar og þaðan bárust upplýsingar um hæl frá Jónbirni Pálssyni.
Fiskurinn heitir vogmær, sem er uppsjávarfiskur og lifir m.a. í hafinu suður af Íslandi, en rekur alltaf öðru hverju á fjörur.
Í ár hafa borist óvenju margar fréttir af vogmær við landið, í reynd nánast allt í kringum landið, þó sennilega ekki af Austfjörðum

Fjölskyldufjör í Vík

Dagskrá

Aðventusamkoma í Mýrdal 2007

Aðventusamkoma verður í félagsheimilinu Leikskálum í Vík,
miðvikudagskvöldið 5. desember nk. kl. 20:00.
Helgileikur, upplestur, söngur og tónlist sem tengist aðventu og jólum.
Að lokinni samkomunni verða ljósin tendruð á jólatré Mýrdælinga.
Samkoman er samstarfsverkefni grunnskólans,
tónskólans, kirkjukóranna og allra sóknanna í Mýrdal.

Fjölmennum á sameiginlega aðventuhátíð okkar allra.

Samstarfshópurinn

Starfsmaður óskast við ræstingar á skrifstofu Mýrdalshrepps

Nánari upplýsingar veitir Helga Halldórsdóttir, skrifstofustjóri
í síma 487-1210

Borholutilboð
á 10 og 30 tíma kortum í
Íþróttamiðstöð

Meira....

Aðalskipulag - kynningarfundur

Fundinum, sem boðað hafði verið til fimmtudaginn 6. desember n.k.
er frestað af óviðráðanlegum orsökum.

Sveitarstjóri Mýrdalshrepps

Jóla - Jóla

Kransanámskeið
fyrir alla

Meira.....

Villibráðarveisla á Ströndinni

Villibráðarhlaðborð verður í boði laugardaginn 24. nóvember n.k. á Ströndinni.
Þar verður uppistand allt kvöldið og ball á eftir.
Húsið opnar kl. 19:00 og borðhald hefst kl. 20:00
Verð pr. mann er krónur 5.900.-
Nánari upplýsingar í síma 487-1230

Mýrdalshreppur býður fastráðnu starfsfólki sínu til veislunnar.

Boltaleikar USVS Allir krakkar í 1. – 10. bekk mætum á boltaleika í íþróttahúsinu Vík, laugardaginn 24. kl. 12:30. Skemmtilegar boltaíþróttir hefðbundnar og óhefðbundnar Grillum saman eftir skemmtilega samveru.

Tilkynning frá Skaftfellingafélaginu

Næsta fimmtudag, 22. nóvember kl. 20:00 verður myndasýning í hjá Skaftfellingafélaginu í Skaftfellingabúð Laugavegi 178. Myndefnið verður úr ýmsum áttum og frá ýmsum tímum.

Meira...

Spilakvöld í GSM

22. nóvember kl. 20:00

Meira....

Kirkjuskólinn

Jól í Skókassa		Jól í Skókassa
25.10.2007 Við sögðum frá því fyrr í vikunni að kvenfélagskonur í Dyrhólahreppi ætla að styðja verkefnið "jól í skókassa" og nú ætla krakkar í 3. og 4. bekk í grunnskólanum í Vík að taka höndum saman... Meira..... Nánari upplýsingar um verkefnið fást á heimasíðu KFUM/KFUK og svo má sjá kynningarmyndband á sömu síðu.

Kirkjuskólinn í Mýrdal

Kirkjuskólinn í Mýrdal er með næstu samveru
laugardaginn 24. nóv. 2007, kl. 11:15 í Víkurskóla.
Nýjar bækur með Danna og Birtu,
brúður koma í heimsókn,
söngur og litastund.
Verið dugleg að mæta.
Allir hjartanlega velkomnir.
Sóknarprestur

Kökubasar í Leikskálum

Kvenfélag Dyrhólahrepps verður með kökubasar í Leikskálum næstkomandi föstudag frá kl. 13:00 - 15:30.

Auglýsing um verkefnastyrki til menningarstarfs á Suðurlandi

Menningarráð Suðurlands
auglýsir eftir umsóknum um styrki á grunni samnings sveitarfélaga á Suðurlandi og menntamálaráðuneytis og samgönguráðuneytis um menningarmál

Meira.....

Úthlutunarreglur Umsóknareyðublað


Frá leikskólanum Suður – Vík Starfsmaður óskast í 50% stöðu við kennslu bæði yngri og eldri barna. Vinnutími getur verið sveigjanlegur. Nánari upplýsingar hjá Aðalheiði á leikskólanum, sími 487-1241 og 899 9607 eða hjá Helgu á skrifstofu Mýrdalshrepps, sími 487-1210 Leikskólastjóri

18.10.2007
Kvenfélag Dyrhólahrepps

Kvenfélagskonur í Dyrhólahreppi verða önnum kafnar í vetur eins og dagskráin þeirra sýnir.
Félagið styður verkefni KFUM og KFUK ,,Jól í skókassa’’ með því að safna saman gjafakössum í sveitarfélaginu og koma þeim til skila hjá samtökunum í Reykjavík.
Lokaskiladagur 30. október.
Verkefnið verður auglýst nánar í Vitanum.

Aðrir viðburðir....


24.10.2007 Valkyrjur í Valhöll... 45. sambandsþing UMFÍ var haldið á Þingvöllum dagana 20.-21. október á 100 ára afmæli Ungmennafélags Íslands. Þingið var sett í Almannagjá að viðstöddum góðum gestum. Herra Ólafur Ragnar Grímsson forseti Íslands ávarpaði þingfulltrúa og gesti og Ólafur Rafnsson forseti ÍSÍ sæmdi Björn B. Jónsson gullmerki ÍSÍ. Meira....


25.10.2007 Klakveiði Myndir þessar eru teknar af Jónasi Erl. um síðustu helgi en þá var farið í klakveiði í Vatnsá í Mýrdal. Mikill fiskur var í ánni. Sem dæmi um það var talið að í "Frúarhylnum" einum hafi verið ca. 300 laxar. Á laugardeginum var reynt að veiða með rafmagni en gekk það illa vegna vatnavaxta í ánni. Á sunnudeginum var net dregið fram og það látið reka í einn hylinn, sem fylltist strax og úr því komu 49 laxar. Teknar voru tæpar 60 hrygnur en eitthvað minna af hængum til að nota í klak.

Tilkynning frá USVS

Vegna dræmrar þátttöku fellur niður körfuknattleiksmót sem vera átti
laugardaginn 27. október nk.
Knattspyrnudagur sem vera átti 10. nóvember n.k. frestast einnig vegna
Söngvakeppni Félagsmiðstöðva, Samfés.
Breyting á dagsetningu nánar auglýst síðar.

USVS

Guðsþjónusta í Víkurkirkju

Guðsþjónusta verður í Víkurkirkju, á Allra heilagra messu, nk. sunnudag,
4. nóvember 2007, kl 14:00.
Kórar Víkur- og Skeiðflatarkirkna syngja.
Organisti og stjórnandi er Kitty Kóvacs.
Undirleik á fiðlu annast Balász Stankowsky.
Fermingarbörn og foreldrar þeirra sérstaklega hvött til að mæta.
Sóknarprestur

SÖNGKEPPNI
Í VÍK
Þriðjudaginn
23. október
kl. 19:30 í Leikskálum

Meira....

Á döfinni hjá Víkurdeild

Kynningarvika...


Reyniskirkja í Mýrdal Guðsþjónusta verður í Reyniskirkju í Mýrdal, sunnudaginn 21. október nk. kl. 14:00. Organisti er Kristín Björnsdóttir. Almennur safnaðarsöngur. Fjölmennum. Sóknarprestur

OPIÐ HÚS HJÁ VÍKURDEILD

í Leikskálum laugardaginn 20. okt. kl. 13-16
Dagskrá...

Umhverfisverðlaun Mýrdalshrepps 2007

Umhverfis- og náttúruverndarnefnd Mýrdalshrepps óskaði á dögunum eftir tilnefningum til umhverfisviðurkenninga. Er þetta í fyrsta skipti sem þetta er gert. Tilnefningarnar náðu til garða, fyrirtækja eða býla í Mýrdalshreppi sem þættu skara fram úr fyrir snyrtimennsku.
Á hátíðardagskrá menningarhelgarinnar, um síðustu helgi, voru svo fyrstu umhverfisverðlaunin afhent.
Sigrún Guðmundsdóttir formaður nefndarinnar afhenti Jóni Gunnari Jónssyni, Austurvegi 11b verðlaunin. Jón er vel að verðlaununum kominn enda hefur garður hans lengi verið rómaður fyrir snyrtimennsku og fegurð.
Til hamingju Jón Gunnar.

	09.10.2007 Tímamót Guðmundur Elíasson sem rekið hefur Víkurskála og Hótel Eddu í 20 ár stendur á tímamótum, og af því tilefni buðu hann og Lóa í kaffi og rjómapönnukökur og krakkarnir fengu ís, laugardaginn 29. sept. s.l. Guðmundur og Lóa flytja á Selfoss og verður Guðmundur stöðvarstjóri í N1 Fossnesti á Selfossi. Elías sonur hans og Vilborg tengdadóttir hans taka við rekstrinum hér í Vík. Margt var um manninn á Ströndinni í Víkurskála og tók Jónas Erlendsson myndirnar af því tilefni. Fleiri myndir....

08.10.07 Frábær menningarhelgi Myndirnar tók Sigurður Hjálmarsson á setningu menningarhelgar Regnbogans á föstudagskvöld. Á næstu dögum kemur nánari umfjöllun og fleiri myndir inn á heimasíðuna.

08.10.07 Frábær menningarhelgi Myndirnar tók Sigurður Hjálmarsson á setningu menningarhelgar Regnbogans á föstudagskvöld. Á næstu dögum kemur nánari umfjöllun og fleiri myndir inn á heimasíðuna.

08.10.07

Nýjar myndir Regnbogans frá Jónasi í Fagradal.......

08.10.07
Uppskerustörf

Í vor gaf Kaupþing banki leikskólabörnum í Suður-Vík allt til matjurtaræktar nema sjálfa moldina. Mýrdalshreppur úthlutaði þeim svo litlum skika til verksins.
Í lok september var svo kominn uppskerutími...

03.10.07 Vestanpósturinn til Víkur Mýrdalurinn geymir margan listamanninn, án þess þó að margir viti af honum. Hún Harpa Jónsóttir er ein af þeim. Ekki aðeins tekur hún stórkostlegar ljósmyndir heldur er hún afar listræn hannyrðakona. Vefstjórinn mælir með að skoða heimasíðu hennar http://vestan.blogspot.com/
	Ljósm. Harpa J.

Menningarfulltrúi Suðurlands, Dorothee Lubecki, verður til viðtals á skrifstofu Mýrdalshrepps miðvikudaginn 17.10.2007 kl. 16:00 - 17:00

menning@sudurland.is
Austurvegi 56, 800 Selfossi
s: 480-8207
Gsm: 896-7511

Upp hefur komið hugmynd um að vera með á heimasíðunni okkar dálk sem ber heitið "Notað & Nýtt" (eða eitthvað annað) og er dálknum ætlað að vera nokkurs konar smáauglýsinga dálkur.
Það kemur aðeins fyrir að við viljum gjarna selja/gefa, og eða óskum eftir notuðum/nýjum hlutum. Því ekki að auglýsa það í heimabyggð og athuga viðbrögðin.
Endilega látið vita hvort áhugi sé fyrir hendi.

Með bestu kveðju,

Inger Schiöth

Ball í Leikskálum

Laugardaginn 13. október
frá kl. 23:00 til 03:00
Hljómsveitin Kopar leikur
Aldurstakmark 16 ára
Umf. Drangur

01.10.07
Nýbyggingar leynast víða í Víkinni

Áhugi um nýbyggingar hefur glæðst verulega undanfarin ár í Mýrdalnum og eru listaverkin víða.
Nokkrir ungir menn byggðu sér hús á lóðinni hjá Auðbert og Vigfúsi Páli.
Til verksins var notað það efni sem við blasti; girðingarstaurar, bretti, hellur ofl.

Þessir framkvæmdamenn voru: Ástþór Tryggvason, Mikael og Benjamín Kjartanssynir og Breki Þór Sveinsson. Mikið var upp úr því lagt að hafa traustan grunn og þóttu hellurnar góður kostur.

Eitthvað hafði Kári komið við bygginguna áður en tækifæri gafst til ljósmyndunar.

Niðurtalning í menningarveislu

Í
kvöld

Menningarveisla í Vík
dagana 5.- 7. október 2007

Guðrún Gunnarsdóttir söngkona með tónleika
Kristjana Stefánsdóttir og hljómsveit,
Hrafnaspark, Jóhanna Friðrika, Halldór Unnar, Sigurður Sigurðarson fer með vísur og gamanmál og ......

Fréttatilkynning

Vefstjóra vik.is barst góð ábending um að gaman væri að þorpsbúar tækju sig saman og flögguðu í tilefni Menningarhátíðar

Á laugardag verður opið í Leirbrot og gler

Lítið við því margt er þar að finna

Rófusúpa býsna góð á boðstólum þá er

Beint frá Þórisholti, ekkert minna

Meira.......

	Feðgar með linsuauga Feðgarnir Jónas og Sævar frá Fagradal í Mýrdal eru með ljósmyndasýningu í Víkurskála í Menningarveislu í Vík, dagana 5 – 7 október. Jónas er bóndi í Fagradal og Sævar er nemi við Háskólann í Reykjavík. Á sýningunni eru 22 myndir. Myndir eftir Sævar má sjá nánar á: http://flickr.com/photos/saevarjo
Ljósm. Ragnhildur Jónsdóttir móðir Sævars

02.10.07
Grjóthrun

Eitthvað verður undan að láta í allri úrkomunni undanfarið. Myndirnar voru teknar um síðustu helgi þegar grjóthrun úr Konnahamri lokaði veginum um Höfðabrekkuheiðar og inn í Þakgil.

Kvenfélögin styrkja Félagsmiðstöðina OZ

Fulltrúar Kvenfélags Hvammshrepps og Kvenfélagsins Ljósbrá heimsóttu Félagsmiðstöðina OZ sl. fimmtudag og afhentu börnunum og forstöðumanni veglegan styrk að upphæð 140.000 kr.
Einnig buðu þær öllum í nýbakaðar pönnukökur og mjólk. Styrkurinn verður notaður til að byggja upp veglegt diskótek þar sem börn og unglingar geta æft sig, bæði í söng og sem plötusnúðar framtíðar og haldið eigin diskótek.
Ég vil fyrir hönd Félagsmiðstöðvarinnar OZ þakka kvenfélögunum fyrir þennan frábæra styrk og síðast en ekki síst fyrir alla hjálpina á Undankeppni Söngkeppni Samfés sem haldin var með glæsibrag í Vík 2.-4. febrúar 2007.

Victor Berg Guðmundsson – Íþróttafulltrúi.

Handknattleiksdeild Kópavogs – Æfingabúðir í Vík

Helgina 7-9. september voru frískir strákar í 4. flokki HK í æfingabúðum hérna hjá okkur í Vík.
Strákarnir æfðu tvisvar sinnum á dag í íþróttamiðstöðinni og létu svo fara vel um sig í Leikskálum og sundlauginni á frítímanum.
Þjálfarinn Finnbogi Grétar Sigurbjörnsson var ánægður með æfingarnar og vel heppnaða helgi.

	Kynjamyndir á heiðinni
	26.09.07 Sigurður Hjálmarsson sendi okkur þessar myndir úr smölun á Sólheimum eina helgina. það er ýmislegt er ber fyrir augu á heiðinni !!

26.09.07
Fjórhjólaheimsókn

Myndir þessar voru teknar á Mýrdalssandi og í ferð inn á Höfðabrekkuafrétt af Jónasi Erlendssyni eina helgina þegar fjórhjólaklúbbur frá Suðurnesjum kom í helgarheimsókn í Mýrdalinn
Fleiri myndir...

17.09.07
Vatnavextir

Jónas Erlendsson ljósmyndari með meiru er duglegur við að senda okkur myndir og texta til birtingar á heimasíðunni.
Miklir vatnavextir voru í Múlakvísl nú um miðjan september en lón sem hafa myndast m.a. í Rjúpnagili sprungu fram og ollu vatnavöxtunum í ánni. Á myndunum sem teknar voru á föstudagskvöldið af Rjúpnagilsbrún í austur yfir Rjúpnagil og Kötluskriðjökul sést þar sem vatnið hefur sprengt sér leið í gegn um jökulinn.

07.09.07
Haustmyndir

Myndirnar eru teknar í vikunni þegar Jónas í Fagradal fór að leita kinda á Fagradalsheiði.
Fleiri myndir......

17.09.07
Það snjóaði óvenju snemma....

Jónas tók þessar snjómyndir laugardaginn 15. sept. s.l.
Fleiri myndir...

10.09.07 Vel heppnað KÖTLUHLAUP Laugardaginn 8. september var hið svokallaða “Kötluhlaup” í Vík í Mýrdal haldið í þriðja sinn. Hlaupstjórinn Gylfi Júlíusson ræsti keppendur á frjálsíþróttavellinum í mjög góðu veðri. Hægt var að velja á milli vegalengda: 10km, 21km eða 42 km. Fjöldi þátttakenda á öllum aldri ýmist hjóluðu, hlupu, gengu eða skiptust á að hlaupa eða hjóla vegalengdir sem í boði voru. Að sögn Victors Berg Guðmundssonar íþróttafulltrúa er verið að breyta aðeins upprunalegri mynd hlaupsins og er ætlunin að byggja hlaupið upp og gera það að árlegum viðburði í Víkinni. Aðalmarkmið Kötluhlaupsins er að koma saman í góðra félaga hópi og hreyfa sig í fallegu umhverfi. Victor vill sérstaklega þakka öllum þeim sem komu að undirbúningi og framkvæmd Kötluhlaupsins og vonast til að sjá sem flesta að ári. Fleiri myndir....

10.09.07
Tekið úr svelti

Sigurður Hjálmarsson tók þessar stórskemmtilegu myndir á dögunum þegar lambi var bjargað úr svelti í Keldukömbum í Höfðabrekkuhálsi.
Á myndunum eru Karl Pálmason í Kerlingardal eigandi lambhrútsins sem bjargað var og Eiríkur Vilhelm Sigurðarson sem beitti þolinmæði og fjallstöng við björgunina.

Myndaröðin.....

Ljósm.
Sig. Hjálmarsson

10.09.07
Lukkupakkasala

Þessir hressu krakkar í Vík í Mýrdal stóðu að lukkupakkasölu einn bjartan ágústdag í sumar. Fengu þau aðstöðu við Víkurprjón en þar ræður húsum afi Önnu Elísabetar, Þórir Kjartansson. Þórhildur og Elísabet söfnuðu efni í pakkana hjá einstaklingum og fyrirtækjum í Vík. Það tók þær svo heilan dag að pakka öllu inn.
Ágóðanum, 8105 kr. afhentu krakkarnir svo Rauða krossi Íslands, Víkurdeild til styrktar.
Á meðf. mynd eru f.v. Þórhildur Kristinsdóttir, Anna Elísabet Jónínudóttir og Benjamín Kjartansson sem aðstoðaði stúlkurnar við söluna.

10.09.07
Biskupinn í heimsókn
Í vísitasíu biskups Hr. Karls Sigurbjörnssonar komu þau í heimsókn í leikskólann Suður-Vík. Biskupinn gaf börnunum kross og fékk afmælisbarn dagsins, Vignir Jóhannsson, fyrsta krossinn. Tinna Elíasdóttir og Birgitta Ingadóttir sungu fyrir biskupinn og fengu vænt faðmlag frá honum að launum. Fleiri myndir....

UMHVERFISVIÐURKENNING MÝRDALSHREPPS

Umhverfis- og náttúruverndarnefnd Mýrdalshrepps óskar eftir tilnefningum til umhverfisviðurkenninga. Tilnefna skal garða, fyrirtæki eða býli í Mýrdalshreppi sem þykja skara fram úr fyrir snyrtimennsku. Tilnefningum má skila í þar til gerðan kassa í Kjarval í Vík til 15 september 2007.

Umhverfis- og náttúruverndarnefnd

30.08.07
Fréttir frá Tónskóla Mýrdælinga

Tónskólinn er nú að hefja sitt 27. starfsár. Tónskólinn í Vík var stofnaður árið 1981 en veturinn 1991-1992 var reglugerð skólans endurskoðuð og nafni hans breytt í Tónskóla Mýrdælinga. Á síðasta starfsári var skólastjóri jafnframt eini kennari skólans en nú verður breyting á því.
Tveir nýir kennarar koma til starfa í haust. Það eru þau Baláz Stankowsky, fiðlu- og gítarleikari, og Kitty Kovács, píanóleikari og kórstjóri. Þau eru ungverjar og störfuðu í fyrravetur við Tónlistarskóla Rangæinga. Baláz og Kitty munu skipta með sér 50% starfi í tónskólanum, auk þess að annast tónmenntakennslu í grunnskólanum, starf organista Víkurkirkju og kórstjórn kóranna í Skeiðflatar- og Víkurkirkju.
Meira...

20.08.07
Logandi ský

Jónas Erlendsson sendi okkur þessar frábæru ljósmyndir af logandi skýi.

KÖTLUHLAUP 2007
LAUGARDAGINN 8. SEPTEMBER - VÍK Í MÝRDAL

Laugardaginn 8. september kl. 12:00 verður hið svokallaða “Kötluhlaup” í Vík í Mýrdal.
Þetta er í þriðja sinn sem hlaupið er haldið, fyrstu tvö árin var Vegagerdin í Vík framkvæmdaraðili hlaupsins en nú hefur Mýrdalshreppur tekið við framkvæmdinni og mun gera það næstu ár. Vegalengdirnar eru 10 km, 21 km og 42 km.
Þátttakendur geta valið um hvort þeir vilja hlaupa eða hjóla leiðina.
Hópar eða fyrirtæki geta líka tekið þátt sem boðhlaups- eða boðhjólalið og skipt leiðinni á milli sín.
Bílar munu fylgja þátttakendum.

Meira...

Tekið af sudurland.net

22.08.07
Úr dagbók lögreglunnar á Hvolsvelli
Alls voru 198 mál þessa vikuna á Hvolsvelli.
Fjöldi þeirra sem teknir voru fyrir of hraðan akstur þessa vikuna voru 87 talsins.
Sérstakt umferðareftirlit hefur verið í umdæminu og heldur hefur slegið á hraðann þessa vikuna. Tíu umferðaróhöpp voru tilkynnt í vikunni, en nokkuð er um að útlendingar missi stjórn á ökutækjum sínum sem flest eru bílaleigubílar og velti þeim. Tvær bifreiðar ultu á Skaftártunguvegi og ein við Dyrhóley í vikunni. Þarna er mestu um að kenna reynsluleysi í akstri á malarvegum.
Meira..

Þakkir til Austur- og Vestur - Skaftfellinga
Biskup Íslands, herra Karl Sigurbjörnsson, og eiginkona hans
frú Kristín Guðjónsdóttir, vísiteruðu Skaftafellsprófastsdæmi
dagana 18. – 25. ágúst sl.
Með þeim í för voru prófastshjónin í Vík, Haraldur M. Kristjánsson og
Guðlaug Guðmundsdóttir.
Biskup hóf för sína í Hoffellskirkju í Nesjum og endaði í Víkurkirkju í Mýrdal.
Hvarvetna var okkur fagnað með einstakri hlýju og gestrisni,
sem ég vil fyrir hönd okkar allra, þakka af heilum hug.
Sú virðing og samheldni sem söfnuðirnir í Skaftafellsprófastsdæmi sýndu
er sannarlega til eftirbreytni.

Haraldur M. Kristjánsson
prófastur

Mynd: Guðlaug Guðmundsdóttir

22.08.07 Landbúnaðarsýning á Sauðárkróki var haldin um síðustu helgi og okkar maður Jónas Erlendsson sótti hana heim og tók þessar myndir af því tilefni. Sýningin var haldin bæði innan- og utandyra við Reiðhöllina Svaðastaði. Stór vélasýning náði yfir fjögur þúsund fermetra á útisvæði og inni í reiðhöllinni kynnti fjöldi fyrirtækja vörur og þjónustu fyrir landbúnaðinn. Meðal dagskráratriða voru kálfa- og hrútasýningar, auk þess sem landnámshænur og smalahundar komu talsvert við sögu. Landbúnaðarráðherra, Einar K. Guðfinnsson, flutti ávarp í setningarathöfn á föstudeginum. Húsdýragarður og sveitamarkaður voru starfræktir á sýningunni, kynning var á handverki fyrr og nú, þar sem m.a. var sýnd kembing, brugðning og spuni. www.horse.is/landbunadarsyning


10.08.07 Unglingalandsmót UMFÍ á Hornafirði. Um nýliðna verslunarmannahelgi fóru 35 keppendur frá USVS ásamt foreldrum og fríðu föruneyti á Unglingalandsmót á Hornafjörð. Liðsstjóri hópsins var Inger Schiöth. Öruggt má segja að hópurinn stækki með ári hverju enda er þetta frábær umgjörð um verslunarmannahelgina. Allir finna sér keppni eða skemmtun við sitt hæfi. Hópurinn okkar keppti í skák, frjálsum íþróttum, körfubolta og fótbolta. Heilt fótboltalið var stofnað og var skipað 11-12 ára strákum. Liðsstjóri þeirra var Þorgils Haukur Gíslason en hann hefur verið að þjálfa börn á öllum aldri í fótbolta í sumar. Sædís Íva Elíasdóttir hafði svo yfirumsjón með liðinu. USVS Hópurinn var til fyrirmyndar alla helgina, innan vallar og utan, og krakkarnir okkar voru að standa sig framúrskarandi vel í öllum þeim greinum sem að þau tóku þátt í. Meira....				Ýmsar kynjaverur voru einnig á kreiki á mótsslitunum

Vísitasía biskups Íslands í Skaftafellsprófastsdæmi

Biskup Íslands, herra Karl Sigurbjörnsson vísiterar
Skaftafellsprófastsdæmi dagana 18. - 25. ágúst nk.
Síðast vísiteraði herra Ólafur Skúlason, þáverandi biskup Íslands,
Austur- og Vestur-Skaftafellssýslur, árið 1994.
Biskup heimsækir kirkjur og söfnuði og kynnir sér kirkjulegt starf í Skaftafellssýslunum báðum.
Í öllum kirkjum verða helgistundir eða guðsþjónustur eftir atvikum, ásamt fundum
með sóknarprestum, sóknarnefndum og starfsfólki safnaðanna.
Biskup heimsækir einnig dvalar- og hjúkrunarheimili aldraðra þar sem þau eru og vonast einnig eftir að fá að hitta börnin í söfnuðunum,
ýmist í skólunum eða kirkjunum, eftir aðstæðum.
Með biskupi í för verður eiginkona hans frú Kristín Guðjónsdóttir, prófastur Skaftafellsprófastsdæmis, séra Haraldur M. Kristjánsson í Vík
og eiginkona hans, frú Guðlaug Guðmundsdóttir.
Dagskrá...

Víkurprestakall í Mýrdal Eins og kunnugt er heimsækja biskupshjónin, herra Karl Sigurbjörnsson og frú Kristín Guðjónsdóttir, söfnuði, kirkjur og kapellu í Mýrdal, föstudaginn 24. og laugardaginn 25. ágúst 2007. Síðasti biskup sem hér vísiteraði var herra Ólafur Skúlason, 1994. Það er einlæg von mín sem sóknarprests ykkar, að allir sem möguleika hafa á noti tækifærið til að heilsa upp á biskupshjónin. Börn og unglingar eru sérstaklega boðin í kirkjurnar því biskup hyggst ávarpa þau sérstaklega. Hver veit nema því fylgi einhver hlutur til minja um komu hans. Sjón er sögu ríkari. Væntanleg fermingarbörn næsta vors eru hvött til að mæta ásamt foreldrum og forráðamönnum. Biskup predikar á öllum kirkjunum og þjónar fyrir altari ásamt sóknarpresti. Séra Haraldur M. Kristjánsson
Reyniskirkja	Skeiðflatakirkja	Dagskrá	Sólheimakapella	Víkurkirkja

10.08.07 Skin og skúrir á Suðurlandi "Það rignir ekki mikið í Mýrdalnum, svona að meðaltali 2svar í viku, fyrst í þrjá daga og svo í fjóra daga " sagði góður maður, fyrrum sveitarstjóri okkar Mýrdælinga. (fyrsti stafurinn í nafninu hans er Hafsteinn) Vætan hefur nú ekki truflað okkur Mýrdælinga mikið í sumar nema þá helst á ferðalagi. Jónas Erlendsson ljósmyndari tók þessar ótrúlegu myndir á dögunum þegar hann var á ferð um Suðurland. Fleiri myndir...

09.08.07 Frískir á fjórum hjólaklúbbur Mýrdælinga fóru í góða ferð eina helgina en þá fóru félagarnir inn á Höfðabrekkuafrétt eftir smalavegi sem þar er og upp á Mýrdalsjökul.

Íþróttahátíð USVS 2007 Héraðsmót USVS í frjálsum íþróttum verður haldið á Víkurvelli helgina 18.- 19. ágúst. Mótið er í umsjón Ungmennafélagsins Ármanns í samstarfi við Ungmennafélagið Skafta. Grill - og sundlaugarpartý að lokinni keppni á laugardeginum. Sjá nánar...

09.08.08
Vefstjórinn er loksins kominn úr sumarleyfi
og hefur nú þegar úr ýmsum fréttum að moða og kemur þeim á síðuna á næstu dögum.
Með bestu kveðju
Inger

11.07.07
Jóhann Vignir í 2. sæti í spjótkasti á landsmóti UMFÍ

Jóhann Vignir Hróbjartsson kastaði spjótinu 55,11m sem tryggði honum 2. sæti á eftir Jónasi H. Hallgrímssyni ÍBH (58,50) og á undan Erni Daviðssyni HSK (54, 69).
Þetta er stórglæsilegur árangur hjá honum Jóa og óskum við honum til hamingju og vonum að hann haldi svona áfram.
Krakkarnir okkar í frjálsum njóta heldur betur kunnáttu Jóa því hann hefur verið að þjálfa þau í spjótkasti og kúluvarpi í sumar.

Björk Smáradóttir (16 ára) keppti í langstökki og í 100m hlaupi.
Í forkeppninni stökk hún 4,99 m sem er aðeins 1 cm frá viðmiðum fyrir úrvalshóp unglinga en jafnframt er þetta héraðsmet.
Björk lenti síðan í 9. sæti í úrslitum og henni tókst einnig að komast áfram í milliriðla í 100m hlaupi. Það er ljóst að hér er um efnilega frjálsíþróttakonu að ræða og óskum við henni til hamingju með árangurinn

(unnið upp úr fréttum af umf.vik.is)

13.07.07 Mýrdælingar fá Orku Þessa daga er unnið hörðum höndum við að koma upp Orkustöð í Vík sem verður formlega opnuð 21. júlí n.k. Þetta er 23. Orkustöðin og verður talsvert um dýrðir á opnunarhátíðinni og gerða félagar úr akstursklúbbnum 4x4 sig breiða á svæðinu.


09.07.07 Branduglumyndir Þóris N. Kjartanssonar í Vík Í síðustu dagskrá þann 5. júlí s.l. var birt myndaröð sem Þórir N. Kjartansson tók af branduglu. Í textanum segir m.a. ".... sendi blaðinu meðfylgjandi myndir sem hann tók fyrir skemmstu og sanna það að brandugla er farin að verpa í Mýrdal. Í fuglabókum er þetta svæði ekki merkt sem slíkt. Þórir hefur, sem áhugamaður um fugla og fuglaljósmyndun haft grun um þetta í nokkur ár en fyrst nú getað fært á það sönnur. "En það sem mestu veldur um þetta er að í lúpínubreiðunum á Mýrdals- og Skógasandi er allt orðið fullt af músum og hún er uppáhaldsfæða uglunnar. Þarna er líka orðið krökkt af öðrum fuglum s.s. þúfutittlingum, stelk, spóa og jafnvel rjúpu" sagði Þórir í samtali við Dagskránna. Þórir kom á skrifstofu hreppsins og vefstjórinn hafði á orði hversu stórkostlegar myndirnar hefðu verið og í samtalinu kom fram að Þórir hefði legið æði lengi yfir þessari myndaröð og sagði það nokkuð merkilegt hvernig uglan hagaði sér í veiðinni. "Hún steypir sér yfir bráðina, drepur hana snöggt og hefur sig til flugs með bráðina í klónum. Þegar hún svo nálgast hreiðrið lætur hún bráðina í gogginn til að hafa fætur frjálsta til lendingar - Í þetta skiptið virðast ungarnir ekki hafa verið svangir svo uglan leit vel í kringum sig áður en hún kom músinni fyrir undir lúpínu og faldi hana til betri tíma".

	06.07.07 Dýrin í Hálsaskógi til Víkur Víkarar eiga von á góðri heimsókn. Leikhópurinn Lotta ætlar að kíkja í heimsókn til Víkur laugardaginn 14. júlí næstkomandi með sýninguna Dýrin í Hálsaskógi. Hægt verður að heimsækja dýrin og verður Hálsaskógur að þessu sinni staðsettur á Syngjandanum þar sem Lilli klifurmús og félagar bregða á leik. Í uppsetningu Lottu fá dýrin að komast í sitt rétta umhverfi en sýnt er undir berum himni. Sýningin er rúmur klukkutími að lengd og er full af glensi og fjöri fyrir alla fjölskylduna. Sýningin hefst klukkan 16:00 og miðaverð er 1500 krónur fyrir fullorðna og 1000 krónur fyrir börn í fylgd með fullorðnum. Þar sem sýnt er utandyra er fólk hvatt til að klæða sig eftir veðri og taka með sér teppi til að sitja á. Þessi skemmtilega og lifandi sýning verður einnig sýnd í Elliðaárdalnum flesta miðvikudaga í sumar ásamt því að ferðast um allt landið og nú er komið að Víkinni. Bent er á að leyfilegt er að taka myndir. Sjóvá býður börnum viðskiptavina sinna í Stofni frítt á sýninguna. Til að þiggja boðið þarf að framvísa boðskorti sem gildir fyrir 12 ára og yngri í fylgd með fullorðnum. Boðskortið var sent viðskiptavinum í Stofni í júní s.l. Miðapantanir eru í síma 699-3993 og á dyrinihalsaskogi@gmail.com. Frekari upplýsingar má finna á www.123.is/dyrinihalsaskogi.

29.06.07
Ákvörðun tekin um veglínu

Skipulags- og byggingarnefnd og sveitarstjórn hafa nú ákveðið hvaða veglína verði sett inn á aðalskipulagstillögu. Sjá nánar tengilinn Skipulagsmál.

	20.06.07 Hátíðahöld 17. júní fóru fram í Víkinni í nokkrum næðingi. Skrúðganga fór frá Víkurkirkju eftir guðsþjónustu og var gangan í fylgd slökkviliðs Mýrdalshrepps og var gengið fylktu liði á íþróttavöllinn þar sem hátíðahöldin fóru fram. Fjallkonan að þessu sinni var Margrét Sigurgeirsdóttir. Ungir og aldnir fóru í leiki og blásið var til reipitogs milli annars vegar slökkviliðsins og sveitarstjórnar og hinsvegar slökkviliðsins og allra barna á svæðinu. Sveitarstjórn vann fyrri umferð en varð að lúta í lægra haldi þegar sveitarstjórnarmaður færði sig um set yfir í slökkviliðið. Börnin unnu svo sína umferð með miklum glæsibrag. Boðið var upp á andlitsmálningu og var bílafloti slökkviliðsins til sýnis. Kvenfélag Hvammshrepps var með kaffisölu í félagsheimilinu Leikskálum að loknum fjörugum leikjum en þar stóð Tónskóli Mýrdalshrepps fyrir tónleikum. Fleiri myndir .......


25.06.07 Íþróttahátíð HSK og USVS Íþróttahátíð HSK var haldin í Vík s.l. laugardag í samstarfi við USVS. Þetta var í fyrsta sinn sem héraðsmót HSK er haldið utan sambandssvæðisins. Keppt var í flokkum 14 ára og yngri í frjálsum íþróttum og íþróttum fatlaðra. Keppendur voru u.þ.b. 100 talsins þ.e. í kringum 80 frá HSK og 20 frá USVS. Keppnin tókst vel í alla staði þrátt fyrir stífan vind og moldrok sem gerði keppendum erfitt fyrir. Um kvöldið var fyrirhuguð kvöldvaka en var henni frestað þar sem keppendur voru bæði sólbrunnir og þreyttir eftir veðurbarninginn. Fleiri myndir....

	20.06.07 Gengið í Fossgil Ferðafélag Mýrdælinga stóð fyrir kvöldgönguferð í Fossgil í síðustu viku. Leiðsögumaður í göngunni var Ólafur H. Þorsteinsson frá Eystri- Sólheimum og var þátttaka mjög góð eða 18 manns. Farið var inn í Fossgil sem er vestan og innan við Fellsmörk í Mýrdal. Gengið var inn eftir gilinu en fossinn sem var innst í gilinu er löngu horfinn. Jónas Erlendsson tók þessar myndir í göngunni. Fleiri myndir......

	20.06.07 Kvennahlaup ÍSÍ Þessar myndir tók Jónas Erlendsson við íþróttamiðstöðina í Vík þegar kvennahlaupið var ræst. 2 vegalengdir voru í boði, 3 og 7 km. Konurnar ýmist hlupu eða gengu annars vegar að Uxafótalæk og hinsvegar að húsinu á tjaldsvæðinu. Þegar markinu var náð beið eftir konunum verðlaunapeningur og svaladrykkur. Gaman var að sjá hversu margar aðkomnar konur tóku þátt í hlaupinu

20.06.07
Útiklukka í sundlaugina

Þann 17. júní s.l. afhenti Kaupþing banki í Vík veglega útiklukku sem setja á upp við sundlaugina í Vík í Mýrdal.
Þetta eru gleðifréttir fyrir fastagesti morgunsundsins.
Sveinn Pálsson sveitarstjóri Mýrdalshrepps veitti klukkunni viðtöku úr hendi Þorgerðar Einarsdóttur þjónustustjóra Kaupþings banka.

	08.06.07 Frískir á fjórum..... Fimmtudagskvöldið 7. júní s.l. var stofnað félag fjórhjólaeigenda í Mýrdalnum sem fékk nafnið Frískir á fjórum. 20 félagar skráðu sig og er stofnfélagaskrá opin eitthvað lengur fyrir þá sem hafa áhuga að gerast stofnfélagar. Félagið ætlar að standa fyrir fjórhjólaferðum í sumar og fleiri skemmtilegum uppákomum. Fyrsta stjórn félagsins er Emil Sæmundsson formaður, Karl Pálmason varaformaður og Andrés Viðarsson ritaði fundargerð. Sigurður Hjálmarsson er svo varamaður í stjórn.

Ljósm. Sjóvá

Ljósm. Sveinn P.

08.06.07
Nýr tækjabíll slökkviliðsins
Á dögunum áskotnaðist slökkviliði okkar Mýrdælinga vegleg gjöf frá Sjóvá. Þ.e. tækjabíll er verður notaður til að ferja mennina í útköll, hvort heldur sem er í bruna eða á slysstað, og eru þeir nú fljótari á staðinn. Á myndinni tekur Kristján Kristjánsson slökkviliðsmaður við bifreiðinni úr höndum Helga Bjarnasonar aðstoðarforstjóra Sjóvá en Kristján sá um samninga við Sjóvá f.h. slökkviliðsins.
Þetta hefur lengi verið draumur okkar manna sem eru nú heldur kátir.
Slökkviliðsmenn hafa nú þegar hafið söfnun fyrir tækjaklippum sem er grunnbúnaður og kostar á bilinu 1200 - 1400 þús. krónur
Söfnunarreikningur okkar manna er 0317-13-701200 kt: 461283-0399

Í vikunni stóð bíllinn við skrifstofu Mýrdalshrepps, sem ekki er í frásögur færandi nema af því að inn á skrifstofuna komu nokkrir útlendingar í leit að heilsugæslu eða sjúkrahúsi.
Starfsfólk skrifstofunnar er semsagt við öllu búið þessa sumardaga.

	08.06.07 Grjótvörn Þessa dagana er Framrás í Vík að klára garð og grjótvörn við Múlakvísl vestast á Mýrdalssandi. Við verkið er notaður sex hjóla trukkur (Búkolla). Jónas Erlendsson ljósmyndari með meiru fór í eina ferð með Finnboga Gunnarsyni á Búkollunni og tók þá þessar myndir.
Fleiri myndir...

08.06.07
Sumarhreinsun

Íþróttamiðstöðin í Vík var lokuð 2 daga í vikunni. Fyrri daginn fór starfsfólkið á skyndihjálparnámskeið á Hellu og seinni daginn voru ermarnar brettar upp og farið í sumarhreinsun á sundlaugar-svæðinu.
Að loknu góðu dagsverki var farið í sameiginlegan kvöldverð á Halldórskaffi. Á hægri myndinni sjáum við f.v. Þorgils Hauk Gíslason, Brynjar Ögmundsson, Guðrúnu Ólafsdóttur, Guðrúnu Lilju Gísladóttur og Guðrúnu Hildi Thorstensen.

Þorgils og Brynjar ásamt Guðrúnar-genginu

08.06.07 Reiðskóli Hestamannafélagið Sindri hefur undanfarna viku staðið fyrir metnaðarfullum reiðskóla fyrir alla aldurshópa. Kennt er frá 8 á morgnana fram undir kl 22 á kvöldin. Skólanum sem lýkur sunnudaginn 10. júní verður slitið með sýningu sem hefst kl. 14:00 á blettinum vestan við húsið hjá Auðberti og Vigfúsi Páli.	Ljósm. Victor Berg
	Reiðskólasýning kl. 14:00 á sunnudag

05.06.07
Ný Almannavarnanefnd

Sameinuð almannavarnanefnd Rangárvalla- og V-Skaftafells-sýslu hélt sinn fyrsta fund 30. maí s.l.
Á myndinni sjáum við nýja nefndarmenn.

Ljósm.
Sigurður
Hjálmarsson

	05.06.07 Skólafélagar hittast á ný Árgangar 1949 og 1950 hittust laugardaginn 2. júní s.l. Sumir skólafélaganna höfðu ekki sést síðan 1960. Laugardagurinn var því afskaplega skemmtilegur dagur sem gleymist ey. Tóti (Þórarinn Ólafsson) sendi okkur eftirfarandi slóð sem geymir margar skemmtilegar myndir frá mótinu. http://www.pbase.com/flydra/storu_bekkirnir__vik

	05.06.07 Þorgerður Einarsdóttir starfsmaður Kaupþings Banka í Vík kom færandi hendi í Leikskólann Suður-Vík. Hún afhenti börnunum gjöf frá Kaupþingi, sem var allt til matjurtaræktar nema sjálfa moldina. Þorgerður segir að Kaupþing hafi ákveðið að vera í grasrótarvinnu og er ætlunin að færa öllum leikskólum landsins samskonar gjafir til að búa til matjurtagarða. Börnin fengu úthlutaðan skika úr landi Suður-Víkur til verksins. Hér eru nokkrar myndir þegar börn og fullorðnir settu niður jarðeplin í gær. Fleirir myndir.....

05.06.07
Bókargjöf

Á síðasta sveitarstjórnarfundi þann 24. maí s.l. færði Jón Gunnar Jónsson í Vík í Mýrdal, Mýrdalshreppi forláta bók er inniheldur öll erindi sem flutt voru á átthaganámskeiði í Vík fyrir tveimur árum.
Bókin er öll hin vandaðasta og handunnin á allan hátt, bundin inn í geitaskinn og með 28 karata gyllingu.
Í textanum sem fylgdi bókinni stendur: "Að fortíð skal hyggja ef frumlegt skal byggja".
Skoða má bókina á skrifstofu hreppsins.
Á myndinni sjáum við Svein Pálsson sveitarstjóra veita gjöfinni viðtöku og Jón Gunnar Jónsson.

13.06.07
Þjóðhátíðardagurinn

Hátíðarhöld þann 17. júní verða fjölbreytt að vanda. Dagskráin hefst á íþróttavellinum kl. 10:30 með víðavangshlaupi og hjólakeppni. Guðsþjónusta verður í Víkurkirkju kl. 13:00 og skrúðganga þaðan á íþróttavöllinn. Sjá nánar Dagskrá.... Guðsþjónusta...

	25.05.07 Sumarhús á ferð og flugi Níu sumarhús voru flutt úr Víkinni inn í Þakgil á Höfðabrekkuafrétti. Húsin voru sett saman hér í Vík í vetur. Húsin eru í eigu hjónanna Bjarna Jóns Finnssonar og Helgu Ólafsdóttur en þau hafa rekið tjaldsvæði í Þakgili síðustu sumur. Myndasería....

29.05.07 Leiðarlýsing, Vestur-Skaftafellssýsla Á árinu 1980 tóku nokkrir áhugamenn sig til og gáfu út bækling undir nafninu Leiðarlýsing, Vestur-Skaftafellssýsla. Í bæklingnum er lýst öllum helstu leiðum og kennileitum í sýslunni með stuttu ágripi af sögu og náttúrufari. Bæklingnum fylgdi kort frá Landmælingum Íslands og var útgáfan fjármögnuð með auglýsingum. Gylfi Júlíusson þáverandi vegaverkstjóri hafði frumkvæði að útgáfunni og valdi hann með sér menn sem hann taldi gagnlega verkefninu. Það voru þeir Sigþór Sigurðsson símaverkstjóri sem þekkti afar vel til svæðisins alls frá starfi sínu, Jón Valmundsson brúarsmiður sem einnig hafði starfað um alla sýsluna, Björgvin Salómonsson skólastjóri sem valinn var vegna ritfærni og Guðmundur Elíasson en frændi hans átti prentsmiðju. Meira... Nokkrar myndir frá forsetaheimsókninni....
	Heiðursmennirnir og frumkvöðlarnir f.v. Sigþór Sigurðsson, Jón Valmundsson, Björgvin Salómonsson, Gylfi Júlíusson og Guðmundur Elíasson.		f.v. f.h. byggðasafnsins að Skógum Ólafur Eggertsson, Sveinn Pálsson sveitarstj. Mýrdalshrepps, Jóna Sigurbjarts-dóttir f.h. Skaftárhrepps og Björgvin Salómonsson.

HEILSUHÓPUR 2007

Sumarátaksnámskeið
23. maí - 27. júní

Meira...

21.05.07
Lokun

Dyrhólaey er lokuð fyrir allri umferð til 25. júní.

21.05.07
Ljósmyndasýning

Fjölmenni var við opnun sýningar Fókuss, "Mannlíf í Fókus", í Tjarnarsal Ráðhúss Reykjavíkur laugardaginn 19. maí s.l.
Á sýningunni eiga þeir feðgar Jónas Erlendsson og Sævar Jónasson átta myndir.
Páll Guðjónsson, formaður sýninganefndar ávarpaði gesti og boðið var upp á veitingar. Rannveig Sigurgeirsdóttir, gjaldkeri félagsins, kvaddi sér hljóðs og þakkaði sýningarnefnd fyrir mikla vinnu við undirbúning sýningarinnar með því að afhenda Páli Guðjónssyni, Sæþóri L. Jónssyni og Helga Bjarnasyni blóm.

Myndirnar eru allar til sölu.
Fleiri myndir....

21.05.07
Stórbingó Drangs

Stórbingó Drangs var haldið í Leikskálum í Vík í síðustu viku.
Fjölmenni var á skemmtilegu kvöldi og stjórnuðu Þorgerður Einarsdóttir og Sædís Íva Elíasdóttir bingóinu eins og herforingjar.
Vinningar voru af stærri gerðinni s.s. flug og helgardvöl í Vestmannaeyjum, helgardvöl í Reykjaskógi, 3 rétta máltíð fyrir 2, gjafabréf og körfur, og margt fleira.
Eins og svo oft gerist raðast vinningar oft á sömu fjölskyldurnar, og var þetta bingó þar engin undantekning og fór stór hluti vinninga til stórfjölskyldunnar í Þórisholti,
fjölskyldu Kristínar Einarsdóttur og einnig hafði Solveig Sigr. Gunnarsdóttir vinninga aðdráttarafl.

Fleiri myndir....

	Reyniskirkja í Mýrdal Guðsþjónusta verður í Reyniskirkju í Mýrdal á Þrenningarhátíð, sunnudaginn 3. júní 2007 kl. 14:00 sem einnig er sjómannadagurinn Organisti er Kristín Björnsdóttir Almennur safnaðarsöngur Sóknarbörn Reyniskirkju, aðrir Mýrdælingar og gestir hvött til að mæta Upplifum saman notalega stund í kirkjunni á helgum degi

16.05.07
Útskriftarnemar í Suður-Vík

Föstudaginn 11. maí s.l. var útskrift elstu nemenda leikskólans í Suður - Vík sem þetta árið eru þrír.

Dagurinn var tekinn snemma og Byggðasafnið í Skógum heimsótt þar sem Þórður Tómasson tók á móti þeim og sýndi þeim ýmislegt markvert.
Í hádeginu var farið í hamborgaraveislu í Víkurskála og að því loknu var farið í leikskólann aftur þar sem formaður Víkurdeildar Rauða krossins, Sveinn Þorsteinsson og Sigurður B. Baldvinsson lögreglumaður mættu til að afhenda útskriftarnemunum reiðhjólahjálma að gjöf frá Rauða krossinum og fræða þá um notkun þeirra.
Nemendurnir voru síðan útskrifaðir af deildarstjóra sínum á Bolabás, Höllu Ólafsdóttir sem eytt hafði skemmtilegum degi með þeim.

Fleiri myndir...
Ljósmyndir: Halla Ólafsdóttir og Sigurður Hjálmarsson

21.05.07

Sá hörmulegi atburður átti sér stað s.l. laugardag að 75 ára gömul kona drukknaði í Reynisfjöru.
Sjá nánari umfjöllun á mbl.is
Ekki eru nema nokkrir dagar síðan björgunarsveitin í Vík fékk beiðni um að setja upp viðvörunarskilti við Reynisfjöru. Verkefnið var rétt komið af stað þegar hið hörmulega slys varð á laugardag.

Ljósm. Ragnhildur Jónsdóttir

15.05.07
Bílvelta

Myndirnar voru teknar á sunnudagskvöld þegar bíll valt út af brúnni yfir Húsá við Sólheimabæina í Mýrdal og endaði úti í á.
Eins og myndirnar bera með sér rifnaði handriðið á brúnni af við veltuna.

	15.05.07 Gjafir til Hjallatúns Föstudaginn 11. maí s.l. var dvalar- og hjúkrunarheimilinu Hjallatúni í Vík gefnar 2 súrefnissíur. Önnur stór til að staðsetja í herbergi sjúklings, og svo minni sem hægt er að ferðast með um hýbýli og einnig í bíl. Í minni súrefnissíunni er hleðslubatterí sem hægt er að hlaða inni og einnig með tengingu í kveikjara í bifreiðum. Þetta gerir þaða að verkum að einstaklingur sem þarf stöðuga súrefnisgjöf, hefur mun meira frelsi til athafna og ferðalaga en áður var mögulegt, og þarf ekki að óttast að súrefni klárist. Gefendur voru: afkomendur Margrétar Jónsdóttur og Tómasar Jónssonar, Lionsklúbbhurinn Suðri, Rauði Kross Íslands Víkurdeild, Kvenfélagið Ljósbrá, Kvenfélag Dyrhólahrepps og Kvenfélag Hvammshrepps.

14.05.07
Á förnum vegi

Í morgun hljóp skrifstofumaður hreppsins út í góða veðrið til að fá samþykki leikskólastjórans, sem var á göngu með nokkur leikskólabörn, á nokkrum reikningum.
Ekki er annað hægt að sjá en að skrifstofustarf sé unnið á ýmsum stöðum.

Ljósm.
Guðný Guðnadóttir

14.05.07 Fjöruferð Leikskólabörn skelltu sér á ströndina í síðustu viku.
Fleiri myndir

Vinnuskóli sumarið 2007

Unglingar fæddir 1991, 1992, 1993 og 1994 með lögheimili í Mýrdalshreppi, eiga rétt á vinnu í vinnuskólanum í sumar.
Unnið verður virka daga frá 08:30 - 12:00 og 13:00 - 16:30.
Unglingar fæddir 1994 vinna 4 tíma á dag.
Skráning er á skrifstofu hreppsins virka daga frá kl. 10:00 - 12:00 og
13:00 - 15:00 til 25. maí 2007.
Nánari upplýsingar veittar á skrifstofunni eða í síma 487-1210.

Sveitarstjóri

		10.05.07 Skilti lagað Mánudagskvöldið 8. maí s.l. fóru nokkrir félagar úr björgunarsveitinni Víkverja héðan úr Vík í nokkuð óvenjulega ferð. Var hún farin til að laga og færa til skilti sem hafði verið komið upp af lögreglunni við bílaplanið að Sólheimaskriðjökli. Við jökulinn hefur myndast íshellir þar sem jökulsáin hefur runnið undan jöklinum. Að sögn Einars Bárðarsonar formanns Víkverja skoðuðu félagarnir einnig umræddan íshelli. Eins og sést á sumum myndunum innan úr hellinum er hann ekki mjög þykkur á köflum og kemur birta mjög vel í gegnum ísveggina þar sem þeir er hvað þynnstir. Talsverð hætta er á hruni úr hellismunnanum og er bara spurning hvenær æði stórt stykki fyrir ofan munnann hrynur niður... Þeir félagar gengu frá skiltinu á nýjan stað þannig að enginn ætti að komast inn í hellinn án þess að sjá merkið við hellismunnann. Fleiri myndir....

Ljósmyndari:	Einar Bárðarson

Hreinsunardagur í Vík

Þriðjudaginn 22. maí nk.
verður tekið til á opnum svæðum í Vík.
Mæting við íþróttamiðstöðina kl. 19:30.
Hvetjum lóðarhafa, bændur og búalið til að laga til á lóðum / búum sínum.

Hreint land – fagurt land.

Umhverfis- og náttúruverndarnefnd Mýrdalshrepps.

Helgistund á Hjallatúni í Vík

Helgistund verður á dvalar- og hjúkrunarheimilinu Hjallatúni,
uppstigningardag, fimmtudaginn 17. maí n.k. kl. 15:00

Sóknarprestur

Guðsþjónusta verður í Víkurkirkju í Mýrdal,

sunnudaginn 20. maí n.k. kl. 14:00

Léttir sálmar og söngvar við allra hæfi
Kórar Víkur- og Skeiðflatarkirkna syngja undir stjórn Önnu Björnsdóttur
Páll Rúnar Pálsson syngur einsöng í einu lagi
Undirleikarar á hljóðfæri eru Kristín Björnsdóttir á orgel, Anna Björnsdóttir á gítar, Hróbjartur Vigfússon á gítar og Kristinn Jóh. Níelsson á gítar og fiðlu.

Fjölmennum til kirkju og eigum þar skemmtilega og notalega stund
áður en sumarleyfin hefjast að fullum krafti.
Sóknarprestur

Bingó!

Stórbingó Drangs verður í Leikskálum fimmtudaginn 17. maí kl. 20:00.

Nánar.....

Vortónleikar

Tónskóla Mýrdælinga verða haldnir í leikskálum miðvikudaginn 16. maí kl. 20:00

Fjölbreytt efnisskrá

Aðgangur ókeypis
Allir hjartanlega velkomnir

	10.05.07 Sauðburður í Fagradal er langt kominn. Tæpar 40 ær voru óbornar í gær miðvikudag. Að sögn Jónasar Erlendssonar er frjósemi með allra besta móti, 22 ær þrílemdar, 21 einlemd, 2 fjórlemdar og restin tvílemd þar af voru 7 einlembdar úr sæðinu. Jónas segir ennfremur að burðurinn hafi gengið í alla staði mjög vel, lömb fædd stór og hraust.


03.05.07 Geir H. Haarde í Mýrdalnum Jónas Erlendsson tók þessar myndir þegar formaður Sjálfstæðisflokksins Geir H. Haarde og þingmannsefni flokksins í Suðurkjördæmi borðuðu saman kvöldmat s.l. sunnudagskvöld, með sjálfstæðismönnum, á Ströndinni í Víkurskála.



	Ljósm. Jónas Erlendsson
	Ljósm. Jónas Erlendsson


02.05.07 Raularinn Raularinn var haldinn í ellefta sinn þann 30. apríl s.l. á Höfðabrekku. Undirbúningur umboðsmanna flytjenda hófst nokkrum dögum áður með skiltum og ýmsum skilaboðum. Raularadaginn sjálfan var svo mikið húllumhæ víða um þorpið. Umboðsmenn heimsóttu vinnustaði og kynntu sína sig og sína. Hæst bar þó raularakaffi Kaupþings-banka kvenna. Víkarar tala alltaf um að kökuborðið líti út eins og "meðal fermingarveisla" Öll þessi ellefu ár hafa banka-konur bakað og staðið fyrir raularakaffinu og allt á eigin kostnað. Bankinn býður upp á drykkjarföng þ.e. kaffi og safa. Heimsóknir í bankann á þessum degi undanfarin ár hafa farið í 180 manns en sló þó öll aðsóknarmet þetta árið, en yfir 200 manns fengu sér kökur og kaffi hjá þeim. Raularinn var svo haldinn með pompi og prakt um kvöldið. Umfjöllun um Raularann sjálfan kemur svo með myndum fljótlega. Fleiri myndir...


02.05.07 Súpufundur Jónas í Fagradal var á ferðinni þegar frambjóðendurnir í Suðurkjördæmi, nafnarnir Árni Mathiesen, fjármálaráðherra og Árni Johnsen í 2. sæti á lista Sjálfstæðisflokksins buðu upp á súpufund í hádeginu 26. apríl s.l. á Stöndinni í Víkurskála. Milli 40 og 50 manns mættu til fundarins		Ljósm. Jónas Erlendsson

25.04.07
Dagur umhverfisins

Dagur umhverfisins er haldinn hátíðlegur 25. apríl ár hvert, á fæðingardegi Sveins Pálssonar læknis í Suður-Vík. Sveinn (1762-1840) var fyrsti íslenski náttúrufræðingurinn og sá sem einna fyrstur hvatti til aðgerða gegn skógareyðingu á Íslandi og orðaði þá hugsun sem nú kallast sjálfbær þróun. Dagur umhverfisins verður að þessu sinni tileinkaður hreinni orku og loftslagsmálum.

Margvíslegan fróðleik um umhverfismál má finna á vef Námsgagnastofnunar, vef Staðardagskrár 21, og vef Orkuseturs.

23.04.07
Það er komið sumar....

Sumardagurinn fyrsti skartaði sínu fegursta þegar Björgunarsveitin Víkverji og Foreldrafélag Leikskólans Suður-Víkur stóðu fyrir opnu húsi hjá Björgunarsveitinni.
Ungir sem aldnir skoðuðu tæki og tól sveitarinnar og mátti sjá þar nokkra upprennandi björgunarsveitarmenn og konur.
"Hin ýmsu útköll" heyrðust af vörum barnanna sem "björguðu" hvert öðru úr miklum háska.

Fleiri myndir....

“Fjöldi fólks kom við hjá okkur og þáði kaffi og vöfflur” sagði Einar Bárðarson formaður Víkverja. Einnig fengum við óvænta gesti. Varðskipið Týr var fyrir utan Víkina og okkur datt í hug að bjóða þeim kaffi og það komu 5 skipverjar úr áhöfn Týs í land á léttbáti, og æfðu brimlendingu við Vík, og kíktu á okkur. Við þökkum þeim fyrir komuna, það var mjög gaman að fá þau.
”Dagurinn heppnaðist í alla staði mjög vel. Veðrið lék við gesti og börnin nutu sín í veðurblíðunni. Börnunum var boðið að fara á hestbak, andlitsmáling frá Félagsmiðstöðinni OZ var á staðnum og tæki Björgunarsveitarinnar voru til sýnis.
“Við fengum um 130 gesti til okkar í kaffi og vöfflur og það teljum við mjög gott” sagði Einar. Við viljum þakka foreldrafélaginu og Leikskólanum í Suður-Vík mjög gott samstarf, en mikil samvinna hefur verið milli Björgunarsveitarinnar og Leikskólans í vetur. Börnin eru farin að þekkja okkur og merki Slysavarnarfélagsins Landsbjargar, það er mikilvægt fyrir okkur öll” sagði Einar að lokum.

23.04.07
Nýr vefur umf Drangs og Dyrhólaeyjar

Umf Drangur og Dyrhólaey hafa opnað sameiginlega heimasíðu félaganna http://umf.vik.is/
Kristínu Marti er ýmislegt fleira til lista lagt annað en að kenna og þjálfa því hún hefur vandað mjög til heimasíðunnar og nýtur fulltingis Guðnýjar Sigurðardóttur.
Til hamingju umf Drangur og Dyrhólaey

23.04.07
För

Á dögunum var grein um För í aprílhefti tímaritsins ameríska Sculpture.
Greinin....

Steinunn Þórarinsdóttir var síðan á ferðinni með ameríska kvikmyndagerðarmenn sem voru að mynda verkið.

Ljósm. Þórir Kjartansson


30.04.07 Þessi umboðsmaður bauð upp á sáluhjálp að Sigtúni 2 sem er sýslumannshúsið !! Gríðarleg umferðarteppa myndaðist í Sigtúninu, öðrum íbúum til mikillar hrellingar !!!

23.04.07
Spennan magnast

þessa dagana í Mýrdalnum en þann 30. apríl nk. fer fram söngvakeppnin Raularinn á Hótel Höfðabrekku. Þetta er í 11. skipti sem þessi skemmtilega keppni fer fram og alltaf er hún haldin á þessum degi.
Sunnlenska tók á dögunum hús á Sveini Pálssyni sveitarstjóra og gítarleikara hljómsveitarinnar Granít....

Raularinn

Auglýsing

Útvarp Raularinn
FM 103,5

Útsendingin verður n.k. laugardag, sunnudag og mánudag og næst aðallega í Vík

Myndir fengnar hjá Lindu og Sigurði

23.04.07
Nýtt fyrirtæki í Vík

Sigurður B. Baldvinsson lögreglumaður í Vík og Linda G. Lorange hafa fest kaup á hundasleðafyrirtæki er ber heitið Dog Steam Tours og er eins og nafnið gefur til kynna er boðið upp á hundasleðaferðir sem farnar eru á Mýrdalsjökul.
Áætlað er að ferðirnar hefjist 1. júní n.k. og verða fram eftir hausti.
Þegar allt er komið í gang er stefnt að því að fara 3 ferðir á dag; kl. 11:00, 13:00 og 15:00.
Þau ætla sjálf að vinna við ferðirnar en hafa ráðið 2 dani í sumar til viðbótar til starfans.
Sigðurður og Linda hafa leigt gamla íbúðarhúsið að Eyjarhólum í þrjú ár undir aðsetur fyrirtækisins.
Að sögn Lindu "gjörsamlega rignir inn pöntunum alla daga og margar á dag þannig að það verður ekki áhyggjuefni að það verði ekkert að gera svona þegar að umhverfið og aðstaðan er komin á koppinn".
Hægt er að bóka ferðir á dogsled@simnet.is og upplýsingar fást einnig dogsledding.is

18.04.2007
Opið hús hjá OZ

Á dögunum var haldin samkoma í Félagsmiðstöðinni OZ í Vík, og var tilefnið tímamót í starfseminni, því þá lauk formlega þátttöku Víkurdeildar Rauða krossins í rekstrinum. Dagskrá kvöldsins var fjölbreytt og menningarleg. Ávörp voru flutt og síðan myndasýningar og tónlistaratriði í umsjá ungmenna. Mikið líf var í húsinu þetta kvöld, og ungir sem aldnir tóku þátt, hver á sinn hátt, enda aðstaða öll til mikillar fyrirmyndar.
Meira...

Ný stjórn umf Drangs

var kosin á aðalfundi Drangs sem haldinn var í Leikskálum 3. apríl s.l.
Nýja stjórn skipa:

Sveinn Þorsteinsson formaður
Kristín Marti Kasparsdóttir gjaldkeri
Elísabet Magnúsdóttir ritari

Meðstjórnendum Páll Tómasson og
Pálmi Kristjánsson

Vaxtarsamningur Suðurlands og Vestmannaeyja
Opinn kynningarfundur
Vaxtarsamningur Suðurlands og Vestmannaeyja
heldur opinn kynningarfund um mögulegt klasasamstarf og þátttöku
í Vaxtarsamningi
Þriðjudaginn 24. apríl kl. 15:30 á Hótel Höfðabrekku
Dagskrá:
Kynning á Vaxtarsamningi Suðurlands og Vestmannaeyja
Steingerður Hreinsdóttir, Verkefnastjóri, Atvinnuþróunarfélag Suðurlands
Klasar-tækifæri til samstarfs
Elvar K Valsson, Verkefnastjóri, Impra nýsköpunarmiðstöð
Hugarflug og skilgreining verkefnahugmynda
Sævar Kristinsson, framkvæmdastjóri, Netspor
Markmiðið er að heimamenn kanni ný tækifæri sem opnast hafa til klasasamstarfs
í tengslum við Vaxtarsamning Suðurlands og Vestmannaeyja
Allir áhugasamir um samvinnu eru hvattir til að mæta

Víkurkirkja í Mýrdal

Fermingarguðsþjónusta verður í Víkurkirkju
sunnudaginn 22. apríl 2007
kl. 13:30

Kórar Skeiðflatar- og Víkurkirkna syngja
undir stjórn Önnu Björnsdóttur
Organisti er Kristín Björnsdóttir

Haraldur M. Kristjánsson
sóknarprestur

Fermdir verða:

Arnar Snær Ágústsson
Suðurvíkurvegi 10 870 Vík

Hlynur Guðmundsson
Bakkabraut 4, 870 Vík

Viktor Smári Sigurjónsson
Mánabraut 12, 870 Vík

Byggðasafnið í Skógum - sumardagurinn fyrsti 2007

Hin árlega söngstund í Skógum verður sumardaginn fyrsta,
fimmtudagskvöldið 19. apríl n.k. kl. 20:30

Dagskráin hefst með stuttri helgistund í Skógakirkju
sem séra Haraldur M. Kristjánsson prófastur í Vík annast.

Síðan verður komið saman í gamla barnaskólahúsinu frá Litla-Hvammi í Mýrdal, þar sem gömul ættjarðar- og sumarlög verða leikin og sungin.

Kristín Björnsdóttir organist annast undirleik og stjórnar almennum söng viðstaddra, með kórfólk úr Mýrdal og undan Eyjafjöllum, í broddi fylkingar.

Eftir að raddböndin hafa verið þanin, bjóða safnið og kórfélagar upp á
kaffi og pönnukökur í Samgöngusafninu.

Mikilvægt er að allir sem unna söng í sumarbyrjun, láti sig ekki vanta
á þetta árvissa söngkvöld í Skógum.
Fjölmennum

Aðstandendur

mynd tekin af heimasíðu skogasafn.is

18. apríl 2007
Dósasöfnun

Í dag síðasta vetrardag ætla nemendur í 7. - 9. bekk að vera á ferðinni í Mýrdalnum og safna flöskum og dósum.
Andvirðið leggja þau í væntanlega námsferð til Danmerkur 6. - 14. september.

18. apríl 2007
Víkverji og foreldrafélag leikskólans

Á morgun, sumardaginn fyrsta, ætla björgunarsveitin Víkverji og foreldrafélag leikskólans Suður-Víkur að leiða saman hesta sína og vera með opið hús hjá björgunarsveitinni kl. 14:00

Boðið verður upp á andlitsmálningu fyrir börnin og þau sem það vilja geta fengið að fara á hestbak.
Tæki og tól björgunarsveitarinnar verð til sýnis og ætlar Víkverji að bjóða upp á kaffi og með því.

Fögnum sumri

Gleðilegt sumar

18. apríl 2007
Meistaraflokkur karla HK æfir í Vík í Mýrdal

Gunnar Guðmundsson þjálfari meistaraflokks karla HK leggur land undir fót í fyrramálið, að morgni sumardagsins fyrsta, og heldur í æfingabúðir til Víkur í Mýrdal. Þetta er í annað sinn á þremur árum sem slík æfingaferð er farin til Víkur og telur Gunnar að hér sé fínasta aðstaða til æfinga og dvalar með fótboltahópa.

"Við vorum í Vík fyrir tveimur árum og vorum mjög ánægðir með alla aðstöðu þar og þær móttökur sem við fengum," sagði þjálfarinn.
Gunnar kemur með stóran hóp austur, 26-28 leikmenn, eða alla þá sem skipa æfingahópinn um þessar mundir.

Að sögn Victors Berg æskulýðs- og tómstundafulltrúa Mýrdalshrepps hafa nú þegar margir hópar staðfest komu sína í æfingabúðir í apríl og maí.

Unnið af vef hk.is

Gunnar Guðmundsson

Miss Vík vann árið 2006	Raularinn 2007 í ellefta sinn á Höfðabrekku Raularinn er söngvarakeppni þar sem fólk stígur á stokk og syngur sín uppáhaldslög við undirleik hljómsveitar og keppir um titilinn “Besti raularinn”. Fyrirkomulag keppninnar er þannig að flytjandi velur sér listamannsnafn (dulnefni) fær sér umboðsmann sem sér um að kynna viðkomandi hér í byggðalaginu með öllum tiltækum ráðum fyrir keppni og á keppniskvöldinu. Umboðsmenn keppa síðan um titilinn “Besti umboðsmaðurinn”. Frá upphafi hafa keppendur oft lagt mikla vinnu í búninga og framkomu á sviði því hafa verið veitt verðlaun fyrir “Bestu sviðframkomuna og Besta búninginn” Nú stefnir í að Raularinn verði haldinn í ellefta sinn þann 30. apríl n.k. á Hótel Höfðabrekku. Þessi árvissi atburður síðustu tíu ára hefur alltaf verið haldinn 30. apríl (sama hvaða vikudagur er) á Hótel Höfðabrekku. Hljómsveitin Granít í Vík hefur síðustu sjö ár borið hitann og þungann af skipulagi og undirbúningi keppninnar ásamt því að sjá um undirleik og að leika fyrir dansi eftir að keppni lýkur. Þátttaka íbúa sveitarfélagsins hefur ávallt verið góð og að jafnaði hafa atriðin sem keppa verið tíu. Aðsóknin hefur verið góð á okkar mælikvarða eða tvöhundruð gestir að jafnaði. Þetta verður að teljast gott í byggðalagi sem telur fimm hundruð íbúa. Þeir sem vilja skrá sig í keppni er bent á að hafa samband hiða fyrsta við Kristján eða Unni á Dyrhólum í síma 899-5300 eða 486-1600
Björn Ægir "Umbinn" 2006
"Stautarnir"
"Golden chicks"	"Drangurinn"	Fjöldi þátttakenda er takmarkaður við 10 atriði	"Bara flottir"

27.03.2007
Ársþing USVS

Um fjörutíu manns sátu 37. ársþing USVS sem haldið var á Ströndinni í Vík 25. mars sl.
Á þinginu kom fram að mjög blómlegt starf hefur verið hjá sambandinu og aðildarfélögum þess á síðasta ári.
Sæmundur Runólfsson veitti Steinu Harðardóttur, fráfarandi stjórnarmanni USVS, starfsmerki UMFÍ og Engilbert Olgeirsson veitti þeim Sædísi Ívu Elíasdóttur, fráfarandi formanni USVS og Þorgerði Einarsdóttur, fráfarandi gjaldkera og framkvæmdastjóra USVS silfurmerki ÍSÍ.

Harpa Ósk Jóhannesdóttir var kjörin Íþróttamaður USVS 2006 og Arnar Snær Ágústsson var kjörinn Efnilegasti íþróttamaður USVS 2006.

Stjórn sambandsins veitti Kristínu Marti Kasparsdóttur, frjálsíþróttakonu og þjálfara, sérstaka viðurkenningu Eldhugi USVS 2006 fyrir frábært starf í frjálsum íþróttum.

Meira....

Dósasöfnun í Mýrdalshreppi
Vetrartiltekt!

Er ekki tilvalið að taka til fyrir sumardaginn fyrsta??
Væntanlegir Danmerkurfarar þ.e. krakkarnir í 7.,8. og 9. bekk Grunnskóla Mýrdalshrepps verða á ferðinni miðvikudaginn 18. apríl n.k. og losa ykkur við allar þær dósir sem þið viljið af hendi láta

Með fyrirfram þakklæti
Safnarar

Skeiðflatarkirkja í Mýrdal

Fermingarguðsþjónusta verður í Skeiðflatarkirkju
sunnudaginn 15. apríl 2007
kl. 13:30

Kórar Skeiðflatar- og Víkurkirkna syngja
undir stjórn Önnu Björnsdóttur
Organisti er Kristín Björnsdóttir

Haraldur M. Kristjánsson
sóknarprestur

Fermd verða:

Bergþór Bergsson
Vestri-Pétursey, 871 Vík

Elvar Orri Jóhannsson
Brekkum, 871 Vík

Gunnar Ólafsson
Giljum, 871 Vík

Gunnþór Bergsson
Vestri-Pétursey, 871 Vík

Ólöf Lilja Steinþórsdóttir
Ási, 871 Vík

Einar Guðni að smala	26.03.2007 Verðlauna- og viðurkenningarmyndir Hér eru verðlauna- og viðurkenningarmyndir frá Jónasi í Fagradal sem hann sendi í ljósmyndakeppni "Okkar manna" félags fréttaritara Morgunblaðsins 2005-2006. Einar Guðni að smala fékk 1. verðlaun fyrir Atvinnulíf Skýjahöll yfir Vík í Mýrdal fékk 1. verðlaun fyrir Náttúru og umhverfi og valin Besta mynd keppninnar Loðnuveiðar fékk viðurkenningu fyrir Fréttir Nánar má sjá í Morgunblaðinu í gær og í dag mánudag http://www.mbl.is/mm/frettir/innlent/frett.html?nid=1261011 Mbl.is - Frétt - Skýjahöll yfir Vík í Mýrdal valin mynd ársins	Skýjahöll yfir Vík
		Loðnuveiðar

Aðalfundur umf. Drangs
þriðjudaginn 3. apríl kl. 20:00
í Leikskálum

DAGSKRÁ:

1. Kjör fundarstjóra og ritara
2. Skýrsla stjórnar
3. Reikningar félagsins
4. Félagsgjöld
5. Kosningar
6. Sameining Drangur/Dyrhólaey
7. Önnur mál
Stjórnin

Félagar fjölmennum á fundinn

Guðsþjónustur í Víkurprestakalli í Mýrdal
bænadaga og páska 2007

Kæru sóknarbörn og þeir sem staddir verða í Vík á páskum.
Eftir guðsþjónustuna í Víkurkirkju á páskadagsmorgni kl. 08:00 er öllum viðstöddum boðið að þiggja morgunkaffi á prestssetrinu að Ránarbraut 7 í Vík
Hlökkum til að hitta ykkur

Haraldur M. Kristjánsson
sóknarprestur

Fjölmennum til kirkju á mestu hátíð kristninnar

Gleðilega
páska

	Skírdagur 5. apríl kl. 14:00		Páskadagur 8. apríl kl. 11:00
	Páskadagsmorgunn 8. apríl kl. 08:00		Páskadagur 8. apríl kl. 14:00

02.04.2007 Jónas lætur fólk hlaupa 1. apríl Jónas ljósmyndari í Fagradal tók sig til og lét mannskapinn hlaupa apríl. Eftirfarandi texti birtist: "Eins og sjá má á myndunum sem ég tók í morgun þá er komið mikið hlaupvatn í Múlakvísl og eru vegagerðarmenn hræddir um að þjóðvegur 1 þoli ekki álagið og fari í sundur austan við Múlakvíslar-brúnna í dag. Mikil brennisteinslikt er af ánni. Kv Jónas Erlendsson" Síðan birtist eftirfarandi texti: "Vegna óvenju mikilla viðbragða í morgun ætla ég að minna á að í dag er 1. apríl og það sem ég sendi frá mér í morgun er aprílgabb, myndirnar sem ég sendi með eru frá Skaftárhlaupum síðustu ára. Kveðja Jónas Erlendsson"
Apríl-gabb

19.03.2007
Mýrdalshreppur og Sjóvá-Almennar tryggingar hf., undirrita vátryggingasamning

Vátryggingasamningur var undirritaður nýverið milli Mýrdalshrepps og Sjóvár-Almennra trygginga hf.
Leitað var tilboða í tryggingar sveitarfélagsins og reyndist tilboð Sjóvár-Almennra hagstæðast. Gildistími samningsins er 5 ár.

Vátryggingasamningurinn tekur til allra trygginga s.s. brunatrygginga, húseignatrygginga, húseigendatrygginga, lausafjártrygginga, ábyrgðartrygginga bifreiðatrygginga og slysatrygginga starfsmanna og skólabarna.

Á myndunum sjáum við Jón Hróbjartsson viðskiptastjóra hjá Sjóvá-Almennum og Svein Pálsson sveitarstjóra undirrita og handsala samninginn.

Kirkjuskólinn í Mýrdal

Síðasta samvera kirkjuskólans í Mýrdal á þessum vetri,
verður í grunnskólanum í Vík

laugardaginn 31. mars 2007, kl. 11:15 - 12:00.

Fjölmennum og kveðjum Engilráð andarunga

og félaga hennar.

Sóknarprestur

Fréttatilkynning 15. mars 2007

Heimili og skóli óskar eftir tilnefningum til foreldraverðlauna
Foreldraverðlaun Heimilis og skóla – landssamtaka foreldra verða veitt 15.maí 2007 í 12. sinn. Að auki verða veitt hvatningarverðlaun til einstaklinga og skóla ef tilefni þykir til.
Meira.....

Aðalfundur Búnaðarfélags Dyrhólahrepps

verður haldinn þriðjudagskvöldið 27. mars
kl. 20:30
Venjuleg aðalfundarstörf
Önnur mál

Stjórnin

FÉLAGSMIÐSTÖÐIN OZ

Þri. 27. mars 2007 í Leikskálum kl. 19:00-21:00
Samstarfsverkefni Mýrdalshrepps og RKÍ Víkurdeildar um rekstur félagsmiðstöðvarinnar OZ lauk um áramótin. Af því tilefni viljum við þakka RKÍ fyrir samstarfið og bjóða alla hjartanlega velkomna í opið hús þriðjudaginn 27. mars.

Dagskrá hefst kl. 19:00

Vöfflukaffi OZ og sjoppan opin

FÉLAGSMIÐSTÖÐIN OZ http://oz.xblogg.is
Sími: 487 – 1210.

Fréttatilkynning
Suðurland – framtíðarlandið

Málþing á Hótel Selfoss/Selfossbíó
30. mars nk.

Föstudaginn 30. mars nk. verður haldið málþing á vegum Samtaka sunnlenskra sveitarfélaga í samvinnu við Atvinnuþróunarfélag Suðurlands, og Vinnumálastofnun á Suðurlandi.
Á málþinginu verður fjallað um framtíð Suðurlands, þau tækifæri sem svæðið býður upp á og hvernig best sé að nýta þau.

Meðal fyrirlesara verða: Andri Snær Magnason rithöfundur, Friðrik Sophusson forstjóri Landsvirkjunar, Friðrik Pálsson formaður stjórnar Vaxtarsamnings Suðurlands, Sigurður Jóhannesson Hagfræðistofnun H.Í., Unnur Brá Konráðsdóttir sveitarstjóri Rangárþings eystra, Jón Hjaltalín Magnússon verkfræðingur, Gunnar Steinn Pálsson framkvæmdastjóri, Sveinn Aðalsteinsson prófessor og Runólfur Ágústsson fyrrv. rektor.

Málþingið fer fram í stærri sal Selfossbíós og stendur frá kl. 11.00 – 16.00.

Orðsending

Vegna lækkunar virðisaukaskatts á matvælum úr 14% í 7% þann 1. mars sl. lækkar verð á máltíðum í mötuneyti Grunnskóla Mýrdalshrepps frá 1. mars og verður sem hér segir:

Nemendur í 1.-4. bekk greiða 187 kr.- fyrir máltíðina.

Nemendur í 5.- 10. bekk og starfsmenn greiða 210.- fyrir máltíðina

Vík í Mýrdal 9. mars 2007

Helga Halldórsdóttir
skrifstofustjóri

Ársþing USVS

Verður haldið sunnudaginn 25. mars. á Ströndinni í Víkurskála.
Þingið hefst kl. 10:00 og stendur fram eftir degi. Klukkan þrjú verður tilkynnt verður val á Íþróttamanni USVS 2006 en þar eru tilnefnd Guðlaug Lilja Sævarsdóttir, Gunnar Pétur Sigmarsson, Harpa Ósk Jóhannesdóttir og Sölvi Hrafn Sveinsson. Einnig verður tilkynnt val á Efnilegasta íþróttamanni USVS 2006 en þar eru tilnefnd Arnar Snær Ágústsson, Ágúst Þórður Sigurðarson, Elvar Orri Jóhannsson, Solveig Sigríður Gunnarsdóttir og Steinn Orri Erlendarson. Þingið sitja 34 fulltrúar aðildarfélaga USVS. Margt góðra gesta mætir á svæðið.

19.03.2007
Nýtt fólk í stjórn RKÍ Víkurdeildar

Á aðalfundi RKÍ Víkurdeildar 8. mars s.l. varð nokkur endurnýjun á fólki í stjórn.

Sveinn Þorsteinsson var kosinn formaður.

Guðmundur Vignir Steinsson og Símon Þór Waagfjörð meðstjórnendur og

Æsa Gísladóttir kosinn ritari.

Nýr skoðunarmaður var kjörinn Sigurður Hjálmarsson.

Af fyrri stjórn halda áfram Elsa G. Vilmundardóttir gjaldkeri og Gunnar Halldórsson skoðunarmaður.

Ljósm. Jóhanna F. Róbertsd.
Á myndinni eru:
Sig. Ævar Harðarson, Guðm.Vignir, Sigurður H., Helga Ólafsd., Sveinn Þ., Elsa G., Gunnar Halldórsson og Bárður Einarsson.
Á myndina vantar Símon Þ. Waagfjörð.

                     Leikfélag Menntaskólans að Laugarvatni kynnir leikritið:
                                        "Í fyrrasumar"
Það voru þær Jóhanna Friðrika Sæmundsdóttir og Hera Sigurðardóttir ásamt leikhóp skólans sem skrifuðu verkið.
Hér er á ferðinni stórskemmtilegur söngleikur með dramatísku ívafi í anda Grease sem inniheldur góðan húmor og skemmtilega leikburði. "Í fyrrasumar" er stórgóð sýning sem enginn ætti að láta framhjá sér fara.

Leikritið fjallar aðallega um tvo "vinsælu" vinahópana í menntaskóla á síðari hluta 7. áratugarins, sem kalla sig Munkana og Gylturnar. Þetta eru krakkar sem hafa gaman að lífinu og eru að þreifa fyrir sér í heimi ástanna sem getur bæði verið spennandi og erfitt.

Sýning verður í félagsheimilinu Leikskálum laugardaginn 24. mars kl. 16:00
                                       Miðaverð: 1500 fyrir 13 ára og eldri
                                                       1000 fyrir 5 - 12 ára
                                                       Frítt fyrir 5 ára og yngri

Sólheimakapella í Mýrdal

Guðsþjónusta verður í Sólheimakapellu í Mýrdal,

nk. sunnudag, 25. mars 2007, kl. 14:00.

Kristín Björnsdóttir leikur á orgel

og stjórnar almennum safnaðarsöng.

Fjölmennum

Sóknarprestur

Æskulýðshittingur

Laugardaginn 24. mars n.k. langar okkur að bjóða krökkum í hestamannafélaginu og öðrum sem hafa áhuga á hestamennsku að koma og hittast á Hótel Vík frá kl. 12:30 til 15:00 þar sem við ætlum að gera okkur glaðan dag, fara í leiki og kynna það sem framundan er hjá okkur í æskulýðsnefninni.

Hestamannafélagið Sindri.

Meira á www.hmf-sindri.bloggar.is

	15.03.2007 Vík – uppáhaldsstaðurinn! Í fasteignablaði Morgunblaðsins 12. mars s.l. var frábært viðtal Kristjáns Guðlaugssonar blaðamanns við Unni Elfu Þorsteinsdóttur á Dyrhólum. Fyrir þá sem ekki sjá Morgunblaðið er greinin nú sjáanleg hér á heimasíðunni. "Unni Elfu Þorsteinsdóttur þykir Vík í Mýrdal fallegasti staðurinn í heiminum og vill hvergi annars staðar búa. Þar segir hún að sé öflug félagsstarfsemi og að talsverð uppbygging hafi verið þar á síðustu árum."

14.03.2007 Æskulýðs- og fjölskylduguðsþjónusta með léttri tónlist var í Víkurkirkju s.l. sunnudag. Margt var um manninn og hafði eitt sóknarbarnið á orði eftir að hafa dáðst að ljósakrónu kirkjunnar að "hún passaði akkúrat í herbergið hennar" Nokkrir nemendur úr Grunnskóla Mýrdalshrepps leiddu sálmasöng og messusvör undir stjórn Önnu Björnsdóttur og lék Kristín Björnsdóttir á orgel kirkjunnar. Magdalena Katrín Sveinsdóttir söng einsöng í einum sálminum.

13.03.2007 Hjónabandið á Hjallatúni Hljómsveitin Hjónabandið stóð fyrir skemmtun á Hjallatúni 8. mars s.l. Heimilisfólk og um 20 gestir, aðstandendur og eldri borgarar nutu flutnings Hjónabandsins á söng og glensi og var kvöldstundin ákaflega ánægjuleg. Fleiri myndir....

Íbúafundur Green Globe 21
í Leikskálum 20. mars n.k.

Byggðasamlag Green Globe 21 í Rangárvalla- og Skaftafellssýslu boðar til íbúafunda til kynningar á Green Globe 21 verkefninu.
Sveitarfélög á svæði byggðasamlagsins,
auk Þjóðgarðsins Skaftafells,
eru þátttakendur í verkefninu.
Green Globe 21 eru alþjóðleg vottunarsamtök sem votta fyrirtæki í ferðaþjónustu og samfélög. Vottunarkerfið miðar m.a. að því að ná fram bættri frammistöðu í umhverfismálum,
sem leiðir til rekstrarsparnaðar
og bættrar samkeppnisstöðu svæðisins.
Meira.........

09.03.2007 Slökkviliðs "strákarnir okkar" Lítil umfjöllun hefur verið um slökkvilið okkar Mýrdælinga. Sem betur fer finnst okkur. Fæstir vita að þessir frísku og fersku menn hittast alltaf á miðvikudagskvöldum í Íþróttamiðstöðinni og æfa saman. Farið er í þrek og þol og sérhanna þeir félagar þrautabrautir til að erfiða meira. Töluverð nýliðun hefur orðið í slökkvliðinu að undanförnu. Frá síðasta ári hafa bæst við 7 nýir menn. Af því tilefni kom Brunamálastofnun með námskeiðið Slökkviliðsmaður I – Grunnnám til Víkur helgina 3. og 4. mars s.l. Leikskálar voru m.a. reykfylltir og ”strákarnir okkar” sendir inn. Frá síðasta ári bættust við slökkviliðsstjóri, Ágúst Freyr Bjartmarsson og varaslökkviliðsstjóri, Ívar Páll Bjartmarsson. Aðrir nýliðar eru: Kristján Kristjánsson (Dyrhólum), Ólafur Ögmundsson, Jóhann Vignir Hróbjartsson, Páll Tómasson, Stefán Kjartansson, Guðmundur Vignir Steinsson og Victor Berg Guðmundsson. Fyrir voru: Grétar Einarsson, Jóhann Einarsson, Jón Hjálmarsson, Ólafur St. Björnsson, Pálmi Sveinsson, Smári Tómasson, Vigfús Páll Auðbertsson og Sigurður Gýmir Bjartmarsson. Í síðasta útkalli slökkviliðsins uppgötvaðist að engin teppi voru í slökkvibílnum, Kaupþing banki var ekki lengi að bregðast við og styrkti slökkviliðið um 10 flísteppi. Einn nýliðinn, Kristján Kristjánsson, hafði samband við slökkvilið höfuðborgarsvæðisins og næsta dag var komið loforð um 6 notaða galla og jafnmörg pör af stígvélum.				Páll Tómasson gerir sig kláran fyrir reykköfun Ljósmyndir teknar á gsm síma Jónasar í Fagradal þegar hann var á ferðinni eitt miðvikudagskvöld í þrektíma slökkviliðsins.
Victor Berg á ferð...	Slökkviliðsstjórinn á klukkunni	Kristján á flugi....	...... og skriði

Reyniskirkja í Mýrdal

Guðsþjónusta verður í Reyniskirkju í Mýrdal,

nk. sunnudag,
18. mars 2007, kl. 14:00.

Kristín Björnsdóttir leikur á orgel og stjórnar almennum safnaðarsöng.

Fjölmennum til kirkju

á 4. sunnudegi í föstu.

Sóknarprestur

Aðgangur ókeypis og allir hjartanlega velkomnir

Sköpunartónleikar

í Leikskálum laugardagskvöldið
17. mars kl. 20:00

Nánar auglýst síðar

06.03.2007 Stóra upplestrarkeppnin Stóra upplestrarkeppnin í 7. bekk verður haldin í ellefta sinn á Hellu 7. mars n.k. Verkefnið hófst að vanda með samstilltu átaki í öllum þátttökubekkjum á degi íslenskrar tungu, 16. nóvember. Frá þeim degi og fram í mars hefur umsjónarkennari 7. bekkjar, Elín Einarsdóttir, lagt sérstaka rækt við vandaðan upplestur og framsögn í bekk sínum. Verkefninu lauk síðan í gær með skólakeppni í Víkurskóla og voru 2 aðilar valdir úr hópnum og einn til vara, til að vera fulltrúar skólans í héraðskeppninni. Í 7. bekk eru: Birkir Grétarsson, Guðlaug L. Sævarsdóttir, Ingibjörg Matthíasdóttir, Jóna Þórey Árnadóttir, Magdalena K. Sveinsdóttir, Ragnar Kristinsson, Sólon Jóhannsson og Vigdís Eva Steinþórsdóttir. Sólon var fjarri góðu gamni vegna veikinda. Foreldrum, fyrri keppendum í 8. bekk og verðandi keppendum í 6. bekk var boðið til upplestrarins. Skólakeppnin fór fram í 3 liðum. Krakkarnir lásu fyrst ljóð sem þau höfðu valið, texta úr bók og svo aftur ljóð. Í dómnefnd sátu: Kolbrún Hjörleifsdóttir skólastjóri, Helga Viðarsdóttir skólaliði og Gunnar Halldórsson kennari. Kolbrún sagði eftir upplesturinn að nefndin hefði verið í vanda eftir upplesturinn þar sem krakkarnir hefðu öll staðið sig mjög vel. Á endanum hefðu þau þó ákveðið að Vigdís Eva og Magdalena Katrín færu sem fulltrúar skólans og Birkir til vara.
	Ljósm. Grétar Einarsson

05.03.2007
Auglýst eftir hugmyndum

Nú er leitað eftir hugmyndum að nöfnum á deildirnar í leikskólanum Suður – Vík.
Deildirnar eru tvær og eru á efri og neðri hæð hússins.
Þar sem húsnæðið er orðið gamalt og á sér langa og merka sögu, þykir við hæfi að fanga verði leitað í örnefni úr nágrenninu.
Þeir sem vilja koma hugmyndum á framfæri geta sent leikskólastjóranum tölvupóst á
leikskoli@vik.is fyrir 1. apríl.


		27.02.2007 Öskudagur í leikskólanum Suður-Vík var með heldur óvenjulegu sniði í ár. Krakkarnir komust ekki út vegna (ó)veðurs en ekki er annað að sjá að þau hafi átt ljúfan dag inni við. Leikskólastjórinn tók myndirnar.

Víkurkirkja í Mýrdal

Æskulýðs- og fjölskylduguðsþjónusta með léttri tónlist verður í Víkurkirkju í Mýrdal, sunnudaginn 11. mars 2007 kl. 14:00
Nokkrir nemendur úr Grunnskóla Mýrdalshrepps leiða sálmasöng og messusvör undir stjórn Önnu Björnsdóttur.
Kristín Björnsdóttir leikur á orgel kirkjunnar.

Ég hvet sóknarbörn mín ásamt þeim sem eru gestkomandi og eða leið eiga um Mýrdalinn næsta sunnudag að fjölmenna í Víkurkirkju
af þessu skemmtilega tilefni.
Fermingarbörn og foreldrar þeirra sérstaklega hvött til að mæta.
Haraldur M. Kristjánsson sóknarprestur

27.02.2007
Áhorfendur í röð

Bragi og Stebbi, starfsmenn Mýrdalshrepps, fengu góðan liðsstyrk í áhorfi þegar þeir voru að setja upp grindverk á leikskólanum Suður-Vík í morgun.

Ljósm. Aðalheiður

Aðalfundur RKÍ Víkurdeildar
verður haldinn fimmtudaginn 8. mars
2007 kl. 20:30
á Ströndinni í Víkurskála.

Fundarefni:

1. Venjuleg aðalfundarstörf
2. Önnur mál.
Stjórn RKÍ Víkurdeild


23.02.2007 Grímuball var að venju haldið í Leikskálum í Vík á öskudagskvöld. Unglingar á öllum aldri mættu og skemmtu sér saman. Alltaf er fjölmenni á þessum böllum og ár eftir ár er ríkt ímyndunarafl og hugmyndaauðgi í heimatilbúnum búningum. Á ballinu sást evra, kaffipoki, blöðrustelpa, ís-birnir, mexikani, vampíra, múmía ofl. ofl. Allir krakkar 8 ára og yngri fengu verðlaun. Einnig voru veitt verðlaun fyrir flottustu og frumlegustu búningana. - Eftir því tekið ef einhver mætir grímubúningslaus. Fleiri myndir....

23.02.07 Öskudagur í Vík var hvass og kaldur að þessu sinni. Foreldrar gripu inn í aðstæður og óku hópum á áfangastaði. Þrátt fyrir hálfgert óveður var gestkvæmt á skrifstofu hreppsins eins og sjá má af meðfylgjandi myndum. Sumir hópar voru þó í eldri kantinum en fengu nammi eins aðrir að loknum söng. Fleiri myndir...

23.02.07 Skuggsýnt í Víkurþorpi Í gær var heldur skuggsýnt í Víkinni þar sem moldrok og sandur gekk yfir þorpið. Ýmsir halda því fram að Mýrdalssandur hafi nú flutt sig um set. Myndirnar eru teknar út um gluggann á skrifstofu hreppsins.

22.02.2007
kl. 12:00

Jónas í Fagradal var að senda okkur þessa símamynd sem segir meira en mörg orð.

20.02.2007 Þorrablót á Eyrarlandi var haldið laugardaginn 17. febrúar s.l. og var að venju mikið fjör. Nefndina skipuðu: Jónas og Ragna í Fagradal formenn, Guðni og Halla í Þórisholti og Finnbogi (á Fossi). Heyrst hefur að nýbúarnir á Fossi hafi fengið "nokkur skotin". En Ingi Már og Hjördís Rut fá að starfa í næstu nefnd ásamt Óla og Birnu á Giljum og Ingvari og Carinu á Höfðabrekku. Magnús Kjartansson spilaði fyrir dansi og veislumaturinn kom frá Veisluþjónustunni á Selfossi. Þar sem ljósmyndarinn var upptekinn í formennsku tók sonur hans Sævar við myndatökunni. Fleiri myndir...

Skeiðflatarkirkja í Mýrdal

Í tilefni af æskulýðsdegi Þjóðkirkjunnar verður fjölskylduguðsþjónusta með léttri tónlist

í Skeiðflatarkirkju í Mýrdal,
sunnudaginn 4. mars 2007 kl. 14:00.

Kristín Björnsdóttir organisti leikur undir og stjórnar almennum söng.
Nemendur Tónskóla Mýrdalshrepps koma fram og leika á hljómborð undir stjórn skólastjóra skólans, Kristins Níelssonar.

Eftir guðsþjónustuna verður kvenfélag Dyrhólahrepps með kaffisölu í Ketilsstaðaskóla
til styrktar Skeiðflatarkirkju.

Ég hvet sóknarbörn mín, alla velunnara Skeiðflatarkirkju ásamt þeim sem leið eiga
um Mýrdalinn á þessum degi, að fjölmenna í kirkjuna af þessu hátíðlega tilefni.
Fermingarbörn og foreldrar þeirra sérstaklega hvött til að mæta.
Sóknarprestur

16.02.07 Sunnudaginn 11. febrúar var haldin guðsþjónusta í Víkurkirkju með heldur óvenjulegu sniði. Kórar Víkur- og Skeiðflatakirkju leiddu söng og hluti nemenda í Tónskóla Mýrdalshrepps sóttu kirkjuna heim ásamt skólastjóra sínum Kristni Níelssyni, og spiluðu undir á rafmagnsgítara, bassa og trommur. Skemmtileg stemming myndaðist og kunnu kirkjugestir vel að meta þetta einstaka uppbrot. Fleiri myndir...		Ljósm. Guðlaug Guðmundsdóttir

Auglýsendur VITANS vinsaml. athugið!

Útkoma VITANS fellur niður næstu tvær vikur, þ.e. miðvikudagana 21. og 28. febrúar.
Ekki er annað vitað á þessari stundu en að útkoma hans verði óbreytt frá því.
Leitið upplýsinga í síma 487-1299 eða 487-1429

SÆUNN/VITINN

Fundur um skólamál

Mánudaginn 26. febrúar kl. 20:30 verður fundur um skólamál í Leikskálum.

Frummælendur eru:

Kristinn Kristjánsson sérfræðingur á kjarasviði Sambands íslenskra sveitarfélaga.
Svandís Ingimundardóttir, þróunar- og skólafulltrúi Sambands íslenskra sveitarfélaga
Sólrún Kristinsdóttir og Edda Kjartansdóttir frá Símenntun-Rannsóknir-Ráðgjöf, Kennaraháskóla Íslands

Fundurinn er öllum opinn

Mýrdalshreppur

DAGSKRÁ

Stjörnuhelgi í Þórbergssetri

Bókmenntir og vísindi
Fyrirhugað er að halda stjörnuhelgi í Þórbergssetri dagana 24. – 25. febrúar. Dagskráin er unnin í samvinnu við Snævarr Guðmundsson fjallaleiðsögumann, náttúruunnanda og ljósmyndara sjá www.snaevarr.com
Snævarrr kemur með stórt stjörnuver með sér á staðinn og þátttakendur fá að fara inn í verið og fara í ferðalag um himingeiminn undir leiðsögn hans. Einnig verður farið í kvöldgöngu ef að veðrið verður gott og skyggnst um óravíddir himingeimsins. Snævarr ætlar síðan að flytja fræðsluerindi um norðurljósin kl 11:00 á sunnudeginum. Tengja á dagskrána bókmenntum Þórbergs með upplifun og upplestri úr verkum skáldsins.

Meira....

Reyniskirkja í Mýrdal

Guðsþjónusta verður í Reyniskirkju í Mýrdal,

nk. sunnudag, 25. febrúar 2007, kl. 14:00.

Kristín Björnsdóttir leikur á orgel og stjórnar

almennum safnaðarsöng.

Hvet alla Mýrdælinga

til að fjölmenna í guðsþjónustuna.

Sóknarprestur

			Þorrablót á Ketilsstöðum 3. febrúar s.l.
08.02.07 Bráðavakt Búnaðarfélagsins Búnaðarfélag Dyrhólahrepps hélt Þorrablót um s.l. helgi og var umgjörðin um blótið "Bráðavakt Búnaðarfélagsins". Fuglaþema var í skreytingum, annars vegar vegna yfirvofandi fuglaflensu sem gæti herjað á fiðurfénað sem og aðra furðufugla og einnig var komið inn á hið dularfulla hvarf kríunnar úr Dyrhólaey. Þá voru leikin voru lög eftir Elton John undir borðum. Fluttur var hefðbundinn annáll og yfirlit yfir helstu þætti mannlífsins. Ljósmyndarar voru ýmsir úr nefndinni. Fleiri myndir........ Nefndarsöngurinn...... Söngur kríunnar........

Ljósm.I.Sch	08.02.07 Breytt götumynd Sunnubrautin í Víkinni hefur tekið á sig allt aðra og glæsilega mynd á undanförnum mánuðum og er gleðilegt til þess að hugsa að svona mikil uppbygging skuli eiga sér stað í okkar litla bæjarfélagi. Nýjasta húsið hefur litið dagsins ljós því s.l. miðvikudag kom 4 manna hópur húsasmiða frá SG húsum til að reisa myndarlegt hús þeirra Guðmundar Vignis og Kolbrúnar Óskar Guðjónsdóttur. Að undanförnu hafa risið hús séð frá vestri til austurs; hús Eggerts Skúlasonar, þá hús þeirra Kolbrúnar og Guðm. Vignis, hús Guðrúnar Hildar og Ólafs Ögmundssonar og þá hús Hafdísar Eggertsdóttur og Sveins Þorsteinssonar. Til hamingju !

GRÍMUBALL

Öskudag, 21. febrúar 2007 verður hið árlega
grímuball OZ í Leikskálum.

Meira...

15.02.07
Vitinn
verður í breyttu formi þessa viku - en af óviðráðanlegum ástæðum var hann ekki sendur vefstjóra í PDF formi eins og áður.
Vonandi verður þessu kippt í liðinn hið fyrsta.

Vefstjóri

	07.02.07 Sauðfé heimt á þorra 10 kindur fundust þegar farið var skyggnast um í Svínatungum og Koltungum í Mýrdal. Þetta voru að mestu leyti lömb en þó voru tvær fullorðnar kindur í hópnum. Kindurnar voru frá þremur bæjum; Litlu Heiði, Giljum og Norður Fossi. Á myndinni efri t.h. er Ólafur Steinar Björnsson bóndi á Reyni að reyna að fá þrjár þeirra til að stökkva fram af kletti sem þær höfðu stoppað uppi á og þá kom fjallastöngin sér vel. Á neðri myndinni t.v. eru Ólafur St. og Grétar Einarsson bóndi í Þórisholti með einn af lambhrútunum í sauðbandi. Kindurnar voru farnar að leggja af en vel frískar á fæti. Á hinum myndunum eru Ragna í Fagradal og Grétar Einarsson. Fleiri myndir.....

Auglýsing frá USVS

Seinni umferð í innanhúsmóti USVS í knattspyrnu verður í Vík laugardaginn
17. febrúar og hefst kl. 10:00
Einnig verður seinni umferðin í körfunni afgreidd á laugardaginn en einungis tveir leikir verða spilaðir.

Meira

Þorrablót Eyrarlandi

verður haldið laugardaginn
17. febrúar n.k.

Þátttaka tilkynnist fyrir mánudag
12. febrúar í símum:

893-7205 Jónas
868-7897 Guðni
892-5753 Finnbogi

Hlynur, Ólöf og Elvar kynnar kvölds	Anna Björk Sig.	Arnar Snær Ág.	Dómnefndin	Epoxy ásamt Rögnu Björgu
Harpa	05.02.07 Söngkeppni félagsmiðstöðva á Suðurlandi Það fór ekki fram hjá neinum að íbúafjöldi Víkurkauptúns rúmlega tvöfaldaðist um síðustu helgi. Við fengum 15 félagsmiðstöðvar í heimsókn og var fjöldi þátttakenda og gesta um 500 talsins. Ástæðan? Jú, félagsmiðstöðin OZ hélt Undankeppni í Söngkeppni Samfés. Allir keppendur stóðu sig mjög vel og voru sínum félagsmiðstöðvum til sóma með frábær atriði. Í þetta skipti komust Félagsmiðstöðin á Hellu, Fjörheimar-Reykjanesbæ, Skjálftaskjól-Hveragerði, Bólið-Mosfellsbæ og Tvisturinn-Hvolsvelli áfram í aðalkeppnina. Arnar Snær Ágústsson og Anna Björk Sigurðardóttir tóku þátt fyrir hönd OZ og stóðu sig með mikilli prýði. Það var sýnilegt og umtalað af þjónustuaðilum og íbúum í Vík að unglingarnir hafi verið kurteisir og jákvæðir. Það er mikilvægt að við vinnum saman og leggjum árherslu á faglegt tómstundastarf þar sem lögð er áhersla á forvarnir, fræðslu og örvun félagsþroska og jákvæðra samskipta. Meira.... Fleiri myndir.....

Víkurkirkja í Mýrdal

Guðsþjónusta með léttri tónlist og söngvum

verður í Víkurkirkju í Mýrdal

sunnudaginn 11. febrúar 2007 kl. 14:00.

Kristinn Níelsson skólastjóri Tónskóla Mýrdalshrepps

og nemendur tónskólans munu leika undir í lögunum

ásamt Kristínu Björnsdóttur organista.

Kirkjukórar Víkur- og Skeiðflatarkirkna

munu leiða sönginn undir stjórn Önnu Björnsdóttur.

Fjölmennum til kirkju og
syngjum Drottni lofgjörð og þökk.

Fermingarbörn og foreldrar
í öllum sóknum prestakallsins

sérstaklega hvött til að mæta í Víkurkirkju.

Sóknarprestur

Víkurdeild

Námskeið fyrir heimsóknavini

verður haldið á Ströndinni í Víkurskála
miðvikudaginn 14. febrúar n.k.
kl. 18-21 ef næg þátttaka fæst.

Umsóknir verða að berast fyrir 9. febrúar n.k.

Nánari upplýsingar um námskeiðið fást hjá
Áslaugu í síma 487-1227 og
Elsu í síma 487-1482 eða 848-3826

Víkurdeild Rauða krossins


05.02.07 Þorrablót í Suður-Vík Haldið var þorrablót í Leikskólanum Suður-Vík í síðustu viku. Ekki er hægt að sjá annað en að yngsta kynslóðin njóti matarins. Hjördís Rut tók þessar myndir af því tilefni. Fleiri myndir....

01.02.07
Nýir menn við stjórnvölinn hjá slökkviliðinu.

Bræðurnir Ágúst Freyr og Ívar Páll Bjartmarssynir hafa tekið við stjórn slökkviliðsins af Jóni Hjálmarssyni sem settist í aftursætið um áramótin.
Verið er að æfa nýja slökkviliðsmenn og fyrirhugað er að endurnýja vatnsbíl liðsins á árinu.

31.01.07
Keppendur frá USVS standa sig frábærlega
á Stórmóti ÍR.

Segja má að áhugi á frjálsum íþróttum hafi glæðst allverulega að undanförnu.
Ýmsu má það þakka, glæsilegri íþróttaaðstöðu sem við eigum hér í Vík og ekki síst Kristínu Martí Kasparsdóttur þjálfara með meiru.
Við eigum marga krakka sem eru ekki einungis hæfileikaríkir heldur sem eru líka áhugasamir og eru tilbúnir að leggja sig fram í æfingum.
Þau sýna það og sanna á hverju mótinu á fætur öðru að þau eru sjálfum sér og okkur til mikils sóma.
Helgina 20. - 22. janúar s.l. fór nokkuð stór hópur héðan úr Mýrdalnum á Stórmót ÍR er haldið var í Laugardalshöll....

Úrslit þátttakenda frá USVS á Stórmóti ÍR 20. - 22. janúar 2007 Meira....


24.01.07 Þorrablót Víkurbúa og vina 2007 var haldið í Leikskálum í Vík 20. janúar s.l. Þema blótsins var Horft til framtíðar, Vík á álöld. Af mörgu var að taka hvað varðar annál síðasta árs s.s. afhjúpun af minnisvarðanum FÖR. Af því tilefni var sveitarstjóranum færð gríðarmikil og þung "gull" keðja sem honum er ætlað að bera við opinberar athafnir. Þessi mikli gripur prýðir nú vegg skrifstofu Mýrdalshrepps, gestum og gangandi til mikillar gleði. Vel á annað hundrað manns sótti blótið sem þótti takast gríðarvel. Sjá fleiri myndir:

Nefndina skipuðu:

Helga og Sigurgeir formenn
Hildigunnur og Victor
Ragga og Tryggvi
Hafdís og Matti
Naní og Smári
Helga og Gylfi
Guðrún Ólafs og
Guðný Guðna

Ný nefnd fyrir árið 2007 var skipuð með lífsins "elixir" að hætti sr. Sigurgeirs og hana skipa:

Anna Birna og Sigurður formenn
Kolbrún Ósk og Guðm.Vignir
Kristín og Björn Hallmundur
Helga og Ögmundur
Gunnsa og Emmi
Áslaug og Siggi
Vilborg og Elli

25.01.07
Vaxtarsprotar

Impra nýsköpunarmiðstöð og Framleiðnisjóður landbúnaðarins, í samvinnu við Búnaðarsamband Suðurlands og Atvinnuþróunarfélag Suðurlands, munu í næstu viku ýta úr vör nýju þróunarverkefni. Verkefnið, sem nefnt er Vaxtarsprotar, hefur það að markmiði að hvetja og styðja við fjölbreytta atvinnusköpun í sveitum.
Verkefnið verður kynnt á tveimur kynningarfundum á Suðurlandi í næstu viku.
Fyrirlesarar eru m.a. Elín Aradóttir, verkefnisstjóri hjá Impru nýsköpunarmiðstöð, Jóhannes Kristjánsson, ferðaþjónustubóndi á Höfðabrekku í Mýrdal, sem segir frá reynslu sinni og gefur góð ráð og Andri Snær Magnason rithöfundur.

Meira.....

Víkurdeild

UNDANKEPPNI SÖNGKEPPNI
SAMFÉS 2007
SUÐURLANDSKEPPNI
HALDIN Í VÍK Í MÝRDAL 3. - 4. FEBRÚAR

Félagsmiðstöðin OZ heldur um næstu helgi Undankeppni Söngkeppni Samfés. Við fáum 15 félagsmiðstöðvar í heimsókn. Áætlaður fjöldi verður um 450 manns. Undirbúningur stendur yfir og er gert ráð fyrir að hafa fjölbreytta og skemmtilega afþreyingu alla helgina. Arnar Snær Ágústsson og Anna Björk Sigurðardóttir taka þátt fyrir hönd OZ.

Yngri hópur OZ (5. - 7.bekkur) er auðvitað velkominn á söngkeppnina í fylgd með fullorðnum,
en verða svo að fara þegar ballið byrjar um kl. 23:00.
Söngkeppnin byrjar kl. 20:30
á laugardagskvöldinu í íþróttamiðstöðinni.
Hljómsveitin Epoxy spilar á ballinu. http://www.blog.central.is/epoxy

Nánari dagskrá....

Íþrótta- og þreksalurinn verður lokaður alla helgina og má búast við miklum fjölda gesta í sundlauginni þessa helgi.

Sjálfboðaliðar óskast!
Áhugasamir hafi samband við Victor Berg - Æskulýðs og tómstundafulltrúa sem fyrst í síma 821-3181


Ljósm. Hjördís Rut	15.01.07 "Ormarnir" á neðri hæðinni Hjördís Rut sendi myndir af ormunum sínum á neðri hæðinni í Leikskólanum Suður-Vík, en þau voru að mála á spegil þann daginn með raksápu. Þetta eru Tara Karítas Óðinsdóttir, Sebastían Már Ingvarsson og Eva María Ólafsdóttir Kolbeins. Nú er spurning hvort við veitum ekki feðrum barnanna sérstaka athygli næstu daga hvað varðar rakstur ??

Þorrablót

Kvenfélag Hvammshrepps heldur sitt árlega Þorrablót í Leikskálum
laugardaginn 27. jan. n.k. kl. 12:00
Allir Mýrdælingar 67 ára og eldri ásamt mökum og kvenfélagskonur og fjölskyldur þeirra
eru boðin velkomin.
Mætum öll og eigum saman
notalega stund á Þorra

Nefndin

Munum eftir
að gefa
smáfuglunum

Skeiðflatarkirkja í Mýrdal
Guðsþjónusta verður í Skeiðflatarkirkju í Mýrdal, sunnudaginn 28. janúar n.k. kl. 14:00
Kirkjukórar Skeiðflatar- og Víkurkirkna syngja undir stjórn Önnu Björnsdóttur.
Organisti er Kristín Björnsdóttir.

Kirkjukórarnir hafa ákveðið að syngja saman við athafnir í vetur og styrkja þannig sönglífið í kirkjunum.
Allir Mýrdælingar eru hvattir til að fjölmenna í fyrstu guðsþjónustu á nýju ári þar sem samvinna og styrkur sóknanna í Mýrdal er leiðarljósið.
Fermingarbörn og foreldrar þeirra eru
sérstaklega hvött til að mæta

Sóknarprestur


15.01.07 FÖR Styttan hennar Steinunnar "FÖR" finnst Þóri N. Kjartanssyni mjög skemmtilegt myndefni við allskonar skilyrði. Þórir þessar myndir eitt kvöldið skömmu fyrir jól. Steinunn ætlar að nota þær í kynningarefni vegna sýningarinnar, Palm Beach Art Fair í Flórida, þar sem hún verður þátttakandi.


17.01.07 Fjör á Norðurvíkurtúni Björgunarsveitin Víkverji mætti í Norðurvíkurtúnið í Vík s.l. sunnudag með snjóbíl og snjósleða til að flytja börnin upp brekkuna sem þau svo renndu sér aftur niður. Þar mátti sjá ýmis tæki til að renna sér á eins og Stiga-sleða, skíði, bretti og bílslöngur. Fjöldi manns naut útiveru í veðurblíðunni af þessu tilefni.
	Ljósm. Sig. Hjálmarsson

	15.01.07 Vélsleða bjargað á land Jónas Erlendsson tók þessar myndir 7. janúar s.l. þegar snjósleðamaður úr Vík tapaði sleða sínum í tveggja metra djúpt vatn í Höfðabrekku-tjörnum og varð hann að synda til lands. Myndirnar voru teknar þegar sleðanum var bjargað í land. Sjá fleiri myndir: http://www.pbase.com/fagradal

15.01.07 Hvalreki Langreyð rak á land í Sólheimafjöru í Mýrdal. Hún var í kring um 14 metrar á lengd, og að sögn Magnúsar Snorrasonar bónda í Sólheimahjáleigu hefur hún rekið milli jóla og nýárs. Sjá fleiri myndir: http://www.pbase.com/fagradal