| 09.01.07 Tilkynning frá vefstjóra Gleðilegt ár og kærar þakkir fyrir allt gamalt og gott. Undirrituð hefur verið í veikindaleyfi frá 12. desember s.l. sem útskýrir þá þurrð er verið hefur á fréttatengdu efni. Fljótlega verður þó breyting á og ég kem tvíefld og vel fréttaþyrst til starfa. Með kærri kveðju Inger Schiöth |
|
28.12.06 Fjárhagsáætlun 2007 afgreidd Fjárhagsáætlun Mýrdalshrepps fyrir árið 2007 var afgreidd á fundi sveitarstjórnar þann 21. des. s.l. Gert er ráð fyrir að álagningarhlutföll verði eftirfarandi: Útsvar: 13,03% (óbreytt frá fyrra ári) Fasteignaskattur: A-flokkur: 0,59% (lækkar um 5% frá fyrra ári) B-flokkur 0,88% (skv lögum nr. 140/2005) C-flokkur 1,57% (lækkar um 5% frá fyrra ári) Lóðarleiga: 1% af fasteignamati lóðar (óbreytt frá fyrra ári). Holræsagjald: 0,15% af fasteignamati húss og lóðar (óbreytt frá fyrra ári. Vatnsgjald: kr. 7.150 á hús (hækkun um 10,7% frá fyrra ári). Gert er ráð fyrir að breyta afsláttarreglum fyrir aldraða og öryrkja þannig að þær falli betur að nýju innheimtukerfi. Gert er ráð fyrir 6 mkr framlagi til rekstrar Hjallatúns. Gjaldskrá leikskóla hækkar sem nemur hækkun vísitölu en gjaldskrá tónskóla um 10%. Árgjald bókasafns verði kr. 1.000,- Gert er ráð fyrir aukinni samkennslu í grunnskólanum. Dregið verður úr opnunartímum íþróttamiðstöðvar yfir vetrarmánuðina. Fjárhagsáætlun 2007 gerir ráð fyrir að heildartekjur verði um 235,0 millj. kr. rekstrargjöld um 223,0 millj. kr. og fjármagnsliðir neikvæðir um 11,8 millj. kr. Launagreiðslur eru áætlaðar um 129,2 millj. kr. sem er um 9% hækkun frá fyrra ári. Afborganir lána verða 12,4 millj. kr og gert er ráð fyrir nýjum lántökum sem nemur 12 millj. kr. Gert er ráð fyrir fjárfestingum sem nemur 16,9 millj. kr. Þar má nefna framkvæmdir við nýja götu í Suður-Víkur túni, viðgerðir á þaki grunnskólans, fráveituframkvæmdir og klæðningu útveggja áhaldahúss. Í samræmi við 5. gr. nýrra laga um fjármál stjórnmálasamtaka er gert ráð fyrir að styrkja stjórnmálasamtök sem kjöri hafa náð í sveitarstjórn, styrk til starfsemi sinnar, alls kr. 100.000,- Fjárhagsáætlun var samþykkt með 3 atkvæðum (ÞJ, BJ, SP) gegn 2 (EE, KP). Fjárhagsáætlun 2007 |
|
08.12.06
Gjöf Í gær færði Jón Gunnar Jónsson, Dvalarheimilinu Hjallatúni í Vík, gjöf sem á eftir að koma að góðum notum fyrir heimilismenn. Í pakkanum voru 18 æfingaboltar.
Á myndinni sjáum við Jón
Gunnar og Guðlaugu Guðmundsdóttur.
|
 Ljósm. Sig. Hjálmarsson |
 |
 |
 |
|
08.12.06 Kvenfélags Hvammshrepps hélt sinn árlega jólafund á Hjallatúni, 5. desember s.l. Á boðstólnum var skemmtidagskrá ,bingó og kaffiveitingar. Kvenfélagskonur komu færandi hendi og gáfu félagsstarfi Hjallatúns útvarpstæki með geislaspilara. |
||
 Ljósm. Sig. Hjálmarsson |
07.12.06
Tombóla Þessir krakkar komu færandi hendi til Rauða krossins í Vík í gær. Þau héldu tombólu fyrir stuttu og söfnuðu kr. 6.300.-.
Elsa G.
Vilmundardóttir gjaldkeri deildarinnar tók
við söfnunarfénu.
Krakkarnir eru
f.v. Þórhildur Steinunn Kristinsdóttir, Elín
Árnadóttir, Unnar Logi Hauksson, Þuríður
Inga Geirdal Gísladóttir og Elva Ösp
Helgadóttir.
|
 |
 |
 |
07.12.06 Endurbætur Á dögunum var unnið að endurbótum á veginum á Reynisfjalli. Styrkur fékkst í verkið frá Vegagerðinni. Af þessu tilefni var Sig. Hjálmarsson á ferðinni og tók þessar myndir. |
 Ljósm. Sig.Hjálmarsson |
 Englakórinn og vitringarnir |
 Anna Björns með Jósef, Maríu og gistihúseigandanum |
 Sr. Haraldur M.Kr. |
 Ágústus keisari og aðrir þorpsbúar |
 Andrína Erlingsd. |
|
05.12.06 |
||||
| 05.12.06 Skotvopnaeigendur heimsóttir Þessa dagana eru lögreglumenn embættis Sýslumannsins í V-Skaft., að heimsækja skotvopnaeigendur í sýslunni sem eiga fleiri en þrjú skotvopn. Tilgangur heimsóknanna er að ganga úr skugga um að viðkomandi skotvopnaeigendur geymi skotvopnin í viðurkenndum vopnaskápum eins og kveður á um í 23. gr.vopnalaga og 33.gr. reglugerðar nr. 787/1998. Sýslumaðurinn í Vík hafði áður sent þessum sömu skotvopnaeigendum bréf þar sem lögin voru áréttuð og þeim gefin frestur til 1. desember 2006 til þess að verða sér út um viðurkennda vopnaskápa ættu þeir þá ekki fyrir. |
 |
 |
 |
 Fleiri myndir.... |
04.12.06 Basar á Hjallatúni Félagsstarfið á Hjallatúni var með opið hús þann 30. nóv. s.l. Vinnustofan opnaði fyrir gestum og gangandi. Ýmsir listmunir voru á boðstólnum s.s. peysur, treflar, töskur, hattar, sokkar, vettlingar, dúkar, dúkkur og alls kyns skrautmunir. Mikil gleði ríkti á vinnustofunni og var bæði unnið og skrafað. Þrátt fyrir afleitt veður var gestagangur allan opnunar-tímann. Ástríður Einarsdóttir hefur umsjón með öllu föndurstarfi á Hjallatúni. Ágóða basarsins verður varið til uppbyggingar félagsstarfsins. |
|
  Fleiri myndir... |
27.11.06 Leirbrot og gler Bakkabraut 6 Á Bakkabrautinni er lítið en ört vaxandi fyrirtæki er ber nafnið Leirbrot og Gler. Hjá fyrirtækinu fást frábærir hlutir úr leir og gleri sem Guðrún Sigurðardóttir hannar. Óhætt er að segja að hún sé sannur listamaður. Tilvalið er að kíkja til hennar fyrir jóla- og tækifærisgjafir. Símar hjá henni eru 849-1224 og 487-1231 Kíkjið einnig á frábæra heimasíðu http://leirbrotoggler.barnaland.is/ |
 Kristinn Níelsson |
21.11.06 Gönguferð á sandi Nýlega gaf tónskólastjórinn okkar í Vík, Kristinn Níelsson, út geisladiskinn Gönguferð á sandi. Diskurinn er frumraun Kristins á útgáfusviðinu en Kristinn er síður en svo nýgræðingur í tónlistarflutningi. Hann hefur starfað í fjölda ára sem tónskólastjóri, gítar- og fiðluleikari og söngvari í ýmsu samhengi. Tónlistin á Gönguferðinni er ljúf og lágstemmd, djassskotin og með skandinavísku ívafi. Yrkisefnið er að miklu leyti sótt til vestfjarða, mannlífs og náttúru. Meira..... |
 Mynd: Sig. Hjálmarsson |
27.11.06 RKÍ Víkurdeild Rauði kross Íslands, Víkurdeild var með kynningarfund um væntanlega heimsóknarþjónustu á vegum RKÍ. Fundurinn var haldinn á Ströndinni í Víkurskála s.l. miðdvikudag. Kynningin var ágætlega sótt og sá Jóhanna Róbertsdóttir svæðisstarfsmaður um hana. Heimsóknarvinir, þær Nína Björg Knútsdóttir frá Selfossi og Bára Sólmundsdóttir frá Hvolsvelli sögðu frá störfum sinna deilda. Stefnt er að því að halda námskeið í Vík fljótlega eftir áramót og vonandi hefst starf fljótlega eftir það |
  |
27.11.06 "Ný" og endurbætt verslun Klakks Í tilefni af stækkun verslunar Klakks var opið laugardaginn 25. nóv. s.l. frá 10 - 16. Margt var um manninn og góðir gestir komu víða að. Lesið var úr nýjum bókum og leikið efni af nýjum hljómdiskum. Jónas í Fagradal var á ferðinni og tók þessar myndir ..... |
 |
27.11.06 Sólarlag við Dyrhólaey Þessar sólarlagsmyndir tók Jónas Erlendsson í Fagradal seinnipartinn í gær sunnudag. |
 |
 Mynd: CHRIS |
Aðventusamkoma í Mýrdal 2006 |
|
21.11.06 |
  |
|
|
 Mynd: Þórir Kjartansson |
16.11.06 Fangamörkin frá 1755 orðin sýnileg í Selinu Sex menn björguðust upp í Hafursey í Kötlugosinu 1755 og höfðust þar við í hellisskúta í sex daga. Einn þeirra risti fangamörk þeirra og ártalið í bergvegginn en þau hafa lengi verið hulin jarðvegi. Lítill hellisskúti, svonefnd Stúka, er rétt neðan við Selið. Meira....... |
|
|
  Sjá fleiri myndir... |
15.11.06
Meira um fangamörkin í Selinu Þann 29. okt. s.l. fór Sigurður Hjálmarsson ásamt fríðu föruneyti að skoða fangamörkin í Selinu. Af þessu tilefni voru þessar myndir teknar. Þess má geta til gagns og gamans að á móbergshamar neðan við Stúkuna hefur Markús í Hjörleifshöfða höggvið áletrun innan ferhyrndrar umgerðar með stóru og skýru latínuletri upphafsstafina MARKÚS LOFTSSON 1850. Á efstu myndinni er ljósmyndarinn Hjálmarsson, Böðvarssonar, Sigurðssonar, Loptsonar sem var bróðir Markúsar í Hjörleifshöfða. |
 |
15.11.06
För yfir hafið Myndin hans Þóris Kjartanssonar ,,Horft í hafrótið" er eins og sjá má af listaverkinu ,,FÖR" með brimskafla í baksýn. Þórir fékk á dögunum beiðni frá borgarstjórninni í Hull um að þeir fái að nota myndina í bækling sem þar verður gefinn út. |
|
SPILAKVÖLD Í GRUNNSKÓLA
MÝRDALSHREPPS |
|
21.11.06 |
.jpg)  Myndir: Sveinn Þórðarson Sjá myndir... |
08.11.06 Kóramót í Vík Um síðastliðna helgi var haldið kóramót í Vík. Þar hittust Kvennakór Mýrdælinga, kirkjukórar Víkur- og Skeiðflatarkirkju, Prestsbakka- og Grafarkirkju, alls um 40 manna kór. Kórstjórar voru Anna Björnsdóttir og Kristín Björnsdóttir. Brian R. Haroldsson kórstjóri austansandskóra tók sér frí frá stjórn og söng með kórunum. Organisti var Kristín Waage. Á laugardag og sunnudag var raddþjálfunarnámskeið hjá Signýju Sæmundsdóttur söngkonu. Á sunnudag var svo endað í Allraheilagramessu í Víkurkirkju, þar sem afrakstur helgarinnar var fluttur. Signý söng einsöng og Unna Björg Ögmundsdóttir lék með á þverflautu í einu verkinu. Sr. Haraldur M. Kristjánsson þjónaði og sr. Ingólfur Hartvigsson las ritningarlestur. Þótti samstarfið takast með eindæmum vel og hafa kórarnir í hyggju að hittast oftar. Kirkjusókn var ágæt og var góður rómur gerður að flutningi. |
 Mynd: Helga Halldórsd.  Mynd: Sig.Hjálmarsson |
09.11.06 Gjafaafsal Deildarárskóla Föstudaginn 3. nóvember s.l. var skrifað undir gjafaafsal og lóðarleigusamning milli Mýrdalshrepps og ferðafélags Mýrdælinga vegna Deildarárskóla í Höfðabrekkuafrétti. Húsið er þar með orðið eign Ferðafélags Mýrdælinga. |
|
Hefur þú tíma aflögu ? |
 |
06.11.06 |
 Myndir Sig.Hjálm. |
|
Kirkjuskólinn í Mýrdal |
 |
30.10.06 Dvalarheimilið Hjallatún Sunnudaginn 29. október var Söngfélag Skaftfellinga á söngferð um Skaftafellssýsluna. Þau komu á Hjallatún og sungu nokkur lög við góðar undirtektir. Eftir sönginn var boðið upp á kaffi og konfekt. Kórstjóri Söngfélagsins er Violeta Smid og Pavel Manásek lék undir. Á myndunum má sjá unga og aldna njóta sönglistarinnar. Sjá myndir... |
 Myndir Guðlaug Guðmundsdóttir
|
|
06.11.06 |
 |
31.10.2006
Sundnámskeið og vatnsleikfimi Mýrdalshreppur býður öllum eldri borgurum uppá frábæra kynningu á vatnsleikfimi og leikfimi í íþróttasal. Einnig er boðið upp á sund-námskeið fyrir fullorðna. Nánar..... |
 |
HEILSUHÓPUR |
 |
 |
Drangur |
 |
02.11.06 Eintal með Stefáni Karli Stefán Karl leikari verður með fyrirlestur um einelti á netinu fyrir öll grunnskólabörn og foreldra þeirra þriðjudaginn 7. nóvember. Fyrirlestur verður fyrir nemendur um morguninn en foreldrum er boðið á fund í skólanum um kvöldið. Í dreifibréfi sem sent var heim með börnum í dag segir m.a: Nánar...... |
 Ljósmynd: Sigurður Hjálmarsson |
26.10.06 Eftirleitir
Myndin er tekin í Kambsgili í
Kerlingardalsafrétti. |
|
26.10.06 |
|
Guðsþjónusta
verður í Víkurkirkju í Mýrdal sunnudaginn 5.
nóvember n.k. kl. 14:00 |
| 31.10 2006 1. umferðin í körfunni verður haldin í Vík laugardaginn 4. nóvember n.k. Keppnin átti að fara fram á Klaustri en vegna heimaleikjar Drangs í 2. deild á laugardaginn var fyrri umferð flutt til Víkur. Seinni umferðin verður síðan á Klaustri. Keppni hefst kl. 10:00. Nánar..... |
 |
24.10.2006 OZ HÚSIÐ Félagsmiðstöðin OZ og RKÍ Víkurdeild hafa ákveðið að gefa nemendum 9. - 10. bekkjar kost á því að koma í ungmennahúsið og taka þátt í starfinu. Ungmennahúsið var áður opið ungu fólki á aldrinum 16 - 25 ára. Opnar aftur laugardaginn 28. október kl. 20-23. Öflugasta forvörnin byggir á uppbyggingu einstaklingsins. Meira... Ungmennahús í Vík fyrir ungt fólk á aldrinum 14 - 25 ára. |
 |
20.10.06 Vatnsleikfimi eldri borgara Föstudaginn 10. og laugardaginn 11. nóvember n.k. býður Mýrdalshreppur eldri borgurum upp á námskeið í vatnsleikfimi og íþróttaæfingum í sal. Sundkennari er Dagbjört Hrönn Leifsdóttir. Nánari umfjöllun og upplýsingar verða auglýstar hér á síðunni og í Vitanum. |
 |
 |
  |
 |
Ljósmyndir Sævar Jónasson
| 25.10.2006 100 ára afmæli Þann 9. október s.l. voru 100 ár liðin frá því að formlega var settur skóli í Vík. Af þessu tilefni var haldin vegleg afmælisveisla laugardaginn 21. okbóber s.l. Hátíðardagskráin hófst í félagsheimilinu Leikskálum, sem þjónaði sem skólahús frá því um árið 1910. Segja má að fyrst hafi verið formlega settur skóli í Vík 9. október 1906 og var fyrst kennt í húsi bindindisfélagsins en síðan í Leikskálum fram til 9. októbers 1976, þegar nýtt skólahús var vígt. Í fyrsta skipti í sögu skólans er nú til skólasöngur, því að í tilefni afmælisins var efnt til samkeppni um skólasöng. Fyrstu verðlaun hlaut Anna Björnsdóttir tónmenntakennari skólans og var söngurinn frumfluttur í afmælinu. Skólanum bárust margar góðar gjafir. Sveitarstjóri Mýrdalshrepps afhenti 3 vatnsfonta á ganga skólans og í íþróttahús. Elín Einarsdóttir trúnaðarmaður kennara færði skólanum alheimskort frá starfsmönnum. Frá Menntamálaráðuneytinu fékk skólinn Íslandsatlas með hamingjuóskum frá Þorgerði Katrínu Gunnarsdóttur menntamálaráðherra. Kvenfélögin þrjú í Mýrdalshreppi færðu skólanum hvert um sig peningagjafir. Unnar Þór Böðvarsson, skólastjóri kom færandi hendi með klukku frá Hvolsskóla...... Meira um afmælið... |
|
|
24.10.06 DRANGUR Fyrsti heimaleikur Drangs verður föstudaginn 27. október n.k. kl. 20:45 Drangur mætir ÍBV í sínum fyrsta heimaleik. Allir Víkurbúar og nærsveitamenn er hvattir til að mæta og hvetja liðið til dáða því baráttan verður hörð í vetur. Áfram Drangur ! |
|
19.10.06 Ný tvíbreið brú - Staðará í Suðursveit Ákveðið hefur verið að Brúarvinnuflokkur Sveins Þórðarsonar hjá Vegagerðinni í Vík byggi nýja brú yfir Staðará í Suðursveit. Byrjað verður á verkinu í nóvember og áætluð verklok næsta vor. Byggð verður 30 m löng steinsteypt brú rétt ofan við núverandi brú. Í dag eru 7 menn frá brúarvinnuflokknum að skipta um gólf í brúnni yfir Jökulsá á Breiðamerkursandi og 2 menn eru að skipta um vegrið á brúnum yfir Nýbýlaveg í Kópavogi. Þegar þessum verkefnum lýkur verða vinnubúðirnar fluttar að Staðará og byrjað þar á niðurrekstri og sökklum. |
|
20.10.2006 |
|
16.10.06 Félagsmálanámskeið Framundan eru félagsmálanámskeið í sýslunni. Þau eru samstarfsverkefni UMFÍ og Bændasamtakanna. Námskeiðið verður haldið á Ströndinni 24. og 25. október n.k. þ.e. þriðjudag og miðvikudag. Fyrra kvöldið verður farið í fundarstörf og fundarstjórnun en seinna kvöldið í framkomuþjálfun. Námskeiðið hefst kl. 20:00 og lýkur kl. 22:00 hvort kvöld og kostar þátttakendur kr. 2.500,-. Skráning á usvs@mmedia.is og hjá Þorgerði í síma 864-9579 . |
 Mynd: Sigurður Hjálmarsson |
20.10.06 Leikskólinn Suður-Vík Börnin á Leikskólanum í Suður-Vík hafa að undanförnu verið að vinna þemaverkefni um björgunarsveit. Af því tilefni kom björgunarsveitin Víkverji í heimsókn til þeirra í morgun. |
 Mynd Kristín Marti Kasparsdóttir |
17.10.06 100 ára afmæli skólahalds í Vík Þann 9. október s.l. voru 100 ár liðin frá því að formlega var settur skóli í Vík. Af þessu tilefni verður skólaárið 2006 – 2007 helgað skólasögu í víðum skilningi. Laugardaginn 21. október verður vegleg afmælisveisla í skólanum. Efnt verður til samkeppni um skólasöng og í þemaviku í nóvember verður unnið að sögusýningu. Fleira er á döfinni og mun afmælið setja skemmtilegan svip á skólaárið. Gaman væri að sem flestir af gömlum nemendum skólans ásamt starfsmönnum og öðrum velunnurum gætu heimsótt skólann á afmælisdaginn. Nánari dagskrá afmælisins: http://gsm.ismennt.is/ |
|
 Frá vinstri: Helga Halldórsdóttir, sr. Halldór Gunnarsson og Pétur Hafstein |
16.10.06 Kirkjuþing Nýtt kirkjuþing kemur saman í október. Um 60% þingfulltrúa eru nýtt fólk. Fræðslufundur um skipan og starfsemi Þjóðkirkjunnar og um starfshætti kirkjuþings var haldinn fyrir þennan hóp 30. september s.l. Flestir þeirra sem mættu á fundinn voru nýjir fulltrúar. Fulltrúar Suðurlands (Árnes-Rangár- og Skaftafellssýslu) eru Helga Halldórsdóttir skrifstofustjóri hjá Mýrdalshreppi, sr. Halldór Gunnarsson í Holti og Pétur Hafstein. Kirkjuþing verður sett laugardaginn 21. október 2006 og er reiknað með að þinginu verði slitið fimmtudaginn 26. október 2006. Sjá nánar http://www.kirkjan.is/?frettir/2006?id=363 |
 Mynd: Sigurður Hjálmarsson, Vík |
17.10.06 Tombóla í Vík Fjórar ungar stúlkur í Vík í Mýrdal héldu tombólu fyrir stuttu til styrktar Rauða krossi Íslands þar sem þær söfnuðu kr. 7.000.-. Þær óskuðu þess þegar þær afhentu söfnunarféð, formanni Rauða kross deildarinnar í Vík að börn sem ættu bágt fengju að njóta peninganna. Stúlkurnar eru f.v. Sandra Lilja Björgvinsdóttir, Ólöf Sigurlína Einarsdóttir, Elva Ösp Helgadóttir og Anna Elísabet Jónínudóttir |
 |
13.10.06 Suður-Vík Börnin í Hundahóp í Leikskólanum Suður-Vík hafa verið að vinna þemaverkefni um björgunarsveit að undanförnu. Bergur Már, Birgitta Rós og Svanhvít unnu í sameiningu merki Slysavarnarfélagsins Landsbjargar og var þessi mynd tekin að verki loknu og allir sögðu "sís" |
 |
13.10.06 Þetta eru þau Kristín, Sigríður Ingibjörg, Katrín Marey, Daníel Freyr, Tinna og Sólbjörg Lind. |
 |
02.10.06 Hrútasýning Hrúta- og gimbrasýning var haldin fyrir skömmu í Þórisholti í Mýrdal. Gripirnir voru mældir hátt og lágt með nýjustu tækni og hér fylgja mál af besta veturgamla hrútnum hans Jónasar ljósmyndara í Fagradal, Gáska 05-467 sem er undan Kúða 99-888 og Glettu 02-373.MálÓmmæling bak 36, fita 3 og lag 5 Stig frá 1-10Haus 8, herðar 8, brjóst og útlögur 8,5, bak 9,5, malir 8,5, læri 18, ull 8, fætur 8, samræmi 8 alls 84,5 stig |
 |
02.10.06 Ellen Kristjáns í Víkurkirkju Ellen Kristjánsdóttir hélt tónleika ásamt eiginmanni sínum Eyþóri Gunnarssyni fimmtudagskvöldið 28. sept. s.l. Ellen söng sálma af samnefndum geisladiski er kom út fyrir jólin 2004. Mikill fjöldi fólks sótti frábæra tónleika og var andrúmsloftið afslappað og ljúft, enda er Ellen bæði einlæg og ljúf. Var þeim hjónum ákaft fagnað að tónleikum loknum og voru þau klöppuð upp tvívegis. Þá sungu þá önnur lög s.s. When I think og angels... og Einhvers staðar, einhvern tíma...... Tónleikarnir voru í boði sóknarnefndar Víkurkirkju og voru styrktir af menningarmálanefnd Mýrdalshrepps og KB banka. |
 |
|
 |
Smalað í Höfðabrekkuafrétti
Smalar voru á ferð um Höfðabrekkuafrétt um miðjan september. Þar á meðal var Jónas ljósmyndari sem greinilega gerði fleira en eltast við kindur eins og myndirnar hér til hliðar bera með sér en náttúrufegurð er með eindæmum á þessu svæði.
Kötluhlaup
Kötluhlaup fór fram 9. september sl. og er það annað árið í röð sem hlaupið fer fram. Í fyrra var hlaupið frá
Kúðafljóti
yfir Mýrdalssand og til Víkur um 42 km leið. Í ár
var hlaupið frá Vík að Kúðafljóti þar sem heppilegra
þótti að hafa vindinn í bakið. Um 20 þátttakendur
ýmist hlupu eða hjóluðu leiðina.
Furðumyndir úr Dyrhólaey
Ekki
hefur spurst til kríunnar sem hvarf sporlaust úr
Dyrhólaey á vormánuðum. Jónas ljósmyndari í
Fagradal var þarna á ferðinni fyrir nokkru og tók m.a.
þessar fallegu myndir.
Bikarkeppni FRÍ - 2. deild
HSK sigraði örugglega 2. deild Bikarkeppni FRÍ sem haldin var í Vík 26. ágúst sl. HSK er þar með búið að vinna sér keppnisrétt í 1. deild Bikarkeppninnar að ári. Fjögur lið tóku þátt í 2. deild og fór stigakeppnin þannig:
Heildar stig.
HSK 78 stig.
UMSE/UFA 69 stig
USVS/USÚ 61 stig
Afturelding 50 stig
HSK sigraði kvennakeppnina en sameinað lið USVS og USÚ sigruðu karlakeppnina.
sjá http://www.fri.is/frettir.asp?frett=1551
Íþróttahátíð USVS
Íþróttahátíð USVS var haldin í Vík helgina 19.-20. ágúst. Alls skráðu sig 114 keppendur til leiks. Hátíðin f
ór
vel fram í góðu veðri báða mótsdagana. Mikill fjöldi
héraðsmeta var slegin við afar góðar aðstæður í Vík.Kríuhvarfið úr Dyrhólaey
Hvarf kríunnar úr Dyrhólaey hefur verið í fréttum að undanförnu. Fréttablaðið Glugginn, sem dr
eift
er á Suðurlandi, birti frétt þann 6. júlí s.l. þar sem
því er haldið fram að hvarfið sé líklegast af
mannavöldum. Glugginn kannaði málið betur og
13. júlí s.l. birtist frétt þar sem Kristinn H.
Skarphéðinsson fuglafræðingur hjá Náttúrufræðistofnun
Íslands og Kjartan Stefánsson tófuskytta í Vík leiða að
því líkum að kríuhvarfið sé af náttúrulegum orsökum,
ætisskortur valdi því að kríurnar yfirgefi hreiður sín
og tófan ásamt hröfnum og máfum gætu hafa hreinsað upp
varpið á skömmum tíma. sjá www.sudurglugginn.is
Pollamót
Pollamót í knattspyrnu fór fram á Víkurvelli í dag og kepptu þar lið 10 ára og yngri frá Vík, Vestmannaeyjum og Hvolsvelli.
Gljúfraskoðun
Ferðafélag Mýrdælinga fór í gönguferðir um Sólheimaheiði og Höfðabrekkuafrétt um síðustu helgi og var þátttaka dágóð. Svæðið sem
gengið var um er einstaklega fallegt eins og þessar
myndir Sigurðar K. Hjálmarssonar bera með sér. Minnismerki afhjúpað
Valgerður Sverrisdóttir utanríkisráðherra afhjúpaði í dag minnismerkið För eftir listakonuna Steinunni Þórarinsdóttur í Vík í Mýrdal. Fjölmenni var viðstatt afhjúpunina, þar á meðal sendiherra
Bretlands
á Íslandi, Alp Mehmet, Sveitarstjóri Mýrdalshrepps og
meðlimir sveitarstjórnar ásamt fleiri fyrirmennum.
Varðskipið Óðinn sem er að ljúka sinni síðustu för fyrir
Landhelgisgæsluna var fyrir utan Vík við tilefnið og
þeytti þokulúður til hátíðarbrigða. Með
uppsetningu verksins í Hull á Englandi annars vegar og í
Vík á Íslandi hins vegar er haldið á lofti þeirri
staðreynd að viðskipti hafi verið stunduð milli þjóðanna
í yfir þúsund ár. Verkið er einnig hugsað til þess að
minnast sjófarenda og atbur
ða
tengdum hafinu. Þorskastríð voru háð á Íslandsmiðum, þar
sem tvær vinaþjóðir tókust á. Þeir tímar eru að baki og
er ætlunin að verkið skírskoti einnig til framtíðar þar
sem samskipti þjóðanna eru enn mikil og vaxandi.
Verkið För er í tveimur hlutum. Fyrri hluti verksins var
settur upp í Hull fyrir viku en nú var uppsetningu lokið
með afhjúpun í Vík í Mýrdal. Á báðum stöðum er um að
ræða háa steinsúlu sem manneskja stendur á og horfir til
hafs. Í Hull er manneskjan úr bronsi en á Íslandi úr
áli. Borgarstjórn Hull, sveitarstjórn
Mýrdalshrepps, ríkisstjórn Íslands, breska sendiráðið á
Íslandi ásamt einkafyrirtækjum hafa tekið höndum saman
og kostað þetta skemmtilega verkefni. Vík í Mýrdal
varð fyrir valinu sem einn af þeim stöðum sem breskir
ferðamenn minnast helst þegar þeir eru spurðir um
minnisstæða staði eftir heimsókn til Íslands. Einnig er
Vík gamall útgerðarbær fyrr á öldum þó hafnleysa hafi
ávallt torveldað sjósókn.Brimbrettahátíð í Vík
Hópur sem kallar sig "2 20" dvaldist um helgina í Vík og voru þau að prófa að vera á brimbrettum við ströndina,
. Á laugardagskvöldið voru svo haldnir tónleikar á vegum
hópsins á tjaldstæðinu í Vík þar sem nokkrar
hljómsveitir td.Moise, Út Exit og Herra Möller komu
fram. Að sögn Victors Bergs Guðmundssonar æskulýðs- og
tómstundafulltrúa Mýrdalshrepps sem aðstoðaði hópinn
fyrir hönd Mýrdalshrepps, heppnaðist framkvæmdin í alla
staði mjög vel.
Gengið á Búrfell
Ferðafélag Mýrdælinga hefur ski
pulagt
kvöldgöngur m.a. á Búrfell og Hjörleifshöfða.Þessa fallegu mynd af Dyrhólaey tók Jónas ljósmyndari í Fagradal af Búrfelli.
Grunnskólabörn úr GSM vinna til verðlauna
Sjöundi og áttundi bekkur grunnskólans vann 1. verðlaun í samkeppninni Reyklaus bekkur. Verðlaunin, sem eru utanlandsferð fyrir allan hópinn, fengu þau fyrir stuttmynd sem þau unnu með hjálp kennara sinna.
Sjá nánar:
http://www.reyklaus.is/reyklausbekkur/frettir/nr/1727
Laus störf
Nokkur störf eru laus hjá stofnunum Mýrdalshrepps.
Sjánánar: Laus störf....
Tröllasögur staðfestar
Einar Sveinbjörnsson veðurfræðingur staðfestir "tröllasögur" um að vorið sé að jafnaði snemma á ferðinni í Mýrdal og undir Eyjafjöllum á bloggsíðu sinni á blog.is. Sjá nánar grein Einars hér: Það vorar vel í Mýrdalnum og undir Eyjafjöllum
Synt til Færeyja
Mýrdælingar synda nú hver sem betur getur og markmiðið er að hjálpast að við að synda sem nemur vegalengdinni til Færeyja fyrir lok maímánaðar.
Hreinsunardagur
Fimmtudaginn 11. maí fóru Víkurbúar í flokk
um
um götur og opin svæði og hreinsuðu til eftir veturinn.
Endað var á grillveislu við íþróttamiðstöðina. Í byrjun júní er síðan von á sjálfboðaliðum frá Veraldarvinum sem m.a. munu hreinsa strandlengjuna.
Flugdagur í Vík
Flugdagur var í Vík 13. maí sl. Sjá mátti margar skemmtilegar flugvélar á Höfðabrekkuvelli
og flugmenn léku listir sínar yfir vellinum. Dagur umhverfisins
Dagur umhverfisins er haldinn hátíðlegur 25. apríl ár hvert, á fæðingardegi Sveins Pálssonar læknis og náttúrufræðings í Suður-Vík, fyrsta íslenska náttúrufræðingsins og þess manns sem einna fyrstur hvatti til aðgerða gegn skógareyðingu á Íslandi og orðaði þá hugsun sem nú kallast sjálfbær þróun.
Í tilefni dagsins fengu íbúar sendar upplýsingar um sorphirðu og sorpförgun í sveitarfélaginu þar sem gert er grein fyrir áformum um stóraukna endurvinnslu úrgangs.
Þessar upplýsingar má nálgast
hér...
Sveitarstjórn mótmælir
Sveitarstjórn samþykkti einróma á fundi sínum þann 19. apríl sl. að mótmæla áformum Umhverfisstofnunar um lokun Dyrhólaeyjar á tímabilinu 1. maí til 25. júní og fer fram á að opið sé upp á Háey árið um kring. Hins vegar eru ekki gerðar athugasemdir við að einhverjum svæðum sé lokað tímabundið svo sem Lágey telji stofnunin ástæðu til. Sveitarstjórn hvetur til að Umhverfisstofnun flýti áformum um framkvæmdir í samræmi við samþykkt deiliskipulag Dyrhólaeyjar og verði með landvörslu á svæðinu a.m.k. á tímabilinu 1. maí til 31. ágúst ár hvert.
Golfvöllurinn góður eftir veturinn
Sláttur er hafinn á golfvellinum og hefur hefur hann að sögn sjaldan eða aldrei verið betri eftir veturinn. Á myndinni er Pálmi Sveinsson að slá flötina við Víkurklett.
Starfsfólk vantar
Nokkur laus störf eru hjá Mýrdalshreppi, við heimaþjónustu og sumarstörf við sundlaug og áhaldahús. Sjá nánar auglýsingu hér að neðan.
Ársreikningur 2005 afgreiddur
Sveitarstjórn afgreiddi ársreikning 2005 á fundi sínum í gærkveldi. Skv. reikningum hefur afkoma sveitarsjóðs lagast umtalsvert frá fyrri árum og var reikningurinn afgreiddur án halla. Bókun sveitarstjórnar má sjá í fundargerðinni sem nálgast má hér.
409 - Fundargerð 30 mars 2006.pdf
Tillaga að veglínu um Mýrdal
Sveitarstjórn staðfesti fundargerð skipulags- og byggingarnefndar frá 7. mars sl. á fundi sínum í gærkveldi. Það var ákveðið hvaða veglínum verður unnið með við gerð aðalskipulagstillögu.
Tillögurnar má skoða hér Aðalskipulag - tillögur
Lionsmenn koma færandi hendi
Lionsklúbburinn Suðri í Vík hélt sinn árlega fund á Dvalarheimilinu Hjallatúni í vikunni. Lionsfélagar komu færandi hendi á fundinn en þeir afhentu heimilinu nýja súrefnisvél að gjöf. Guðmundur Elíasson varaformaður klúbbsins afhenti Guðlaugu Guðmundsdóttir forstöðukonu gjöfina í forföllum formannsins, Sigurðar Æ. Harðarsonar. Þórður Tómasson las upp úr verkum sínum fyrir heimilismenn eftir að bornar höfðu verið fram veitingar.
Bergrisinn 2006
Almannavarnaæfingin Bergrisinn sem haldin var í Vestur-Skaftafellssýslu og Rangárvallasýslu um helgina þótti takast vel þó vissulega hafi eitt og annað komið upp sem laga þarf. Almannavarnadeild ríkislögreglustjóra býður þátttakendum í æfingunni og öðrum þeim sem áhuga hafa á að senda inn umsagnir og athugasemdir. Form að slíkri má nálgast á tenglinum hér að neðan.
Beinagrind að skýrslu
Ísland altengt
Samgönguráðherra var á ferðinni og kynnti Mýrdælingum sínar metnaðarfullu áætlanir um Ísland altengt sem án efa kemur Íslandi í fremstu röð í heiminum hvað varðar aðgengi að háhraðatengingum.
Skólabörn kynnast ullinni
Fyrr í mánuðinum hittu nemendur grunnskólans ullarselsmenn frá Hvanneyri sem staddir voru á bænum Þórisholti. Fengu börnin að sjá hvernig unnið var úr ullinni áður fyrr.
Bergrisinn - Almannavarnaæfing
Næstkomandi laugardag 25. mars n.k. verður almannavarnaæfingin Bergrisinn haldin í V-Skaftafellssýslu. Fyrir íbúa Mýrdalshrepps ætti æfingin að verða svipuð fyrri æfingum að öðru leyti en því að nú er gert ráð fyrir að íbúar á Sólheimabæjum rými hús sín og mæti í fjöldahjálparstöðina sem nú er í leikskólanum Suður-Vík í stað Ársala sem gegndu því hlutverki í fyrri æfingum.
Sjá nánar:
http://www.almannavarnir.is/displayer.asp?cat_id=182
Mýrdalsdeild Ferðafélags Íslands
Stofnfundur Mýrdalsdeildar Ferðafé
lags
Íslands var haldinn á Ströndinni í Víkurskála
sunnudaginn 19. mars. Um 20 manns sóttu fundinn.
Kosin var 5 manna stjórn sem mun skipta með sér verkum.Formaður og framkvæmdastjóri Ferðafélags Íslands mættu á fundinn.
Nýkjörin stjórn: fremri röð f.v. Magnús Kristjánsson og Sigurður Hjálmarsson. Aftari f.v. Þórhildur Jónsdóttir og Guðjón Þ. Guðmundsson. Á myndina vantar Sigurð B. Baldvinsson
Sjá nánar: http://blog.central.is/gongur/index.php og http://www.fi.is/
Bergrisinn - Almannavarnaæfing
Laugardaginn 25. mars n.k. verður almannavarnaæfingin Bergrisinn haldin í V-Skaftafellssýslu.
Sjá nánar:
http://www.almannavarnir.is/displayer.asp?cat_id=182
Mýrdalsdeild Ferðafélags Íslands
Stofnfundur deildar Ferðafélags Íslands í Mýrdal verður haldinn á Ströndinni í Víkurskála sunnudaginn 19. mars 2006 kl. 16:00 og eru Mýrdælingar og aðrir hvattir til að mæta og skrá sig í deildina.
Sjá nánar: http://www.fi.is/
Er ekki þörf á rýmingu í Vík?
Fimmtudaginn 2. mars sl. voru haldnir í Leikskálum, kynningarfundir um rýmingaráætlanir vega eldgoss í Kötlu. Á annað hundrað manns mætti á fundina tvo sem nýskipaður sýslumaður Vestur-Skaftfellinga, Anna Birna Þráinsdóttir, stýrði af röggsemi. Á fundunum voru sýndar rennslishermanir fyrir Kötluhlaup niður Mýrdalssand og Sólheimasand sem glögglega sýndu að hætta fyrir byggðina í Vík af völdum Kötluhlaups hefur verið stórlega ofmetin hingað til. Hinsvegar geta menn kannski ekki útilokað sjávarbylgju ef allar aðstæður væru eins slæmar og hugsast gæti, Kötluhlaup, flóð á stórstreymi og áhlaðandi af völdum sunnan óveðurs. Líkur á að allt þetta fari saman geta hins vegar ekki talist miklar.
Mýrdælsk blómarós í fegurðarsamkep
pni
SuðurlandsElísabet Ásta Magnúsdóttir frá Reyni í Mýrdal er keppandi í Ungfrú Suðurland sem fer fram á Hótel Selfoss föstudaginn 10. mars næstkomandi.
Netkosning stendur nú yfir á Suðurland.net
Sjá nánar:
http://www.sudurland.net/forsida/fegurd/elisabet-asta/
Vor í lofti?
Vorhugur hefur gripið fýlinn í hlíðum Reynisfjalls. Jónas ljósmyndari er oftast nálægur með myndavélina og hann kom auga á aukna athafnasemi í fýlnum um þessar mundir.
Þeir sem eru árrisulir fá ríkulega greitt, morgunhiminn er ægifagur á þessari mynd Jónasar sem sýnir Hjörleifshöfða ásamt Höfðabrekkuhömrum.
"Upp er runninn Öskudagur,
Ákaflega skýr og fagur" kveða krakkarnir
sem
tölta milli fyrirtækja og stofnanna og heilsa upp á
starfsfólk. Þau uppskera bros og svolítið
nammi eins og þessir nemendur 1. bekkjar grunnskólans
sem fóru um í fríðum flokki og komu meðal annars við á
skrifstofu sveitarfélagsins snemma í morgun. Launahækkanir samþykktar.
Á fundi sveitarstjórnar Mýrdalshrepps þann 27. febrúar sl. var samþykkt að nýta heimild Launanefndar sveitarfélaga til hækkunar á launum þeirra starfsmanna sveitarfélagsins sem samþykktin tekur til. Samþykkt sveitarstjórnar gildir frá 1. mars og er kostnaðarauki sveitarfélagsins áætlaður um 2,2 millj. kr. á árinu.
Þriggja ára áætlun afgreidd
Sveitarstjórn afgreiddi þriggja ára áætlun 2007-2009 á fundi sínum 27. febrúar sl. Skv. áætluninni er gert ráð fyrir að rekstur sveitarfélagsins verði lítillega jákvæður öll árin og að unnt verði að greiða niður skuldir um nær 40 millj. kr. á tímabilinu. Rými fyrir fjárfestingar í nýframkvæmdum er þó ekki mikið án þess að til komi nýjar lántökur.
Æfingabúðir í Vík.
Íþróttaaðstaða er góð í Vík og vorið er að öllu jöfnu no
kkuð
fyrr á ferðinni en gerist og gengur á landinu.
Ef að líkum lætur verður
knattspyrnuvöllurinn tilbúinn til notkunar
síðari hluta aprílmánaðar. Efri myndin er tekin
þegar meistaraflokkur HK var við æfingar á Víkurvelli um
mánaðarmótin apríl/maí í fyrra. Neðri myndin var
tekin af Jóhanni Einarssyni flugmanni fyrir nokkrum
dögum og hún sýnir ágætlega íþróttaaðstöðuna,
frjálsíþrótta/knattspyrnuvöll, sparkvöll, íþróttahús og
sundlaug.Öryggis- og eftirlitskerfi í íþróttamiðstöðinni.
Lokið hefur verið vinnu við tengingar og uppsetningu á mjög góðu öryggis- og eftirlitskerfi í íþróttamiðstöðinni og við skólalóðina. Með uppsetningu kerfisins er verið að stuðla að auknu öryggi sundlaugargesta sem voru um 17058 á árinu 2005. Einnig á öryggiskerfið að halda óboðnum gestum frá íþróttamiðstöðinni.
Fjögur hús í byggingu í Mýrdal
Sæmilega hefur viðrað til húsbygginga það sem af er vetri og þessa dagana mætti halda að vorið v
æri
komið, hitamælirinn hefur hvað eftir annað sýnt 9-10°C.
Eitt íbúðarhús er nýlega fokhelt, tvö gætu orðið fokheld
á næstu vikum verið að byrja á sökklum þess fjórða.
Fleiri hafa sýnt áhuga á lóðum og verið er að undirbúa
nýja íbúagötu í Suður-Víkur túni þar sem útsýnið er engu
líkt yfir Víkurþorp með Reynisfjall og Reynisdranga í
bakgrunni.Vel heppnað þorrablót í Vík
Árlegt þorrabót var haldið í félagsheimilinu Leikskálum fyrsta laugardag í þorra. Húsfyllir var og skemmtu
menn
sér konunglega að vanda. Þorrablótsnefndin rifjaði
upp unglingalandsmótið í spéspegli og var gerður góður
rómur að.Framundan er þorrablót Búnaðarfélags Dyrhólahrepps og síðustu helgi í þorra verður blótað að Eyrarlandi í Reynishverfi.
Skemmtanaglaðir Mýrdælir geta því vel við unað þessar vikurnar.
Lífleg áramót í Vík
Björgunarsveitin Víkverji stóð fyrir veglegri flugeldasýningu um áramótin, en sú hefð hefur skapast að íbúar leggi framlög í pott sem Víkverjar sjá um að skjóta upp í loftið um miðnætti. Fyrr um kvöldið var að vanda brenna við Víkurá. Jónas ljósmyndari var að sjálfsögðu á staðnum og fangaði ljósadýrðina eins og sjá á myndunum.
Fréttaljósmynd ársins á Suðurland.net
Fréttamiðillinn sudurland.net hefur valið ljósmynd Jónasar Erlendssonar í Fagradal sem fréttaljósmynd ársins 2005. Jónas átti einnig myndina sem varð í öðru
sæti.
Ljósmynd ársins:
Ólafur á Reyni með snemmbæru.
Myndin í öðru sæti:
Þorsteinn frá Ytri-Sólheimum
fagnar vel heppnaðri smölun úr Hvítmögu.