Laugardaginn 21. nóvember s.l. var haldið upp á 40 ára afmæli björgungarsveitarinnar Víkverja.
Að sögn Ragnheiðar Högnadóttur var þetta var stórkostlegur dagur fyrir Víkverjafólk og gaman að sjá hversu margir sáu sér fært að koma en milli 150-170 gestir komu og þáðu kaffi.
Skrifað var undir samstarfssamning við Mýrdalshrepp um ýmsa þjónustu sem björgunarsveitin veitir sveitarfélaginu og má þar nefna snjómokstur, umferðarstjórnun við Víkurkirkju, (þegar stórathafnir eru) umsjón með áramótabrennu ofl.
Í staðinn styrkir Mýrdalshreppur björgungarsveitina Víkverja um 1.000.000 á ári næstu þrjú árin. Upphæðin kemur í stað þess að Víkverji sæki reglulega um styrk til að mynda á móti fasteignagjöldum.
Víkverji fékk margar góðar gjafir bæði frá einstaklingum, félagasamtökum og fyrirtækjum og vilja koma á framfæri kærum þökkum til allra sem að sýndu þeim velvilja þennan merka dag.
Í tilefni af afmælinu voru heiðraðir sérstaklega tveir björgunarsveitarfélagar sem unnið hafa með Víkverja frá upphafi. Það voru þeir Magnús Kristjánsson og Reynir Ragnarsson. Fengu þeir afhenta áritaða skildi sem þakklætisvott fyrir vel unnin störf í þágu sveitarinnar.

Stjórn björgunarsveitarinnar Víkverja er í dag þannig skipuð:
Einar Bárðarson formaður
Grétar Einarsson varaformaður
Guðrún Hildur Kolbeins ritari
Ragnheiður Högnadóttir gjaldkeri
Atli Már Guðjónsson meðstjórnandi.

Texti: Ragnheiður Högnadóttir / is
Ljósmyndir: Jónas Erlendsson