Íbúafundir

Byggðasamlag Green Globe 21 í Rangárvalla- og Skaftafellssýslu boðar til íbúafunda til kynningar á Green Globe 21 verkefninu. Sveitarfélög á svæði byggðasamlagsins, auk Þjóðgarðsins Skaftafells, eru  þátttakendur í  verkefninu. Green Globe 21 eru alþjóðleg vottunarsamtök sem votta fyrirtæki í ferðaþjónustu og samfélög. Vottunarkerfið miðar m.a. að því að ná fram bættri frammistöðu í umhverfismálum, sem leiðir til rekstrarsparnaðar og bættrar samkeppnisstöðu svæðisins.

Íbúafundirnir verða á eftirtöldum stöðum:
 

Í Félagsheimilinu Leikskálum í Vík þriðjudaginn 20. mars kl. 20:30

Í  Félagsheimilinu Hvoli á Hvolsvelli miðvikudaginn 21. mars kl. 16:00

Stefán Gíslason umhverfisfræðingur og framkvæmdastjóri hjá Umhverfisráðgjöf Íslands ehf flytur erindi og kynnir verkefnið.

Að því loknu eru almennar umræður og fyrirspurnir.

Íbúar á svæðinu eru hvattir til að mæta á fundina til að kynna sér verkefnið og þá möguleika sem þátttaka í því skapar samfélaginu.

Stýrihópur Byggðasamlags Green Globe 21 í Rangárvalla- og Skaftafellssýslu.